عندما تغضّب النعاج تصبح أشد افتراسآ من الذئاب الفصل التاسع الكاتبة أروى عادل

خلاص اعتبريها كده 
تاليا ٠٠ هو عند وخلاص 
مروان ٠٠ أه عند و خلاص
تاليا ٠٠ طيب طالما عند بعند .يبقى انا مش هسمع كلامك يا...
هنا قطع كلامها صوت يأتى من الشرفة إللى تحتهم يهتف
ليلى ٠٠ واطوا صوتكم الشارع كله سامعكم
هنا تطلع كلى من مروان و تاليا على الجيران الذين ينظرون لهم
هنا هتفت ليلى مره أخرى
ليلى ٠٠ تاليا انزلى عايزاكى
منزل ليلى
ليلى ٠٠ ده جوزك و لازم تسمعى كلامه
تاليا ٠٠ حضرتك إللى بتقولى كده يا طنط ده حضرتك اكتر واحد عارفه إللى حصل معايا و انا تعبت أد ايه لما عرفت اعمل ليا اسم
و سمعة عايزانى اسيب كل ده عشان خاطر الدكتور مروان
ليلى ٠٠ طيب ماهو قالك انه مستعد بفتحلك 
مطعم ليكى لوحدك .. يعنى معندهوش مشكله فى شغلك..
تاليا ٠٠ بس عنده مشكله فى شغلى مع حازم
ليلى ٠٠ طيب مافكرتيش ليه يا ذكية هو عنده مشكله فى شغلك مع حازم
تاليا ٠٠ عشان يتحكم فيا و خلاص
ليلى ٠٠ غبية . يا غبيه مروان بيغير عليكى من حازم
صمتت ثوانى وهى تفكر هل يمكن أن يكون كلمها صحيح ثم نفضت تلك الفكرة من رأسها ثم هتفت. بقلم أروى عادل
تاليا ٠٠ لا يا طنط الغيره عنوان الحب .
و مروان مابعرفش يحب. 
ليلى ٠٠ طيب ايه رأيك بقى ان مروان بيحبك
فكرى فى كل إللى عمله عشان خاطرك كده وانتى هتعرفى انه بحبك
ضحكت تاليا
تاليا ٠٠ يا طنط .. مش عشان انه اضايق انى بشتغل مع حازم يبقى بيحبنى ولا عشان فكر انه بيعتلى مصروف شهريه يبقى بيحبنى ولا عشان دافع عنى مره قدام طنط ثريا يبقى بيحبنى . الحكاية كلها انه بيعتبرنى مسؤوليته. لانى فى النهاية بنت عمه
ليلى ٠٠ بكره الايام تثبتلك انى كلامى صح
تاليا ٠٠ يا طنط مروان كده كده مسافر هو مستنى بس لما يعدى الأربعين بتاع خالد الله يرحمه .. يمكن المردى مايرجعش تانى 
فبلاش بالله عليكى تعلقينى فى حبال دايبة خلينى عايشة بدماغى
بعد مرور أسبوع
منزل سالم
رحيم ٠٠ البقاء لله .. بس ازاى يا مروان متقوليش 
مروان ٠٠ معلش هى الصدمة خلتنى مش عارف افكر 
رحيم ٠٠ شد حيلك كلنا لها
مروان ٠٠ بس وانت عرفت منين 
رحيم ٠٠ من بنت عمك .. بقالى فتره بشوفها لابسه اسود ولم سألتها قالتلى
مروان ٠٠ أه صح دى معاك فى الكلية 
رحيم ٠٠ طيب ايه مش ناوى ترجع الكليه ولا هتسافر تانى
مروان ٠٠ مش عارف بس على الأغلب هسافر 
بس لسه مقررتش
رحيم ٠٠ أنا عرفت بالنجاح إللى حققته فى أمريكا 
مروان ٠٠ الحمدالله ربنا وفقنى 
رحيم ٠٠ طيب ابقى مر علينا فى الكلية فى اى وقت الكل هناك نفسه يشوفك 
مروان ٠٠ ان شاء الله هيحصل
هنا دخلت تاليا بالقهوة و هتفت من غير ما ترفع عينيها
تاليا ٠٠ اتفضل القهوة
هنا هتفت رحيم
رحيم ٠٠ ايه ده ..تاليا انتى هنا
تاليا ٠٠ دكتور رحيم
مد رحيم يده يسلم على تاليا لتبادله تاليا السلام لذلك جعل مروان يشعر بضيق عندما رأها يد تاليا فى يد رحيم
بقلم أروى عادل
رحيم ٠٠ قوليلى عامله ايه 
تاليا ٠٠ أنا الحمدالله تمام
رحيم ٠٠ أه صح أخبار البحث إللى طلبته منك ايه
تاليا ٠٠ لسه شغاله عليه 
رحيم ٠٠ لو وقفت اي حاجة قدامك تعالى بكره مكتبى و انا اساعدك فيا
قبل أن تجيب تاليا هتف مروان بغيره
مروان٠٠ لو حاجة وقفت قدمها انا موجود
رحيم ٠٠ أه صح انا نسيت انها بنت عم الدكتور مروان 
تاليا ٠٠ طيب عن أذنكم
فى غرفة مروان
بعد نصف ساعة انصرف رحيم
ثم دلف مروان للغرفة پغضب 
عندها
كانت تاليا تقرأ فى كتاب 
هنا صاح مروان پغضب
مروان ٠٠ ممكن افهم بقى انتى متعودة تتكلمى مع ايه حد عادى كده
تاليا ٠٠ فى ايه تانى ...انا عملت ايه المردى
مروان ٠٠ المفروض يا هانم يا محترمه انك تعملى حساب ليا وانا واقف مش عامله تتكلمى مع رحيم ولا عامله اى حساب لوجودى
تاليا ٠٠ أنا كنت برد على أسئلته بس
مروان ٠٠ بعد كده لا تردى ولا تتنيلى..
