رواية مكتوبة على اسمى الجزء الثاني اقتباس من الفصل الأول بقلم ملك إبراهيم
#اقتباس_من_الجزء_الثاني
#مكتوبه_علي_اسمي
#الكاتبه_ملك_ابراهيم
رواية مكتوبة على اسمى الجزء الثاني اقتباس من الفصل الأول بقلم ملك إبراهيم
طليقتك بتشتغل جرسونه في مطعم و مدير المطعم اللي هيا شغاله فيه بيضايقها وعاوز يتجوزها عرفي بالعافية
لمعت عينه بالغيرة الشديده ووقف من مكانه وهو بيقول:قولي اسم المطعم دا؟
الراجل هز راسه وقاله علي العنوان
خرج ليل من مكتبه وركب عربيته وساقها بأقصي سرعة علي المطعم اللي هي شغاله فيه!!
بعد وقت كان وصل وركن عربيته الفخمة قدام المطعم، دخل بغرور وكان الكل بيبص عليه خصوصا انه باين عليه الثراء الفاحش..
قعد علي طرابيزه وثواني وقربت منه بنت جميله وهيا بتقول: نورت المطعم يا فندم تحب تطلب دلوقتي!!
رفع عينيه يبص عليها وتلاقت عينيهم بعد سنين طويلة..
كيان اټصدمت لما شافته وقالت پصدمة:ليل..
وقف وهوا بيبص لوشها بشوق وقال:انتي بتعملي ايه هنا وليه مش في القصر بتاعكو
بصت حواليها بتوتر من وجوده في مكان شغلها ولقت ان كل الموجودين وزملائها باصين عليها قالت بابتسامة:تحب تطلب ايه يا فندم!
ليل اتضايق من اسلبوها الرسمي وقال:ردي عليا يا كيان ايه اللي حصل يخليكي تشتغلي جرسونه في مكان زي دا..
لمعت عينيها بالدموع وهيا بتمشي من قدامة لانها مش عارفة ترد عليه واول ما دخلت للمطبخ قربوا عليها زملائها وهما بيبصولها بتساؤل وبيقولوا:مين المز دا يا كيان وهو عارفك منين!!
كيان بصتلهم بضيق وهيا بتقول:بلاش كلام فاضي وكل واحده تشوف شغلها
زملائها مشيوا وهيا فضلت قاعده وبتمسح دموعها اللي بتنزل بغزاره وبعدما جمعت قوتها خرجت ولاكنها لقت المدير قدامها وبيقول :مش ناويه توافقي بق يا كيان دنا بحبك::
المدير قال كلامة ولاكنه اتفاجئ بضربه قويه علي وشه وقعته علي الأرض بص وراه لقي شاب بيبص عليه پغضب شديد
قرب ليل من كيان وشد ايديها بغيره وقال وهو بيبص للمدير:ازاي تسمح لنفسك تبص لمرات ليل الغرباوي..!
كيان فتحت عينيها من الصدمة لانه مطلقها من سنين ولاكنها قبل ما تتكلم كان سحبها من ايديها و..
انتظرونا قريباً
