رواية غرام فى قلب الصعيد الفصل 14

غرام_فى_قلب_الصعيد
14
كنت دايما بروح مكانى السرى من الناحيه البحريه بمشى إلى حد نهاية الحقول ونظره قدامى جزيرة الحلفه والغاب والهيشه الى بترعى فيها بهايم الفلاحين امشى على العشب جنب الهيش لحد ما أقرب من النهر وهناك انعطف واختفى داخل الجزيره وكنت اسمع الفلاحين بيقولو ان فيه ذئاب بتحضر إلى الجزيره خلال الليل وانهم يسمعو عوائة
يمكن دا كان سبب ان ناس كتير مش بتروح هناك وانهم بيقتادو الحيوانات قبل أذان المغرب الى بيوتهم
اديت تمارين التسخين والضغط بعدها بدأت بالركض وقعدت اركض حتى استقر نفسى وحسيت بحركه وسط الحلفه
بعدها طلع فرغلى شايل عكازه
مكنتش متوقع ظهور فرغلى ودا اصابنى بالدهشه والقلق
رفع فرغلى صوته يعنى لو قتلتك هنا محدش يشعر بيك
_ يمكن اقټلك انا يا فرغلى وكنت عارف ان الرد الصارم يمنحنى بعض الوقت
ضحك فرغلى انت عارف وانا عارف انى أقوى منك وأكثر خبره وقسوه منك انت طرى يا ابن جبر النهروسى 
وكانت المره الأولى إلى اسمع فيها حد بياندينى بأسم جدى الكبير
انا المره إلى فاتت رحمتك قدام الناس ومرضيتش اهينك
اكتفيت بهزيمة اعمامك وجدك
لكن هنا وسط الجزيره لازم اضع حد لعنادك ليه رجعت القريه مره تانيه ليه مقعدتش فى مصر وسط الناس إلى تعرفهم
قلت انا إنسان حر اقعد مكان ما يعجبنى
رفع فرغلى عكازه وضړب الأرض هنا اهزمك من غير ضميرى ما يأنبنى ارفع عكازك يا ابن جبر لاشوف يمكن فيك من ډم ابوك
مسحت العرق من على جسمى مواجهة فرغلى حدثت بسرعه أكثر مما اتصور
قلت لو هزمتك يا فرغلى هتعترف قدام الناس انى هزمتك
همس فرغلى انا راجل يا صقر ولدى شرف ومش ممكن انكر هزيمتى
قلع فرغلى الصديرى وظهرت عضلات صدره وبطنه وساعده كان فرغلى كتلة عضلات أقدام قويه وذراع صخرى
وانا كنت قالع التيشيرت والعرق بيتصبب من جسمى
حدد فرغلى دايره بعكازه إلى جرها بقوه وسط الطين
هنتعارك وسط الدايره علشان ميكونش فيه مكان للمراوغه او الهرب
لو كنت خاېف يا ولد جبر امنحك اختيار الاستسلام واوعدك محدش هيعرف حاجه 
__قلت ارفع عكازك يا فرغلى الظاهر ان البلد مش هتسيعنا