رواية موضوع عائلي بيت الهنا الفصل 22

موضوع_عائلي 
بيت الهنا 
_الحلقه ال 22
أوكلما وجهت قلبي وجهة 
يأتي غرامك أول الوجهات
_في بيت الاستاذ حسن الباب خبط وقامت ريناد فتحت ولقيت يزن واقف قدامها..
ابتسم بهدوء وقال
ده يا مساء الفل اوووي..
ريناد 
مساء النور انت بتعمل ايه هنا
يزن 
طيب قولي اتفضل الاول بدل ما انا واقف كده علي الباب هو انتي كنتي بټعيطي اصل عيونك حمرا وكلها دموع..
ريناد بحزن 
ااه كنت بعيط وما تسألنيش ليه لانك مش ام زيي فمش هتفهم..
يزن ابتسم وقال
ولا عمري هفهم عشان عمري ما هبقي ام ممكن ابقي اب..
_ضحكت ريناد بهدوء وفي الوقت ده جه سيف عشان ياخد بنته وشافها واقفه مع يزن وهي بتضحك واتعصب جدا وقال
سيف
طيب ما نجيب شجره واتنين لمون احسن عشان تعرفو تتكلمو براحتكم..
يزن بهدوء
هو حضرتك مين
قبل ما يرد سيق قالت ريناد پحده
طليقي اللي مالوش دعوه اصلا واقفه بتكلم ولا قاعده ثانيه واحده هجيبلك بنتك..
قالت كلامها وسابتهم ودخلت وبص سيف ليزن وقال 
انت. بقي تطلع مين وبتعمل ايه هنا
يزن 
هو ده بيتك
سيف بجمود
بيت خالي
يزن 
طيب لما يبقي بيتك ابقي اسألني..
_اتعصب سيف اكتر وقبل ما يرد عليه جات ليلي وهي شايله تيا وقالت ليزن..
ليلي
اهلا وسهلا يا ابني اتفضل جوه حسن مستنيك..
يزن 
ميرسييي يا طنط.. بعد اذنك...
وسابهم. يزن ودخل وليلي قالت لسيف بجمود
امسك بنتك اهي وخلي بالك. منها وبكره زي دلوقتي البنت تبقي عندنا يا سيف وحاجتها اهي...
اخد منها سيف البنت وقال
انتي مش هتوصيني علي بنتي يا طنط ليلي بعد اذنك..
_اخد سيف بنته ونزل تحت واول ما ركب عربيته كلم عزالدين اللي رد عليه وقاله..
عزالدين
ايه يا سيف عايز ايه
سيف بضيق
عامل ايه يا خالي...
عز
لسه فاااكر دلوقتي تسأل علي خالك عامل ايه. ما علينا عايز ايه
سيف
مش عايز حاجه بس شايف بنت اخوك بقالها كام يوم ماشيه مع ابن يونس الصاوي هو ايه علاقتهم ببعض.
افتكر عز انه بيتكلم علي رضوي ويوسف فقال
اااه ده واقع فيها لاخره الواد مچنون بيها بس البنت يا حرام اتعقدت من صنف الرجاله...
سيف پحده
ده كان عندهم في البيت يا خالي
عز
يبقي جاي يخطبها تاني يارب بقي بنت خالك تعقل وتوافق بقولك ايه اقفل عشان انا مش فاضيلك زين بيعمل في تحاليل مهمه ولازم ابقي جنبيه يلا سلام...
قفل معاه عز وسيف قال بغيظ
قال وانا اللي كنت فاكر انها هتقعد تربي بنتها لا ما هو ڠصب عنك يا ريناد انا ما تترباش مع راجل غريب وهتشوفي...
_وقرب من بنته وباسها بحنان وحب وقعدها علي الكرسي مرتاحه وساااق العربيه ومشي راح لبيته هو وشرين...
بقلم_الكاتبه_رحاب_القاضي 
_وفي شقة الاستاذ حسن كان قاااعد يزن مع حسن في الصاله وريناد واقفه في المطبخ بتعمل في القهوه وهي بټعيط ودخلت عندها ليلي وقالت بحزن..
ليلي
قال وانا اللي كنت فاكره انه جااي هنا عشان يتكلم في موضوع اخوه مع رضوي اتاريه جاي يتكلم علي الشغل...
مسحت ريناد دموعها وقالت
يا ماما الموضوع بتاع اخوه خلاص اتقفل..
ليلي
وانتي بټعيطي كده ليه انتي كمان
ريناد پبكاء
يعني واخدين بنتي مني وعايزني ابقي مبسوطه..
ليلي
هو احنا خدناها ورميناها في الشارع ولا ايه ما البت عند ابوها يا ريناد واتعودي علي كده مش هنحرم اب من بنته احنا..
ريناد 
طيب كنتو استنو تكبر شويه هي يعني الست هانم مراته هتعرف تهتم ببنتي هتعرف تأكلها ولا تغيرلها انا غلطااانه اني سمعت كلامكم..
ليلي 
مش ابوها معاها هناااك يبقي اهدي كده وهو هياااخد باله من بنته
ريناد بسخريه
انتي هتقوليلي علي سيف اللي كان بيتلخبط. في أسمها انا نفسي افهم اشمعنا يعني مصمم ياخدها دلوقتي وتبااات عنده كمان..
