رواية بيت الهنا الفصل 15-16بقلم رحاب القاضي

موضوع_عائلي
بيت الهنا 
_الحلقه ال 15
وقالت 
يكفيني منه قلب صادق
وحب طاهر لا ينضب أبدا.
سيف بقلق
انا كنت هقولك يا ريناد بس كنت مستني اطمن عليكي عشان ابننا وو..
ريناد بسخريه
من سنتين مستني تطمن عليا عشان ابننا سنتين بحالهم بتنام جنبي وعايش معايا وهي في حياتك واكيد قبل كده برضو كنتو تعرفو بعض يعني..
بص سيف للارض وهي دموعها نزلت بحزن وقالت
هو بس انا عندي سؤال واحد انا ازاي هونت عليك كده هو انت يعني ما كنتش شايف اللي بعمله عشانك ما كنتش شايف انا بضحي بأيه عشان ارضيك وعشان ما تحصلش بينا مشاكل يا سيف قولتلي اوعي تفكري في شغل انا مراتي ما تشتغلش وافقت وما اشتغلتش وقولتلي بطلي تخرجي مع صحابك قولتلك حاضر وقولتلي صحابك دول مش كويسين وبيتك اهم بالوقت اللي بتضيعيه معاهم وخلتني قطعت علاقتي بيهم وقولت حاضر عشانك..
وبصت لشرين پبكاء وقالت
هي مش دي اللي سابتك زمان وراحت اتجوزت قريبها عشان تسافر معاه بره مصر وانا اللي وقفت جنبك ولا كنت بتنساها بيا بس بقي الموضوع قلب بجد واتدبست فيا صح..
وتابعت بنبره مهزوزه ومليانه حزن
قولي صح هي بتشتغل مش كده هي بتطبخلك بتزعقلها لما الاكل بيبقي نااقص ملح لا لا الضوافر دي مش بتاعت. طبيخ ولا غسيل طيب لو نسيت تصحيك في معاد شغلك بتتخانق معاها وتنكد عليها بتفضل تقولها انها نكديه علي طول بتقولها ان حياتك معاها قرف ولا القرف ده كان معايا انا بس..
قرب منها سيف وقال بحزن 
انا اسف عارف ان ما فيش مبرر بس انا ما كنتش هسيبك..
بعدت عنه وقالت پحده
ياريتك كنت سيبتني واتجوزتها بس انك تغفلني وتكدب عليا ده انا مش هقدر اسامحك عليه كنت بتنكد عليا بالقصد عشان تسيب البيت وتبات بره كنت بتخليني افضل الليل كله اعيط عشان تلاقي حجه تروحلها صح انا عرفت كل حاجه يا سيف وخلاص ما بقيتش البنت الصغيره العبيطه اللي هتصدقك تاني وتمشي وراااك..
سيف 
طيب بصي اهدي دلوقتي وادخلي جوه وهي هتمشي وهنتكلم وكل حاجه هتتحل..
جات شرين تمشي بس ريناد قالتلها بسرعه
استني يا دكتوره شرين ده بيتك انتي وده جوزك انتي انا هسيبهولك ما بقتش عايزااه ما بقيتش عايزه غير انه يطلقني...
سيف بجديه 
انا مش هطلقك يا ريناد وبلاش افوره انا ما عملتش حاجه حرام انا اتجوزت علي سنة الله ورسوله..
ريناد پحده ودموع
سيبني امشي يا سيف بدل ما اكلم طارق وعمو عز يجو ياخدوني من هنا وتبقي مشكله لو لسه عندك شوية احترام ليا خلي الموضوع يخلص من غير تجريح اكتر من كده..
_وسابته فعلا واخدت شنطتها وطلعت وقفلت الباب ومشيت وهو قعد علي الكنبه اللي في الصاله وحط راسه بين ايديه وقعدت جنبيه شرين وقالت..
شرين 
ليه عملنا كده يا سيف بجد صعبت عليا انا ما كنتش عايزه اخدك منها ياريتني ما سمعت كلامك..
بصلها سيف پحده وقال
انتي السبب انتي اللي سبتيني وخلتيني ادخلها حياتي واتدبس فعلا في جوازه مش عايزها انا عمري ما حبيتها اللي بينا دلوقتي ده عشره عشان البيت وتيا والبيبي اللي في بطنها وعشان مقدر انها وقفت جنبي لما انتي سبتيني بس انا للاسف ما حبيتش غيرك ومش عارف ولا هعرف ابعد عنك..
شرين بحزن
مش هلومك علي الكلام ده بس رجع مراتك حتي لو طلبت انك تطلقني اسمع كلامها بيتك وولادك والبنت اللي بتحبك بالطريقه دي اولي بيك انا هتعود علي غيابك اكيد هتعود..