تاليا ٠٠ بسخريه حاضر بعد كده مش هتنيل أى نيله تانى .. قصدى أى أوامر تانى
مروان ٠٠ بطلى اسلوب المستفز ده فى الكلام
تاليا ٠٠ حاضر هبطل
مروان ٠٠ انتى بتخدينى على أد عقلى
تاليا ٠٠ مروان استوب انا عايزه وقت مستقطع لان كده كتير عليا 
مروان ٠٠ اتريقى كمان
تاليا ٠٠ و اللهى ما بتريق. بس بجد انا تعبت من الخناق كل شوية . . كل حاجة اي حاجة بعملها مش عجباك .. هو انت ليه بتكرهنى أوى كده
مروان ٠٠ بضيق يااااه هو ده إللى قدرتى تفهمى من معاملتى ليكى انى بكرهك
هنا تذكرت حديث ليلى لذلك هتفت بدون تفكير
تاليا ٠٠امال يعنى مثلآ هتكون بتغير عليا
اقترب مروان منها حتى أصبح امامها
لا يفصل بينهم سوى انش واحد ثم هتف
مروان ٠٠ مغرش ليه هو انتى مش مراتى من حقى اغير عليكى
تطلعت إليه بصمت هى لا تعرف بماذا تقول أو ضعت من الكلمات من حديثه ما أربكها أكثر أقترابه منها 
لذلك حاولت تسيطر على مشاعرها
مروان ٠٠ ايه سكتى ليه مش عجبك كلامى
هزت رأسها بالنفى
مروان ٠٠ آمال مالك 
تاليا ٠٠ مافيش
مروان ٠٠ امال سكتى يعنى ..انا خلاص اتعودت على لسانك الطويل
هنا تحولت ملامحها لڠضب
تاليا ٠٠ انا لسانى طويل .. وانت مشاء الله عليك ملاك مش كده
مروان ٠٠ أنا هتردحيلى فى ايه
تاليا ٠٠ مش انت إللى بتغلط.. ايه عايز تغلط وان اخرس متكلمش كمان انت.......
هنا وضع أصابعه على فمها لتصمت 
بقلم أروى عادل
مروان .. بقولك ايه ماينفعش ناخد هدنه .. حتى يوم واحد من غير خناق
ازاحت تاليا يده من على فمها بأرتباك و خجل
تاليا ٠٠ على فكرة انتى إللى بتتخانق معايا مش انا
كانت تاليا تلم شعرها بالقلم لذلك سحب مروان القلم من شعرها لينساب شعرها كالشلال على ظهرها
حينها تطلعت له تاليا بأرتباك من فعلته تلك
هنا نظرة لها مروان بهيام ثم هتف
مروان ٠٠ كده احلى بكتير
بلعت ريقها وهى تخفض رأسها بخجل
بينما رفع مروان وجهها هو يهتف
مروان ٠٠ قولتى ايه موافقه نعمل هدنه
تاليا ٠٠ بخجل اه موافقه
هنا مد يده و أزاح بعض الخصلات الشارده من على عينيه حتى يستطيع أن يرى وجهها كامل هنا حضڼ وجهها بكفيه
لذلك هتفت بخجل وصوت يكاد يكون مسموع
تاليا٠٠ مروان انتى بتعمل ايه
همس مروان فى أذنيها بعض الكلمات جعلت
قلبها يدق كالطبول من شدة خجلها و انفعالها
أحمر وجهها وهى تقول بمنتهى السذاجه
تاليا ٠٠مروان انت قليل
يتبع
الكاتبة الروايه أروى عادل
هل سيكتشف مروان ماذا حدث فى غيابه