رواية دعنى احطم غرورك الفصل 16 بقلم منال سالم
الحلقة_16
على مدار يوم كامل حاولت جانا بكل الطرق أن تخلع من يدها الخاتم الذي وضعه عز الدين قسرا في إصبعها ولكن كل محاولاتها باءت بالفشل الذريع حتى وهن في رحلة البحث عن فستان مناسب للخطوبة
جانا بضيق واضح اوووووووف يعني مش هعرف أشيلك
دينا وهي تحاول مساعدتها الدبلة سميكة اوي يا جوجو انا مستغربة ازاي انتي لبستيها
جانا بنرفزة مش انا مش أنا المنيل على عينه هو اللي حشرها في صوباعي
كانت سهير في حيرة من أمرها فكل الفساتين الخاصة بالخطوبة جميلة لذا قررت أن تترك المجال لجانا لتنتقي ما تريد ولكن تحت اشراف منها و...
سهير متسائلة وهي تبتسم ها يا عروسة قررتي هتلبسي ايه أنا مش عاوزة کاړثة من بتوعك
جانا على مضض ينفع ماحضرش
سهير وده كلام يا بنتي ده الليلة ليلتك يا عروستنا
جانا بضيق ليلة سودة ومهببة
لمحت سهير احد الفساتين فأمسكت به بيدها و...
سهير وهي تنتقي فستان ما بصي ده هيبقى حلو أوي عليكي
جانا وهي تنظر إليه بضيق واضح لأ شكله بلدي
دينا بمرح ده ع اساس انك كنتي لابسة princess وانتي بتختاري الشبكة
تذكرت جانا ما ارتدته خلال انتقاء الشبكة و...
جانا بغيظ متفكرنيش ده انا قولت امه هتطفش وتفركش اما تشوف منظري لاقيتها ولا في دماغها
دينا غامزة مكتوبالك يا قمر
جانا وهي تنهرها بطلي يا دينا
ثم استمروا في البحث عن ضالتهن المنشودة وأرهقت جانا كلا من سهير ودينا في انتقاء ما تريد ...
.....
في فيلا يوسف الكيلاني
استغربت جانا كثيرا من تصرفات جانا وطريقتها في التعامل مع عز الدين وبدأت تتناقش مع زوجها يوسف حول هذا وتوضح له شكوكها و....
عايدة مندهشة انا مستغربة من تصرفات جانا اوي يا يوسف حاسة انها بتعاند ومش حابة الخطوبة
يوسف وهو يهز رأسه ليه بتقولي كده
أوضحت عايدة ليوسف سبب شكها هذا ب.....
عايدة مشوفتش امبارح وهي نازلة معانا تشتري الشبكة كان شكلها فظيع انا اټصدمت بصراحة واحدة المفروض انها عروسة بتكون على سنجة عشرة لكن اللي شوفته استحالة يتوصف
يوسف ضاحكا ههههههههه طالما عاجبة ابنك يبقى خلاص هو حر
عايدة اللي مستغرباه its impossible انهاكانت عايشة بره محدش يصدق أبداااا
يوسف مبررا والله يا ديلة كانت عايشة بس هي بتحاول تبان انها بنت بلد يعني بتخفي حقيقتها
عايدة متسائلة ومين قالك كده
يوسف وهو يشير بيده حسين قالي انها رقيقة جداااا وحساسة أوي وبتحب تكون مميزة في كل حاجة من الاخر كده بونبوناية بسكويتة حاجة كده رقيقة
دلف عز الدين إلى الفيلا ثم استمع إلى عبارة والده الأخيرة فتسائل عن تلك التي يتحدث عنها ويصفها بتلك الخصال الجميلة و...
عز مقاطعا وهو يجلس إلى جوارها مين دي اللي بونبوناية
عايدة جانا
عز بتهكم الصرااااااحة ااااااه
عايدة بضيق انت بتهزر يا عز انت ماشوفتش كانت عاملة ازاي امبارح
عز يا ماما سيبك
