رواية لخبطيطا الجزء الثاني الفصل 25

الفصل الخامس والعشرون
عبد الرحمن الرداد
الأرض عام 2047
خلاص اللي حصل حصل قوم يلا مفيش وقت
قالتها مي ل رامي الذي استاء كثيرا من هجومها الشديد عليه فنهض من مكانه ونفض الأتربة والغبار التي التصقت بملابسه قبل أن يقول
المهم إني عديت بخير ودلوقتي مش هتحرك من مكاني قبل ما اعرف إحنا رايحين فين وهنعمل ايه
ضغطت على أسنانها من الڠضب قبل أن تنظر إلى الأعلى وهي تقول
يارب صبرني
ثم عادت ببصرها إليه وتابعت
هقولك هقولك كفاية زن المكان ده فيه جهاز منظمة الرداء الأحمر لسة بتطوره وده هيرجعنا بالزمن لسنة 2021 علشان نوصل للزفت صاحب المنظمة دي
ضيق ما بين حاجبيه بتعجب وردد بتلقائية
سفر للماضي!
ثم قال متسائلا
أنا معنديش مانع بس هل الجهاز ده متجرب يعني حد فعلا سافر بيه قبل كدا ولا إحنا اللي هنبقى فيران التجارب
صمتت قليلا وهي تنظر إليه بحذر وأخيرا أجابته الإجابة الصاډمة
إحنا هنبقى أول ناس لسة بيطوروه بقولك
دب الړعب قلبه وقال بتوجس
ولو مسافرناش بالزمن وفشل هيحصلنا ايه بعد ما نخش الجهاز ده 
رفعت أحد حاجبيها وهي تجيبه
هنختفي هنفضل محبوسين في فجوة زمنية ھنموت بس على الأقل المنظمة مش هتستفاد مننا بحاجة
نظر إليها بړعب بعد أن ابتلع غصة مريرة في حلقه وأردف
ربنا يطمنك والله مش عارف من غيرك كنت هتشرد ازاي
التفتت واتجهت إلى تلك البوابة الموجودة بهذا السطح وهي تقول بجدية
كفاية رغي ويلا
فرك فروة رأسه بعدم رضا ثم اتجه تجاهها فوجدها قد نجحت في فتح الباب هنا رفعت سلاحھا ونظرت إليه لتقول بجدية
جهز سلاحک وأي حد تشوفه غيري اضرب عليه
هز رأسه بالإيجاب عدة مرات وقال
حاضر استعنا على الشقى بالله
في تلك اللحظة دلفت إلى داخل المبنى عبر تلك البوابة وتحركت بحذر شديد إلى الأسفل وظلوا يتحركون بحذر حتى وصلا إلى القاعة الخاصة بهذا الجهاز الذي كان عبارة عن دائرة كبيرة من المعدن وأمامه شاشة كبيرة تعمل باللمس.
توقفت مي ونظرت حولها بحيرة كبيرة فانتبه لها رامي الذي قال بتعجب
وقفتي ليه
نظرت إلى جهة