رواية نور اليونسي الفصل العاشر والحادى عشر بقلم دينا عبد الله

ودنه وقال انت بتهزر معايا يونس بكر مين اللي هيكلمني انا 
يونس من غير رغي كتير هبعتلك لوكيشين لمكان هقابلك فيه بكرا 
حمزه بتفكير بس حضرتك انا عايز تقابلني انا ليه 
يونس انت مش عايز تشتغل... هشوفك بكرا ولو تفكيرك ومستوى ذكائك و قدراتك عجبتني هشغلك معايا 
قام حمزه وقال بفرحه انا هشتغل مع حضرتك 
يونس متتأخرش 
وقفل التليفون... بص حمزه للتليفون وهوا مش مصدق ان رجل الاعمال المعروف يونس بكر كلمه بنفسه وعايزه يستغل معايا.... وصلت له رساله لوكيشين المكان اللي هيتقابلو فيه
كانت قاعده نور في اوضتها بتذاكر... فجأه لقيت قالب شوكولاتة قدامها بصت جنبها بابتسامة لقيته يونس خدته منه وقالت بابتسامة شكرا بس اي المناسبه 
قعد يونس علي طرف السرير وقال بابتسامة بتحبي الشوكولاتة فجبتلك 
بصتله نور وقالت بابتسامة انت عارف كل حاجه انا بحبها ازاي عرفت كل ده عني
يونس بابتسامة درستك كويس وعرفت كل حاجه عنك 
نور بزعل بس انا معرفش حاجه عنك بتحب اي پتكره ايه 
يونس بابتسامة مع الوقت هتعرفي كل حاجه عني 
قام وقرب منها وقالت انتي مش هتغيري الاسود اللي انتي لبساه علي طول ده 
نور بحزن لا مش عايزه اغيره 
مسك ايديها وقال بحنان انتي هتكوني مبسوطه لو باباكي ومامتك دلوقتي زعلانين منك 
نور بحزن زعلانين مني انا ليه
يونس عشان مش عايشه حياتك زي ما كنتي يا نور هما اكيد زعلانين منك..... لكن لو رجعتي لحياتك العاديه ولبسك العادي.. ونحجتي في حياتك هيبقو مبسوطين منك و فخورين بكي اوي 
نور بدموع بجد 
لمس خدها الناعم بحنان وقال طبعا يا حبيبتي 
خجلت نور اول ما قال حبيبتي..... ابتسم يونس وقال طيب اسيبك تكملي مذاكرتك وانا ماشي عشان عندي شغل 
هزت نور راسها بابتسامة... قرب منها باس راسها بحنان وحب وسابها ومشي بصت نور لطيفه بابتسامة جميله وهيا كل يوم بتذيد مشاعرها ناحيته اكتر من اليوم اللي قبله
كان قاعد صابر و يونس ومعاهم المأذون و فريده قاعده وكانت لبسه فستان سوريه ابيض منقوش بدهبي وكانت مبسوطه ان بيحصل اللي هيا عايزاه وخلاص هتتكتب علي اسم يونس 
بعد ما المأذون خلص وقعت فريده علي عقد الجواز بحماس وكانت فرحانه اوي.... خد يونس القلم عشان يوقع بس افتكر نور لو عرفت هيحصلها اي هتنجرح وهتنكسر وهيا مش ناقصه زعل وۏجع اكتر من اللي هيا فيه..... هل اللي هوا بيعمله دا صح ولا غلط.... بس لو معملش كدا هيخسر كتير اوي وهوا مش مستعد لاي خساره في حياته 
صابر بضيق يلا وقع يا يونس المأذون مش فاضي عنده جوازه تانيه 
بصله يونس پغضب مكتوم بص للعقد شويه بعدين وقع عليه ووقع اتنين شهود 
المأذون الف مبروك...............
يتبع
نور اليونسي
الفصل الحادي عشر
بقلمي دينا عبدالله
لو التفاعل كان جاامد هنزل لكم بارت كمان