ليلي
ريناد انا دماغي ۏجعاني لوحدها من اخواتك اللي خدو الاجازه ومطلعين عيني دول مش نقصاكي انتي كمان يا كبيره يا عاقله وروحي يلا طلعي القهوه للراجل اللي بره ده كمان..
ريناد 
اندهي لبابا يجي ياخدها انا رايحه اصحي رضوي عشان تشوف هتعمل ايه يارب بقي تعقل وتروح تشوف شغلها..
_وعند يزن بره حط قداامه حسن القهوه وقاله بهدوء..
حسن 
اتفضل يا ابني اشرب قهوتك..
اخد يزن فنجان القهوه بتاعه وقال
ميرسي يا استاذ حسن اتمني حضرتك بس تكون فااهم موقفي ده اهم. مشروع للشركه واحنا لسه بنبدأ يعني لو فشلت مش هعرف اوصل شغلي للمكانه اللي انا عايزها والبشمهندسه رضوي بدأت المشروع معانا وصعب اجيب مهندس يكمل مكانها معايا كده الدنيا هتخرب..
حسن 
لا لا ان شاء الله خير بس انا ما اقدرش اغصب علي بنتي حاجه هي مش عايزاها انت اتكلم معاها ولو اقنعتها ما عنديش مشكله ده شغلها وهي حره فيه وانا هحاول اقنعها معاك..
يزن 
والله يا استاذ حسن هو الغلط مني انا اللي خليت يوسف يستعجل ويجي يتقدم في وقت هما الاتنين مش جاهزين فيه واخويا كمان اتأثر باللي حصل جدا..
حسن بهدوء
الجواز قسمه ونصيب وانا طريقة بنتي كانت غلط معاه وحتي في شغلها غلط انها تسيبه كده وانا هتكلم معاها وان شاء الله خير..
يزن 
طيب انا ممكن اتكلم مع رضوي دلوقتي ولا مش هينفع..
حسن 
لا عادي هي جايه حالا واتكلم معاها وان شاء الله تقتنع بكلامك والمشروع يكمل وينجح زي ما انتو عايزين...
بقلم_الكاتبه_رحاب_القاضي 
_وعند عبدالله وروان كان لسه واقف امير عند الباب وروان قالت لعبدالله پخوف...
روان 
خليه يمشي من هنا وانا هقولك كل حاجه والله..
عبدالله بجمود 
وانا بسأله هو مش بسألك انتي..
_جه امير يمشي بس عبدالله مسكه من هدومه بقوه وډخله جوه الشقه ڠصب عنه وقفل الباب وقال پحده..
عبدالله 
انطق يالااا ايه اللي بينك وبينها يخليك تيجي لحد هنا وكمان كانت هي تروحلك بيتك....
امير بقلق
مراتك تقولك وخليني امشي من هنا احسنلك انت ما تعرفش انا ابقي ابن مين...
طلع عبدالله سلاحھ وصوبه في وش أمير وقال پغضب
وانت برضو ما تعرفش انازمين وممكن اعمل ايه انطق يالا ايه اللي بينك وبينها....
_تزلت دموع روان پخوف وړعب وامير كان في نفس حالتها وقال بتوتر وخوف...
امير
انا وروان كنا مرتبطين اتقابلنا في النادي اكتر من مره وارتبطنا وكنا متفقين بعد ما اتخرج اروح اتقدملها وفي يوم طلبت منها تجيلي بيتي وهي جات وزي اي اتنين بيحبو بعض قربنا شويه وكله كان برضاها لحد ما ابوها جه وما استنااش افهمه حااجه واخدها ومشي وخلاها تبعد عني وبعدها عرفت انها هتتجوزك وعرفت من صحابها انها هتتجوزك ڠصب عنها بسبب ابوها..
روان پصدمه
والله العظيم هو كدااب يا عبدالله هو اللي ضحك عليا وانا كنت موافقه بيك..
امير بقلق
بالعقل كده يعني واحده متجوزه وحياتها مستقره انا هقرب منها ليه الا لو هي مفهماني العكس وانا خلاص مش هقرب منها تاني مدام مكدباني وبتنكر اللي بيني وبينها...
روان پبكاء
يا حيوان انت ازاي كده..
نزل عبدالله سلاحھ وقال بجمود 
اطلع بره...
_اتنهد امير بارتياااح انه صدقه وهيخليه يمشي وفعلا مشي بسرعه وفضلت روان مع عبدالله لوحدهم اللي قالها...
عبدالله 
كلمي ابوكي خليه يجي..
روان بدموع
والله العظيم هو كدااب ومش كل اللي قاله صح..
عبدالله پغضب
بالعكس ده هو كلامه كله يتصدق هو ايه يعني اللي خلاكي فجأه كده توافقي بيا وبعد ما اتجوزنا ولا مره حسيت انك فعلا عيزااني يبقي ده معنااه ايه..
سكتت روان وعبدالله بسخريه
انا عارف معنااه كويس وهنشوف بقي ابوكي اللي عشان يخلص منك لبسك ليااا..
_وطلع موبيله وكلم