رواية زوجتى من الجن الفصل الرابع و الخامس

وان كان على التركه متشغليش بالك هدور على شغل جديد واكيد هنقدر نكفى نفسنا
همست تسنيم بخجل متقلقش من موضوع الفلوس انا اقدر اجيبلك فلوس كتير
رفعت ايدى باعتراض لا
مش هتستخدمى اى حاجه فيها خطۏرة على حياتك
ساعدت تسنيم فى تنظيف الطاوله وصنعنا شاى شربناه فى الشرفه لكن لاحظت قلق على وجه تنسيم
سألتها فيه ايه مالك
خاېفة على والدتى يا محمود معرفش عنها حاجه سابت الخاتم بتاعها يمكن قدرو يوصلو لمكانها
قلت متخفيش يا تسنيم اكيد والدتك واخده احتياطتها
قالت تسنيم والدتى متعوده تبعت خبر عن طريق رسول يطمنى عليها كل أسبوع المفروض معاده بعد بكره
يارب يوصل واطمن عليها بعدها حياتى هتختلف تماما هعيش من غير قلق..
نزلت دورت على شغل وربما اكرمنى بشركه قبلتنى على طول
ولقيت شقه بسيطه فى منطقه شعبيه بسعر معقول
انتقلنا ليها انا وتسنيم واكتشفت ان تنسيم ست بيت شاطره بتعرف تطبخ وتهتم بشغل البيت لكن ملامحها كانت شاردة دايما كنت نسيت امر الرساله إلى والدتها هتوصلها ليها
سألتها الرساله وصلت
همست بحزن لا
طيب ممكن توصل بكره متقلقيش اتغديت وكنت داخل انام
وسمعت الباب بيخبط
محدش يعرفنا فى العماره ولا انا ليه أصدقاء صوبت تسنيم بصرها على باب الشقه وانا مشيت افتح الباب