رواية لعبه القلوب المحرمه الفصل الثالث بقلم امانى سيد

لعبه القلوب المحرمه
برافو عليك يا ايمن انت كده ذلتها وكسرتها ومش هتقدر ترفع عينها فيك تانى 
بس البنات مش ساكتين ونازلين زن عايزينها 
سيبهم هما ناقصهم ايه قاعدين واكلين شاربين نايمين هيعوز ايه اكثر من كده 
كلها يومين وتجيبك مكسوره اولا هتخاف امها يجرالها حاجه 
ثانيا هتخاف من كلام الناس 
عندك حق وكده كده لا ليها قايمه ولا أى حق تطالب بيه .
برافو عليك وبعدين هى المتعلقه مش انت ... انت تقدر تتجوز بدل الوحده 2 وثلاثه انما هي ما تقدرش عشان كده انا واثقه انها هترجع تاني لأنها مش هتقدر تاخد حق ولا باطل 
المهم خلى بالك من البنات لحد ما الهانم ترجع 
فى الشركه 
نزل شعيب على صوت هشام ومروه 
هشام كان منفعل ووشه احمر لكن مروه كانت بارده وبتبصله ببرود 
وقف شعيب فى النص بينهم 
خير فى ايه يا هشام 
الهانم مش عايزه تطلعني 
بص لها شعيب وسالها 
ليه رافضه تخليه يطلع 
حضرتك انا هنا عشان اسجل مين داخل ومين خارج و هو رافض ان انا اسجل اسمه وانه يديني البطاقه وبيقولي ان هو صاحب حضرتك انا اعرف منين ان هو صاحبك افرض هو بيكدب عليا وطلع مش صاحبك انا وقتها اتحمل المسؤوليه 
وفيها ايه لو كان ادانى البطاقه انا هعمل بيها ايه كل اللى هعمله هسجل اسمه فى الكشف 
بص شعيب لهشام وقال له 
هي عندها حق يا هشيمه والمفروض اللي كانوا شغالين قبل كده يعملوا زيها 
شكرا يا انسه وبص على الاسم اللي مكتوب على الكارنيه 
شكرا يا انسه مروه انتى صح وانت اتفضل قدامى
طلع هشام مع شعيب المكتب وفضلت صفا مع مروه 
برافو عليكي ده إنسان رخم
جدا تحسيه كده مش مظبوط ... بس انا لديته على دماغه 
احسن وشعيب بيه حقانى طول ما انتى صح هيبقى فى صفك 
أنا جايه عشان الشغل وهعمل الصح واللى مش عاجبه يضرب راسه فى الحيط
فى المكتب عند شعيب كان قاعد قصاد هشام 
هشام اهدى فى ايه وبعدين انت اللى غلطان وياريت مايتكررش اللى حصل تانى مش ناقص غير إنك تحط بتوع الإستقبال فى دماغك 
هى اللى مستفزه عارف لو مكنتش حلوه كان زمانى معلمها الادب انا حرفيا لحظه وكنت هخرج عن اعصابى 
متضايق وهتخرج عن اعصابك عشان واحده بتشوف شغلها 
كل الناس عارفه اننا صحاب وانا داخل خارج محدش بيطلب منى حاجه 
هى ماتعرفكش يا هشام وهما غلط على فكره هى الصح ونصيحه منى يا هشام ابعد عنها وماتتعرضلهاش تانى فاهم 
هى اخت صفا 
وانت عرفت منين 
الاول الشبه وبعدين نفس الاسم الثلاثي 
أه اختها وأبعد عنهم يا هشام أنت قولت رهان وأنا وافقت لحد مايخلص ماتقربش لواحده فيهم 
ماشى يا شعيب صولا اتصلت