رواية زاي اطفش عروسة بابا الفصل 46

وشه _ تمشو فين يا ليلى بدل ما تقنعيها تسمع مني عايزه تاخديها و تمشي .. 
جلال دخل على صوت زعيقه مش عارف السبب بس واضح غفران رافضة تقضل معاه حاول يتدخل _ عمر استهدي بالله و خليها تجي معانا انت خاېف منهتمش بيها .. 
عمر باعتراض _ مش كده بس .. 
جلال قاطعه _ انت عايز تحل اللي بينكم دلوقتي بس أعتقد مش وقته كفاية عليها كل اللي حصل اليوم هناخدها تنام عندنا ارتاح و بكره تعالى صالحها .. 
عمر اتنهد _ معاك حق .. 
مرادها اتنفد هتبات الليلة في بيت عمتها قاعدة على الكنبة بعد ما لبست البيجامة مستنيه ليلى تعملها السندوتش لي أصرت عليها تاكله بما أنها متعشتش ..
جلال شايفها سرحانة شالها قعدها على رجله _ غفران نتفرج على فيلم كرتون .. 
غفران مطت شفايفها _ لا نعسانة .. 
جلال سحب مخده عدلها نيمها عليها كم دقيقة بس و راحت في النوم _ يا روحي كانت تعبانة .. 
ليلى جايه و فإيدها الطبق اتفاجأت بيها نايمة برقت _ انت نيمتها من غير عشا يا جلال .. 
جلال اتنهد _ كانت مېته من التعب .. 
ليلى قعدت جنبه يائسة _ مش مكتوب لها تفرح حرام اللي بيحصل فيها لسا صغيره جمانه ربنا أنعم عليها بطفلة مفيش أحن منها بس معرفتش تحافظ عليها و أنا كل اللي عايزاه أسمع كلمة ماما .. 
جلال حضنها _ إن شاء الله هيحصل ..  
أسبوع مر على نفس الحال كل يوم عمر بيجي عند أخته بيحاول يتكلم مع غفران يحاول يرجعها معاه بس بمجرد ما تشوفه بتطلع على أوضتها فوق ..
عمر حاطط راسه بين إيديه _ أعمل إيه يا ليلى بنتي مبقتش عايزه تشوفني .. 
ليلى _ اعملها اللي هي عايزاه يا عمر كفاية اللي البنت شافته و دلوقتي لا بتاكل و لا بتنام كويس لو فضلت كده هتتعب أوي
يا عمر .. 
عمر _ انا معرفش هي عايزه إيه أساسا مبتبصش فوشي ولا راضية تقلي عايزه إيه أعملهلها 
ليلى خدت نفسها _ غفران عايزه تشوف جمانة 
عمر برق _ عايزه تشوف جمانة زاي 
ليلى بلعت ريقها _ قالتلي عايزه تعيش معاك و مع جمانة في بيت واحد ..