رواية زاي اطفش عروسة بابا الفصل 42

.. 
جمانه رجعت مسكت إيده منعته لما لقته هيشيلها لما فردت له ذراعاتها _ استنى شويه متشلهاش .. 
سميه دشفتها _ متقربيش منها مبتفهميش اطلعي يرا بيتنا يلا اطلعي برا .. 
ليلى جايه جايبه معاها فوطه مبلوله بشويه ميه بتمسح لغفران وشها _ مش وقته يا ماما الكلام ده مش شايفه البنت تعبانه زاي بطلو خناق قدامها .. 
عمر حضنها فضل يهديها و هي حاطه راسها على صدره لين ما خلاص هديت أقنعها تمشي مع ليلى تبدلها هدومها _ امشي مع عمتو ليلى و انا هاجي بعد ما اعملك كبايه حليب دافيه .. 
جمانه بعدما مشيت نطقت _ مش هينفع تأكلها حاجه دلوقتي المفروض تستنى معدتها ترتاح .. 
سميه زعقت _ شكرا لحضرتك نبهتينا على أساس مبنعرفش ناخد بالنا منها انا ام لولدين و بعرف آخد بالي من حفيدتي انت بس اطلعي متورناش وشك تاني .. 
جمانه بلعت ريقها _ بتكلم بصفتي ممرضه . 
سميه بتريقه _ ممرضه بتفضلي علينا يعني انت لو بقيتي ممرضه فده بفضل ابني مسبش حاجه إلا و عملها عشان ترضي عنه درستي بفلوسه و مجهوده و تضحياته بس متستاهليش .. 
عمر بهداوه _ أنا رايح أشوف بنتي خلي عندك شوية كرامه و اطلعي برا ببتي .. 
جمانه فلتت من سميه اللي كانت بتشدها بتحاول تطلعها برا البيت و جريت قعدت على ركبها جنب رجل عمر _ عمر أبوس إيدك اعطيني فرصه وحده فرصه أخيره عشان أكون جنب بنتي أوعدك هحبها .. 
عمر دموعها و عياطها مأثروش فيه _ انا مش أهبل يا جمانه مش هسمحلك تشوفيها أو تقربي منها حتى لو اضطريت أسافر برا البلد .. 
جمانه بلهفة شبطت في إيده _ لا لا يا عمر متعملش فيا كده و غلاوة غفران عندك متعملش فيا كده انت أكثر واحد عارف انا مريت بإيه متعملش فيا كده .. 
عمر ببرود _ اعطيتك بدل
الفرصه فرصتين و ثلاثه بس انت ضيعتيهم .. 
جمانه _ طب خليني أقول لغفران الحقيقه ممكن تسامحني و تديني فرصه .. 
عمر زعق _ انت مجنونه عايزه تقولي لها إيه .. 
زعيقه ملى البيت كلمه مسبش كلمه إلا و قالها لها هي بس بټعيط و مبتعترضش و بعدما فرغ كل عصبيه و غضبه منها سابها و هو طالع على اوضة غفران لقاها واقفه فوق و سمعت تقريبا كل اللي تقال ..
غفران مرت من جنبه جرى على تحت حضنت جمانه اللي رغم ترددها بادلتها الحضن و عياطها زاد _ متعيطيش .. يا خالتو
يتبع ..