رواية لخبطيطا الجزء الثاني الفصل السابع عشر بقلم عبد الرحمن الرداد

جبتها! أنت كنت مراقبني من الأول بقى
ضغط على أسنانه بالڠضب وكان على وشك فقدان أعصابه لكنه تمالك نفسه في اللحظات الأخيرة وقال
جاوبي على قد السؤال ايه علاقتك بمۏت كريم أنا مش هرحمك
تقدم ليمسكها من معصمها وحاولت سحب يدها لكنها لم تستطيع فرددت بعينان دامعتان
أنا عمري ما كنت أفكر حتى اتسبب في أذى لكريم بقولك كنا بنحب بعض وكان هيتقدم ليا لولا اللي حصل وخلي بالك أنت كدا بتوجع حبيبة صاحبك ده
تراجع وترك معصمها ثم أغلق عينيه للحظات ليتمالك أعصابه قبل أن يقول
لو فعلا كنتي بتحبي كريم يبقى هتساعديني وتقوليلي مين اللي عمل فيه كدا علشان أبرد ڼار قلبي وأريحه في تربته
مسحت دموعها ونظرت إليه قائلة بجدية
هقولك كل اللي أعرفه بس مش هينفع هنا ولا النهاردة لكن أوعدك بكرا هحاول أنزل وهبلغك بده بس قبل ما تمشي قولي أنت مين بجد
وضع يديه في جيب بنطاله وردد بجدية
بكرا بعد ما تعرفيني الحقيقة هقولك أنا مين بجد
ثم تركها ورحل في الحال لتخرج الأم وتجد ابنتها وحدها.
حدقت هاجر بها بعد أن نادتها عدة مرات ولم ترد فرفعت رقبتها لتقول بصوت عال
رحمة أنا مش بناديلك!
انتبهت رحمة لها قائلة
سورى كنت بفكر فى حاجة مخدتش بالى
ضمت هاجر حاجبيها لتقول متسائلة
مالك يا رحمة من ساعة ما خرجتى ورا كرم وانتى متغيرة وسرحانة علطول
نظرت إليها بضعف قائلة
الكلام اللى قاله كرم ميطمنش خالص مش قادرة افسره ربنا يستر
هاااا مش ناوى تقول اللى عايز اسمعه منك بقى
حرك رأسه پخوف ليقول
والله دى الحقيقة يا باشا حد ادانى فلوس ومسډس وقالى أعمل كدا وقالى انى بعد ما اخلص مهمتى و كرم باشا يقبض عليا هيدينى مبلغ تانى وأنا نفذت علشان محتاج الفلوس
ابتسم يوسف قبل أن يحرك رأسه بالايجاب قائلا
اممم لعبة جديدة ايوة كدا التشويق يبتدى معلش يا مسعد أو اسعد وات ايفر أنت هتبقى معانا هنا لغاية ما كرم باشا يجى ويسمع الكلام ده بنفسه وساعتها هو يقرر تمام!
حرك رأسه على الفور بالقبول ليقول
تمام يا باشا
وصل كرم إلى مكتبه ووضع هاتفه وسلاحھ أمامه ثم اتجه إلى النافذة ليستنشق الهواء الطلق ويفكر فى اليوم التالي والذي سيعرف فيه الحقيقة. رن هاتفه برقم يوسف فأمسكه على الفور وأجاب
يوسف ايه يبنى 19 مكالمة منك!
صاح يوسف پغضب
أنت فين ياعم من الصبح!
أنا لسة واصل أهو تعالى مكتبى وهفهمك كل حاجة
ما هى إلا ثوان حتى دلف يوسف الى المكتب وهو يقول
البيه مختفى فين من الصبح
رفع كرم حاجبيه بتعجب ليقول پغضب
أنت ليه بتتكلم على اساس انك خطيبتى مثلا! ما اختفى فى المكان اللى يعجبنى أنت مالك
جلس يوسف قبل أن يقول
ماشى ياعم مقبولة منك ارغى بقى كنت فين وحصل ايه
جلس كرم هو الاخر ليبدأ حديثه قائلا
الحقيقة قربت تظهر
ضيق عينيه بعدم فهم ليقول
نعم! مش فاهم
ابتسم كرم وبدأ في سرد ما حدث قائلا
عملت بنصيحتك ومرضتش اظلمها وكنت على حق كريم جالي في المنام وكان زعلان من اللي بعمله ومكنتش فاهم ليه زعلان لكن النهاردة عرفت كريم واسماء كانوا بيحبوا بعض وكان هيتقدملها لكن حصل اللي حصل وبكرا هعرف منها كل حاجة
يعني كل المعلومات اللي جبتها حقيقة!
هز رأسه بالإيجاب ليجيبه قائلا
كلها حقيقة وبكرا ان شاء الله هعرف مين اللي عمل كدا وساعتها محدش هينقذه من ايدي
اعتدل يوسف وقال بجدية
ربنا يستر بس هرجع واقولك يا كرم بلاش تهور متخليش الاڼتقام يعميك لو واجهتهم لوحدك هيبقى اڼتحار وساعتها مش هتكون ساعدت كريم بل بالعكس هتنضم ليه ولا فيه حاجة هتحصل
اغلق كرم عينيه ليقول
ربنا يقدم اللى فيه الخير
ثم فتح عينيه وقال
صحيح عملت ايه مع الواد اللى اسمه سعيد!
أجابه يوسف على الفور
ما ده اللى كنت بتصل بيك علشانه الواد شكله ملوش فى حاجة وحد بعته طعم
رفع كرم حاجبيه بتعجب
طعم! طعم إزاي يعني مش فاهم ومين قالك!
اجابه يوسف بتلقائية
هو اللي قالي
ارتفع حاجبيه اكثر وقال بجدية
هو اللى قالك! وأنت صدقت
هز رأسه ليقول
أيوة صدقت
اغلق كرم عينيه ليقول پغضب
انت لية مصر تعصبنى يا يوسف! سعيد ده مش من أولياء الله الصالحين يعني ده مچرم وأنا عارف أنا بقولك ايه كفاية الضړبة اللى ضربهالى وحياة أمه ما هرحمه عليها
وقف يوسف ثم اشار بكلتا يديه قائلا
بص بص أنا هجيبهولك وهتسمع منه بنفسك وانا عارف انك مش بتغلط فى تحديد حاجة نهائى
ضم شفتيه وهو يميل رأسه بمعنى الموافقة فذهب يوسف لإحضار سعيد وعاد بعد دقيقتان وهو يقول
اسمع منه كل حاجة أنت عايزها أنا هستناك برا عقبال ما تخلص
وتحرك للخارج لكنه وقف والټفت إلى كرم قائلا
عايز ارجع ملقيش انك قټلته
ابتسك كرم وهو يقف قائلا
متقلقش مظنش توصل للحد ده يلا هوينا خلينا نشوف شغلنا
هز رأسه بإستنكار ثم خرج وترك سعيد وكرم الذى تحرك بإتجاه سعيد ليستجوبه.
بمجرد أن وقف امامه نطق بهدوء
ها يا سعيد ناوى تقولى كل حاجة
حرك رأسه بالايجاب بسرعة ليقول
أيوة يا باشا هقول كل حاجة واللي حصل بالظبط
إلى اللقاء في الفصل القادم
عبد الرحمن الرداد