رواية زاي اطفش عروسة بابا الفصل 35

بنزل دموعها فأي لحظه _ يعني إيه خطبت من غيري .. 
عمر بلع ريقه _ غفران اسمعيني يا بابا أنا من الأساس رحت أخطب عشانك مش نت كنتي مستعجله فكرت لو الموضوع تأجل هتزعلي .. 
غفران برجفه _ هي فين الذبله .. 
عمر اتنهد _ شلتها و أنا بغسل المواعين .. 
غفران عيطت _ بقيت پتخاف ع الذبله لا و جالك قلب تخطب و أنا نايمه مبقتش تحبني شهقه فضلتها عليا شهقة قبل ما تبقى مراتك حتى .. 
عمر ضحك شد خدودها _ ايه النكد ده يا نكوده بس أكلتي المقلب يا صغنن معقول أخطب من غيرك محصلش مش هيحصل يا وردتي .. 
غفران زودت فعياطها _ نت كنت عارف إني هزعل و قصدت تزعلني و خلتني أعيط بابا وحش .. 
عمر زعل على زعلها _ بابا آسف مش هعمل كده تاني .. 
سبلت عيونها مطت شفايفها و طلعت جري ع أوضتها ع أساس زعلانه بس أول ما وصلت على أوضتها فضلت تتنطط على السرير مبسوطه ..
غفران _ بابا مخطبش بابا مخطبش .. 
ندهلها ع الفطار فضلت قاعده ع السفره مبوزه ولا كأنها للي كانت تتنطط فالاوضه ع أساس زعلانه منه بسبب المقلب لي ميجيش واحد في الميه من المقالب للي بتعملها فيه ..
عمر حاطط وشه قدام وشها _ غفران خلاص مش هعمل كده ثاني بس متزعليش مني نت عارفه صوتك بيوحشني متحرمنيش بعد ما سمعته .. 
غفران سبلت عيونها _ أصالحك بس بشرط اتصل بعمو جابر خليه يجيب معاه سليم و علي نلعب في الحديقه .. 
عمر بوز _ كل التكشيره ديه عشان عمو جابر وحشك و عايزه تشوفيه يا محتاله .. 
فضل يددغدغها و يضحكها بس طبعا السعاده الفرحه و الضحكه مبتدمش رنه وحده ع جرس البيت غيرت كل حاجه الورقه للي استلمها من الراجل خلته مبقاش قادر يوقف على رجله قعد فأول كرسي ..
غفران جريت
عليه حاوطت وشه بكفوفها الصغيره نطقت من خۏفها عليه _ مالك يا بابا نت كويس تعبان اتصل بعمتو ليلى تجي .. 
عمر حضنها جامد الكلام بصعوبه بيتنطق معاه _ مټخافيش بايا كويس اطلعي نت على أوضتك العبي .. 
غفران مش مطمنه قلقلت عليه أكثر _ بس يا بابا .. 
عمر بيمثل الهداوه _ اسمعي كلام بابا يلا يا شطوره .. 
بمجرد ما اختفت من قدامه عيونه بقت حمره كان هيكسر كل للي قدامه بس مسك نفسه على آخر لحظه عشانها مش ناقصه غير تخاف منه دلوقتي ..
عمر _ رافعه قضية حضانه عليا يا جمانه عايزه تحرميني من بنتي إن ما رميتك في مستشفى المجانين للي جبتك منه ميبقاش اسمي عمر ..
يتبع ..