رواية شباك الظلام الفصل الاول

رواية شباك الظلام
الفصل الأول اللقاء المشؤوم
القصر كان مضاء بأضواء فاخرة الموسيقى الكلاسيكية تعزف بلحن هادئ والكؤوس ترتفع في نخب بين رجال الأعمال والسياسيين والمشاهير حفلة من النوع اللي ما يدخلهاش غير الصفوة بس تيا ما كانتش هنا علشان تحتفل كانت هنا علشان فريستها تقع في الفخ 
عينيها السوداويتين مسحت المكان بسرعة كل تفصيلة محفوظة في عقلها رجال الأمن موزعين بدقة الكاميرات موجهة بشكل يغطي أغلب الزوايا والخطړ بيتحرك وسط الحاضرين ببدلة سوداء أنيقة وكأس ويسكي في إيده 
أمير المنشاوي 
رجل أعمال ناجح في عيون الناس زعيم ماڤيا في الحقيقة الشرطة بقالها سنين بتحاول تمسك عليه حاجة بس كل الأدلة بتختفي كل الشهود بيختفوا وكأنه شبح بيتحرك في العتمة لكن اللي أمير ما يعرفوش إن العتمة دي بقت بيت تيا وإنها جاية علشان توقعه 
كانت واقفة عند البار لابسة فستان أسود بسيط لكنه بيبرز تفاصيلها بذكاء شعرها الطويل منسدل بحرية وكأنها مجرد ضيفة عادية لكنها كانت حاسبة كل حركة رفعت كأس العصير لشفايفها من غير ما تشرب وكأنها مستمتعة بالجو لكنها في الحقيقة كانت مستنية اللحظة المناسبة 
شايفة ده
الصوت جه من السماعة الصغيرة اللي في ودنها صوت أمجد زميلها في المباحث 
طبعا شايفاه ردت بهدوء وهي بتراقب أمير 
المهمة دي خطړ الراجل ده مش سهل ولو حس إنك مش مجرد بنت عادية حياتك هتكون في خطړ 
تيا ابتسمت بخبث همست وهي بترفع الكأس تاني ما هو ده المطلوب مش كده
وفي اللحظة دي عين أمير وقعت عليها 
نظرة سريعة لكنها كانت كفاية علشان تعرف إنه لاحظها الراجل ده مش من النوع اللي بيهتم بأي حد بسهولة وده معناه إن أول خطوة في خطتها نجحت 
الخطوة التانية لازم تجره للعبة 
قامت من مكانها بخطوات محسوبة مشيتها واثقة كأنها ما عندهاش هدف لكنها كانت رايحة له مباشرة وقفت على بعد خطوتين منه وكأنها مجرد واحدة من ضيوف الحفلة بس أمير كان عارف إنها مش صدفة 
شكلك مش مستمتع بالحفلة ولا المكان مش على ذوقك
بص