سيف بضيق
بطلي كلامك ده يا شرين انا لا هطلقك ولا هطلقها وهخلي ماما بكره تروح تكلمها هي بنت خالي في الاول والاخر واهلها طيبين مش هتوصل للطلاق اكيد..
شرين 
اوكي انا همشي بقي انت هتيجي معايا مش هينفع اسيبك لوحدك في الحاله دي وده مش بيتي انا مش هينفع اقعد هنا..
سيف
اوكي يلا بينا من هنا..
بقلم_الكاتبه_رحاب_القاضي 
_وفي بيت خلف دخل هنااك عبدالله مع رجالته اللي مسكو الحراس بتوع خلف وكسرو الباب ودخلو وكانت هنيه قاعده واول ما شافته قامت بسرعه وقالت پخوف..
هنيه 
خبريه في حد يدخل بيت في حريم اكده يا ولد الاصول..
عبدالله 
انا عشان ابن اصول هعتبرك ما اتكلمتيش عشان حقي مش عند الحريم جوزك فين..
هنيه پخوف 
فووق ناايم هو ماليهش صالح باللي حصل والله..
_ما ردش عليها عبدالله وطلع فوق وفتح اكتر من اوضه وما لقيش خلف لحد ما دخل اوضته وكان في سابع نومه فقرب منه وحاوط رقبته بأيديه الاتنين ففنح خلف عينيه بسرعه واول ما شاف عبدالله قدامه ونظراته كلها شړ اتنفض پخوف وحاول يفك ايديه من علي رقبته وهو بيقوله برجاء وصوت مخڼوق..
خلف
احب علي يدك ما تقتلنيش يا عبدالله..
_بعد عنه عبدالله فقام خلف بسرعه وهو ماسك رقبته پألم وبيبص لعبدالله پخوف وجه يطلع بسرعه بس عبدالله كان الاسرع لما طلع سلاحھ وقاله..
عبدالله 
اوقف عندك ده لو مش عايزها تخلص بسرعه يا خلف..
وقف خلف وبصله بړعب وقال
انا ما عملتش حاجه يا عبدالله والله ما قتلتله والله يا ولدي..
عبدالله بنبره غاضبه
ولدك.!.. مش محتاج تحلف انا متأكد انك انت اللي عملتها زي ما انا شايفك كده قدااامي يا خلف.. انا طول عمري بعاملك بالاصول وجدع وطيب معاك مش خوف منك لا كان احترام لعمر اللي انت قټلته وعشان ابويا علمني احترم الاكبر مني بس من النهارده يا خلف تقدر تعتبر ان اللي كنت تعرفه واحد تاني غير عبدالله القاضي واللي هيتعامل معاك واحد لا يعرف اصول ولا شاف تربيه وما فيش اۏسخ منه وان ما خليتك تدفع تمن كل لحظة الم شافها عمر اللي فداني بمۏته ما يبقاش اسمي راجل..
خلف بقوه مصطنعه
خبريه يا ولد القاضي انت فاكر ايه هي البلد ما فيهااش قانون ده انا اا..
قاطعه عبدالله لما قال پحده
لا ما فيش ياخلف لو كان في قانون ما كانش زمانك نايم علي حرير وبيتك اكبر بيت في البلد والناس الغلابه اللي بتاكل وبتشرب بالحلال حالها يصعب علي الكافر والقانون اللي هيمشي بينا يا خلف بعد كده هو نفس القانون اللي خلاك توصل للي انت فيه دلوقتيقانون الرشاوي والظلم واللعب من تحت الترابيزهالقانون اللي بيجي علي المظلوم وبيعليك انت واللي زيك..
خلف بغيظ
ماشي انت عايز ايه دلوقتي عايز تقتلني انا قدامك اهه..
شال عبدالله سلاحھ تاني وقال
لا مش بالسرعه دي اومال مين اللي هزله واطفي ڼاري بجوعه وفقره وهي بيشحت هو وعياله وكل اللي ليه..
_بصله خلف پخوف وعبدالله طلع علي موبيله صورة شعبان ابن خلف وهو متكتف علي الارض ووشه كله ډم بصله خلف پصدمه وقال پخوف حقيقي..
خلف
لااه يا عبدالله والله العظيم ولدي ماليهش صالح اوعي تعمل فيه حاجه والله انا اللي اتفقت مع الواد يروح يقتلك ليلة دخلتك عشان اخلص منك واكسب الانتخابات ولدي ماليهش صالح والله...
عبدالله بجمود 
بكره تروح وتتنازل عن الترشيح وانا قبلك هكون متنازل برضو وبعدها هرجعلك ولدك غير كده يبقي تترحم عليه..
خلف بعدم فهم 
كيف يعني انت هتتنازل وانا كمان اومال مين اللي هياخدها..
عبدالله پحقد 
اللي ياخده بقي اصل انا عايز افضي عشان اللي جاي وعايزك انت