رواية طفله بالاجبار الفصل الثالث والرابع بقلم زهره عمر
رواية طفلة بالإجبار الحلقة الثانية
فين الألعاب بتاعتي اللي قولت عليها و إحنا في المستشفى
جاسر بصلها بزهول معقولة دي رضوى بتزعق و صوتها عالي هو لسه مش متقبل أنها بقت طفله علشان يتقبل أنها تزعقله كدا
بصلها و حاول يتحكم في أعصابه و قال معلش يا حبيبتي هكلم المحل يجيلك الألعاب اللي انتي عوزاها
رضوى بعند تاخدني دلوقتي توديني انا اختار مليش دعوه
جاسر لا دا انتي بتدلعي بقي انتي عارفة لو مدخلتيش نمتي دلوقتي هعمل فيكي اي
رضوى بصتله ببراءة و مدت شفايفها لقدام و قالت انت وحش و انا مش بحبك و راحت معيطة
جاسر زعل عشانها و انتهد و طبطب عليها و قال خلاص يا رضوى متزعليش تعالي هاخدك اجبلك اللي انتي عاوزة
رضوى ببراءة لا انا لسه زعلانه انت بتزعقلي كتير انت مش بتحبني
جاسر بحنيه لا طبعا أنا بحبك جدا يا رضوى هو في أب مبيحبش عياله تعالي هجبلك العاب
رضوى اتنطنط من الفرحة و جريت على بره .
جاسر ابتسم و مشي وراها و قال في نفسه
البس يا معلم انت اللي جبته لنفسك حبكت يعني عينك نزوغ و انت عارف انها ممكن تطب عليك في أي وقت
جاسر أخدها و راح المول يشتري ليها ألعاب و رضوى جابت الألعاب اللي نفسها فيها كلها روحوا البيت و طلعوا اللعب غرفتها
الجرس رن و جاسر فتح الباب دخلت منه واحده بتزعق و تقول بنتي عملت فيها ايه يا جاسر دا انا هخرب بيتك
جاسر اهدي يا طنط سوزي بس هي كويسه والله
رضوى نزلت جري و بصت عليها سقفت باديها و قالت
تيتا انتي جيتني و جريت عليها و حضنتها
سوزي بصت ل جاسر پصدمة و قالت تيتا تيتا يا جاسر يا صياد عملت ايه في البنت يخربيتك و بصت ل رضوى و قالت مين قالك إني تيتا يا رضوى
رضوى ببراءة انا عارفه شوفت صورتك فوق في اوضة بابي و بصت ل جاسر و قالت
مش هي تيتا يا بابي و بعدين انت حاطط الهدوم بتاعتي عندك في الاوضة لي حطها في دولابي
جاسر بهدوء حاضر يا رضوي بس اطلعي انتي بسرعة العبي بالاعاب بتاعتك الجديدة
رضوى بتذمر و انت مش هتيجي تلعب معايا
جاسر لا هاجي بس هتكلم انا و تيتا شوية كلام كبار و بعدين هيجيلك
رضوى ل سوزي هتيجي تلعبي معايا يا تيتا بعد ما تخلصوا كلام
سوري هزت رأسها و هي فاتحه فمها و مش فاهمة ولا عارفه حاجه رضوى طلعت عشان تلعب و سوزي بصت ل جاسر پصدمة و قالت
هي دي الأمانة بنتي مالها يا جاسر
جاسر بهدوء حاډثة بسيطة أدت أنها ترجع بعقل طفل من تاني
سوزي قعدت على الكرسي پصدمة و قالت نعم! بنتي انا بقت طفله عملت ليها اي
