رواية زاي اطفش عروسة بابا الفصل 35
زاي_اطفش_عروسة_بابا
الفصل الخامس و الثلاثون
غفران ھتنفجر من حركات سمرا بدل ما تبعدهم عن بعض كانت سبب في قربهم استغلت غيابها قعدت تفكر في خطه تلغي بيها الخطبه أو ع الأقل تتأجل ..
مش فكل تجمع عائلي بيبقى في عيل شقي شايل نص دماغه في إيده و جاي عليهم جري بيروح فرحتهم في ثانيه هبقى العيل ده هتشوفو ..
غفران بتتسحب بالراحه _ أما دورلي مصېبه على أتحشر فيه ماشيه بأريحيه في البيت طلعت ع الدرج وقفت تتأمله أوقع نفسي من هنا لا دول كثار أوي ..
مشيت تتنطط في الطرقه و بتدخل تستكشف أي أوضه بتقابلها و فجأة لقت أوضه مفتاحها موجود ع الباب سحبته قفلت من جوا على نفسها و رمت المفتاح من الشباك و قعدت ع السرير بتمرجح رجليها ..
من تعبها غمضت عيونها ناويه تاخد غفوه صغيره قبل ما يبدأو تدوير عليها بس الموضوع كبر منها صحيت لقت نفسها في اليوم للي بعده في أوضتها ..
غفران بتفرك عيونها بتحاول تستوعب و هي شايفه نفسها في المرايه بالبيجامه و الشعر المنكوش برقت و نزلت جري بتصوت ع الدرج _ بابا .. بابا ..
عمر طلع من المطبخ مخضوض لقاها بتنط فحضنه بتتشعبط فرقبته _ مالك في إيه ..
غفران بتنهج _ وريني ايدك بسرعه ..
عمر مدلها إيده بس لسا مش مستوعب _ إيدي مالها ..
غفران باستعجال _ اليمين إيدك اليمين ..
عمر _ إيدي اليمين ما أنا شايلك بيها ..
غفران فظلت تتنطط في حضنه خلته ينزلها و من غير مقدمات شدت إيده اليمين بتبص ع صباعه ملقتش خاتم الخطبه انبسطت ضحكت _ كنت عارفه مش هتخطب فغيابي ..
عمر اتلبك _ بس نت مكنتيش غايبه كنت مقعدك في حضڼي بعدما قلبنا البيت بندور عليكي خفت أوي تكوني طلعتي برا البيت بس الحمد لله لقيناكي نايمه ..
غفران فهمت قصده بعدت إيده للي بتمسح على خدها نطقت بنبره عياط بتهدد
