رواية احبك بصمت الفصل الرابع

(الحلقه الرابعة )
روز
سارة يعني سكتي
روز ساكته ومش قادرة تتكلم حاسه انها اتجمدت في مكانها مش عارفه تمشي ولا تتكلم ولا تعمل اي حاجه 
سارة انتي كويسه ياروز
روز هه ااأا اا لا اه اا
سارة هههههههه طب ممكن تهدي 
روز پغضب انا عاديه وهاديه انتي بتضحكي ع ايه
سارة شكلك غريب غريب وباين عليكي قوي
روز ولا باين ولا حاجه انا بس اټصدمت من طريقه تفكيرك
سارة انا بحب وعارفه يعني ايه حب وازاي اعرف اللي قدامي بيحب ولا لأ
روز سارة افهمي انا
سارة مقاطعه لها اسمعيني كويس ياروز اولا انا مبحبش زياد زي ماانتي فاكرة انا متقدملي شخص وهايخطبني في الاجازه بس انا صعبان عليا انتي وزياد وهو كمان بيحبك اوووووي
روز كمان هههههههههه
مش ممكن انتي متعرفيش زياد كويس
سارة انا عارفه بقولك ايه وعارفه انك مش مصدقه بس انتوا الاتنين مش حاسيين انكوا بتحبوا بعض لانكوا طول الوقت قدام بعض 
مجربتوش تبعدوا او ان اي حد يبقي مع حد تاني
اوعي اوعي تسمحي لنفسك انها تضيع حب عمر من ايديها صدقيني وثقي ف كلامي قبل ما الوقت يفوت و
طب خلاص قفلي ع الكلام زياد جاي علينا
زياد انتوا قاعدين لحد دلوقتي ليه يابنات
سارة اصل ما كنش جاي لينا نوم قولنا ندردش شويه
روز
زياد مالك ياروز بتبصيلي كده ليه وشك مش طبيعي
سارة بخبث وانت عرفت منين ان وشها مش طبيعي
زياد ههههههه عيب يابنتي دي زوزتي تربية ايديا
سارة مممممم بجد
روز انا تعبانه هاقوم انام
سارة وانا كمان 
زياد طب اطلعوا يلا
لم تنام روز تلك الليله واخذت تفكر بعمق فهي لم تنظر لزياد انه حبيب كانت تنظر اليه وكأنه الاب والاخ اللذان تفتقدهم وتشعر الامان معه هو فقط دون غيره ايعقل ان يكون هذا هو الحب
معقول طب ازاي وهو كمان عمري مافكرت انه ممكن يحبني طب لو مبيحبنيش ليه بيعاملني كده زياد طول عمرة بتاع بنات بس كان دايما يقولي انتي حاجه تانيه
انتي مش زي اي واحده
طب كان بيقولي كده ليه صحيح بيحبني
طب معقول انا بحبه لا خلاص انا هتجنن مش قادرة
وظلت روز هكذا حتي غلبها النوم
وفي الصباح 
روز نازله ع السلم وشافت سارة قاعده تحت وراحت عليها ع طول
روز سارة سارة
سارة طب قولي صباح الخير مع ان مش باين عليكي انك نمتي خالص
روز لا لا ابدا نمت كويس بس عايزه منك طلب ممكن الكلام اللي قولتيه امبارح متكلميش فيه مع اي حد
سارة اكيد ياقمر بس
روز من غير بس اكيد اللي قولتيه مش صحيح
سارة انا عملت اللي عليا وانتي حرة بس مترجعيش ټندمي ياروز
ع البحر
زياد مش هتنزلي الميا ياروز 
روز صامته وتكتفي بالنظر لعينيه مباشرة وكأنها تحاول اكتشاف ما ان يحبها ام لا
زياد ملوحا بيديه هاااااااي انتي روحتي فين
روز هه معاك معاك
زياد لااااا دي انتي وراكي حاجه بقي
روز ههه