رواية ازاي اطفش عروسة بابا الفصل 62 الاخير
زاي_اطفش_عروسة_بابا
الفصل الثاني و الستون _ الأخير
جمانة قعدت على الكنبة هنعمل ايه مع غفران بتقول مش عايزه أخ ..
عمر حاوط كتفها إيه ده انت شكلك صدقتي التمثيلية ..
جمانة عبست اتمنيت لو أقدر أجيب طفل بس مستحيل و عمره ما هيحصل ضيعت فرصة أعيش مع غفران طفولتها بحب صح كنت معاها بس مستمتعتش بولا لحظة كنت جاهلة هو ده جزاتي على اللي عملته و راضية بس انت ليه تحرم نفسك تكون أب ثاني ..
متقوليش الكلام ده ثاني أنا مكتفي بغفران و بيكي كمل بهزار عشان يخفف عنها مقدرش على غيرة غفران ضحك و البيبي هيتنجد منها قبل قالتلي لو جبتلها أخ هتفعصه ..
ضحكت و فجأة نطت واقفة الحق البنت ليجرالها حاجه حسها مقطوع الصدمة مش قليله عليها ..
مش هاين عليا نظرتها بس هنستحمل نعمل إيه ..
طلع لعندها لقاها فالأوضة مش مبطلة عياط وشها أحمر عينيها ورمت من العياط بيحاول يكلمها مبتسمعش شالها ڠصبا قعدها فحضنه بتلف وشها الناحية الثانية بعيد عنه ..
مملش و هو كل مرة بيدور وشها طيب بصي لبابا مره وحدة يا غفران ..
بتشهق انت وحش مبقتش بتحبني انت و ماما و هتجيبولي أخ ينسيكو فيا ..
صعبت عليه عايز يقلها الحقيقة و ماسك نفسه بالعافية روح بابا انا صح مبقتش بحبك ..
بصتله مصډومة ..
بيبوس رقبتها و خدودها انا بمۏت فبنتي بحبك كل يوم أكثر من اليوم اللي قبله روحي يا ناس .. بيمسح لها دموعها بطلي عياط بتوجعيلي قلبي ..
طيب عايز بيبي جديد ليه حضنته جامد بټعيط مش عايزه حد ياخدك مني حبكو بتاعي لوحدي مش عايزه أتقاسه مع أي حد خلاص مش هعذبكو بس رجعوه ..
ضحك نرجعه زاي يا غفران ..
معرفش بس رجعوه مش عايزينه ..
جمانة ندهت عليه و سابها ثواني طلع لبرا و رجع و فإيده بوكس كبير حطه قدامها و هي شافت جمانه لفت وشها مخصماكو مش هكلمكو غير لما ترجعوه ..
جمانة باستفهام نرجع ايه ..
عمر ضحك البيبي ..
جمانة ضحكت شاورت على البوكس بس هو خلاص وصل
كشرت يعني إيه وصل مش المفروض يكبر فبطنك زي اللي عند عمتو ليلى ولا ده نوع ثاني ..
عمر شد خدها افتحي العلبة يا بابا ..
فتحتها و لقت عروسه لابسة الشوز اللي كان فالعلبة هي فالاول لما شافت الشوز أول مرة حست انها شافته قبل كده
