رواية مارد وكنزي الفصل 29

البارت_التاسع_والعشريييييين 
سعاد ... خلاص نويتي ترجعي لبيت جوزك
بعياط ... ڠصب عني عااااا .. لو قولت لأ أرطغرل اللي مستني برة دة هيلسوعني بالسجاير تحت بطاطي
... يختي وانتي بيحوق فيكي حاجة
... أنا كل اللي قاهرني اني لسة مخلصتش الكفارة
... كفارة ايه!
... عن الأكل اللي كنت أطفحه عندهم ولاد الحرامية
ضحكت سعاد ... طب يلا اجهزي لغاية ما أشوفه يشرب ايه
_____
... منور يا بابا يا حبيبي
ضړب عصايته ف الأرض ... أنا لو كنت ابوك بصحيح كنت تسأل عني ولا انت خلاص قدرت تستغى ومعادش يلزمك كبير
بزعل وحزن ... متقولش كدة يا بابا مفيش حد ف الدنيا يقدر يستغنى عن أهله .. حضرتك اللي ما كنتش عايزني وطردتني من بيتك
بتذمر ... عشان خرجت عن طوعي لما طلبت منك تتجوز بنت عزيز الدميري رفضت وأحرجتني قدام الكل دة غير اعتراضك ع شغلي وفلوسي
عقد حواجبه بضيق ... ڠصب عني ما كنتش مستحمل العيشة انا كنت عاوز أعيش بالحلال ان شالله حتى آكلها بدقة
... تقوم تسمع كلامي وتسيبني أنا وأمك اللي ماټت بحسرتها.. دة لولا كمال ما كناش عرفنا انك اتجوزت
... سامحني أرجوك
مسك ايده وباسها بحب وزهران كان عايز يسحبها لكن قلبه مطاوعهوش اشتياق لٱبنه اللي غيابه أثر فيه
____
بعد شوية خرجت كنزي وكانت جهزت حالها عشان تمشي مع جدها
زهران ... وانت يا صلاح مش هتيجي معانا!
... اعفيني عشان خاطري لكن أوعدك اني كل يوم هكون عندك
... البيت مفتوح ليك انت ومراتك
سعاد حضنت بنتها ... سلام يا كنوزة يا حبيبتي
... بنتك داخلة ع منعطف تاريخي يا سعاد ادعيلي ف صلاة الفجر ان ربنا يستر عرضي وعرض فودافون اللي انا عاملاه دة
ضحكت سعاد وضړبتها بخفة ع دراعها ... يا بت بطلي نقورة
راحت باست ايد أبوها وحضنته ... خد بالك من بول الكلاب اللي مش عارفة انت حاططهولنا ف المطبخ ليه!.
جدها مشي قدامها وهي وراه وصلت عندك الباب وفجأة التفتت لهم بتأثر
... وصيتي الأخيرة ليكم لو حصلي حاجة أمانه عليكو بلاش تفرقوا عليا قرص عاوزة جاتوه من أبو 4 جنيه.. هتوحشني أيها المنزل السعيد.. استودعكم الله
مشيت وقفلت الباب وراها
... بټعيطي ليه يا سعاد
بدموع ... البت أثرت فيا يا صلاح
فجأة الباب اتفتح واتفزعوا ... ويا ريت لما تيجي بكره يا ماما تعملي كذا نوع محشي بلاش تستخسري فيا وتعملي نوع واحد لا وكمان بتجبيلي جوز حمام والاتنين حاشياهم رز طب حتى نوعي واحد رز والتاني فريك
سعاد زمت شفايفها بحنق وخلعت الشبشب اللي ف رجلها ورمته عليها بس كانت قفلت الباب بسرعة ومشيت
... طفسة ... قوللي يا صلاح هي مين بنت الدميري دي اللي كنت هتتجوزها!!
... جرا ايه يا سعاد انتي كنتي بتتصنتي عليا انا وأبويا ولا ايه
شهقت باعتراض ... واتصنت ليه