رواية حياتي المفقودة الفصل الخامس الأخير بقلم هاجر نورالدين

الحلقة الخامسة والأخيرة _ حياتي المفقودة 5 
_ كنت عايزك تيجي عشان تعمليلي إعلان تاني وببعتلك على الواتساب من يومين مش بتردي تقريبا كنت مشغولة 
بصيتله بتركيز وتذكر شوية وعيني وسعت من الصدمة 
إتكلمت بنبرة متوترة وقولت
هبقى أشوف جدول المواعيد اللي عندي وأرد على حضرتك بالوقت اللي فاضية فيه 
إبتسم وقال بهدوء قبل ما يمشي
_ تمام هكون في إنتظارك 
مشي من قدامنا وأنا عيوني عليه ومش قادرة من كتر التوتر اللي حسيت بيه أنا إزاي نسيت إنه قبل ما أعمل العملية بالظبط كان باعتلي على الواتساب وأنا رديت عليه وإتكلمنا شوية 
في الشغل والإعلانات والراتب وخلافه ومن بعدها إتشغلت إزاي مجاش في بالي إن هو اللي بيهددني وأكيد هكر الموبايل بتاعي لما رديت عليه على الواتساب 
أيوا مفيش غيره أكيد وهو اللي قالهالي صريحة إنه معجب بيا كنت بحاول أخلي الوقت يجري وأنا مع فارس عشان أروح أكلمه واسأله ليه بيعمل فيا كدا ويبعد عني 
بعد شوية وقت لاحظ فارس إني مش على بعضي وقال بتساؤل وقلق
_ مالك يا سهر مش على بعضك ليه
إتوترت نوعا ما وقولت
حاسة بتعب شوية وحاسة إني عايزة أروح بصراحة 
إتنهد وقال بهدوء
_ طيب ياسهر تعالي نروح 
بعدها روحنا فعلا وفضلنا طول الطريق ساكتين وكل واحد مشغول باللي في باله أنا في المصاېب اللي عمالة تتحط فوق راسي وهو أكيد في المصاېب اللي عملتهاله برضوا 
وصلنا البيت وطلعنا من غير كلام ولكن قبل ما يدخل ينام شافني واقفة في البلكونة وسرحانة جه مسك إيدي وقال بتساؤل
_ مالك يا سهر أنا سيبتك براحتك لحد ما نيجي هنا بس إنت فعلا مش على بعضك وفيك حاجة غريبة 
فضلت ساكتة ومترددة تردد كبير جدا في إني أقوله أو لأ ولكن قررت أقوله نص الحكاية مش كلها وقولت أسبق
فارس في حد بيبتزني عشان أبعد عنك 
رجع خطوتين ورا بعد ما ساب إيدي وقال پصدمة وعدم إستيعاب
_ إي!
إزاي يعني ومين دا
جاوبته بهدوء وصعبنيات وقولت
شاكة إنه زياد اللي عملت عنده الإعلان قبل كدا لإنه المرة اللي فاتت إعترف إنه معجب بيا ولكن بعدها عرف إني متجوزة وبعد عني أو عمل نفسه بعد عني المهم إن في رقم قالي لو منفصلتيش عن جوزك خلال يومين هيكدب ويحور ويقول إني عملت عملية الإچهاض وشيل الرحم بمزاجي وكلام غريب أوي حتى عامل سكرينات فيك بيني وبين الدكتور أنا خاېفة أوي يا فارس 
فارس كان بيسمعني وكل مادا كان بيبان عليه الڠضب والغل أكتر حضنني وقال بهدوء شايل وراه عصبية
_ مټخافيش يا حبيبتي وكويس إنك قولتيلي وأنا هعرف أتصرف معاه أهم حاجة متشيليش هم 
بعدت عنه وقولت بهدوء وخوف
طيب أنا لسة