رواية هو انت مين الفصل الحادي عشر والثاني عشر والثالث عشر والرابع عشر والخامس عشر بقلم سحر السحرتى كامله

رواية هو انت مين الفصل الحادي عشر والثاني عشر والثالث عشر والرابع عشر والخامس عشر بقلم سحر السحرتى كامله
هو انت مين 
حلقة ١١
تحدثت والدموع منهمرة من عينيها عندما تذكرت الماضي 
لما اختي اخذت الفلوس وما رضيتش تديني اي حاجه ثانيه المستشفى ادتني مهله يومين بس عشان اكمل باقي الفلوس يا اما هيخرجوا ماما من العنايه و تروح غرفه عاديه وده خطړ عليها .... جريت سألت كل اصحاب بابا ان حد يقدر يساعدني واكتب وصل امانه اي حاجه في اللي رفض بشياكه وفي اللي اتهرب من مقابلتي خالص 
صمتت لحظه لتستجمع شجاعتها لتعترف بما اقترفت فامسك يدها وقبلها كي تطمئن وكاد ان ياخذها داخل حضنه 
بلاش دلوقتي يا اياد
هو ايه اللي بلاش
الحضن ده استنى اما تعرف انا غلطت في ايه وكان عندي استعداد اعمل ايه 
اخذها رغما عنها داخل حضنه 
مش عايز اعرف يا ستي لو انت خاېفه تقولي كل اللي حصل زمان قبلي مسامح فيه ايا كان ايه لان مش من حقي احاسبك عليه
معلش اسمعني للاخر انا لازم اصارحك بكل حاجه في حياتي ده عهد اخدته على نفسي لازم الإنسان اللي احبه وهرتبط بيه يعرف كل حاجه عني
خرجت من حضنه والدموع تسيل من عينيها أكثر 
واحد صاحب بابا اصغر منه بكام سنه مش كثير قال لي هساعدك و هتكفل بكل مصاريفكم
بقلمي سحر السحرتي 
عادت بالذاكره للخلف 
انكل ممكن حضرتك تساعدني انا لفيت كثير وما بقاش قدامي حد ثاني
اهلا اهلا عنود حبيبتي تعالي في حضڼي 
قام باحتضانها بطريقه وقحه ولكنها لصغر سنها وهو في سن والدها لم تفهم ظنته كاخ لابيها
في ايه مالك زعلانه و بټعيطي ليه 
ماما في المستشفى ودفعت جزء من الفلوس وباقي جزء وهي في العنايه
بس كده يا حبيبتي ده انا اشيلك انت وماما في عيني
ردت بسعاده وهي تمسح دموعها 
بجد يا انكل شكرا الحمد لله ان لسه في ناس كويسه زي حضرتك لسه بتحفظ الصداقه 
و قبلته من خده قبلة عرفان وشكر
انت طبعا عارفه اني مش هعمل كده من غير ما اضمن حقي 
اختفت بسمتها
اه طبعا يا اونكل هكتب لحضرتك وصل امانه
و هتسددي ازاي 
هشتغل و هجمعه وارجع لحضرتك كل المبلغ 
بالفوايد
نعم
هتقدري ترجعي المبلغ بالفوايد
ردت بذهول 
انت هتسلفني بفائده
اي رجل اعمال مش بيعمل حاجه بدون مقابل ده اول درس كان المفروض والدك يعلمه لك 
حاضر هرجع بالفوايد بس المهم صحه ماما
في قد ايه هترجعيهم 
ما اعرفش المهم اني هشتغل واعمل المستحيل عشان ارجعهم
انا عندي حل اسهل و هديكي مبلغ كبير عشان انت صغيره لسه وحلوه 
دلني عليه بس بسرعه اصل ماما تعبانه قوي
الموضوع مش هياخد اكتر من ليله واحده ولو اتبسطت ممكن يبقوا اكثر انت وشطارتك 
مش فاهمه ليله ايه اللي هتجيب فلوس كتير كده 
ليله معاكي اقضي اول ليله ليكي من تحولك من بنت لست
كادت الصدمه ان تذهب عقلها كيف لهذا الوقح طلب ذلك
انت بتقول ايه ده مستحيل انت ازاي كنت صاحب بابا 
رجال الاعمال مش اصدقاء رجال الاعمال بينهم اعمال في حد قبلي رد عليك او سلفك
لا كلهم اندال
شفتي خلصت المصلحه مع والدك انتهت العلاقه بينهم 
هما اه اندال بس انت ندل و حقېر 
من غير طوله لسان انت محتاجه فلوس وانا مش هرمي فلوسي في الارض ولا استني سنين على ما تسددي حتى لو بالفوايد يا عالم اذا سددتي انا مش فاتحها جمعية خيرية 
مين قال لك اني هاخذ سنين 
امكانياتك ايه لسه صغيره و بتدرسي هتحاولي و تحاولي وفي الاخر مش هيبقى قدامك غير انك تبيعي الليله وممكن ليالي انا بوفر عليك بهدله اكثر من كده و تخبطي على البيوت و تذلي نفسك عندك سلعه وانا اشتريت باعلى سعر 
شردت وبكت ربما يحن قلبه
ما تعتبرني زي بنتك ترضى لها كده
نظر لها بلا مبالاة 
بصي جو الصعبانيات ده بلاش منه ما بياكلش معايا انا هدفع و بزياده اه او لا خدي وقتك ومش هقول لك المبلغ نزل عشان اتاخرتي في الرد لاني من زمان وانا ھموت عليك و بعترف لك كمان
يعني لما كنت بتدخل بيتنا كان بيبقى عينك عليا وانا زي بنتك وكنت بتحضني و تطبطب عليا مش عطف وحب 
طبعا حب لست نفسي فيها مليانة أنوثة وجاذبية 
يعني ما فيش حل تاني تديني فلوس واكتب لك وصل امانه
لا واظن ان انا اخر امل ليكي لان لو كان جوز اختك ممكن يسلفك واكيد لاجئتي له ورفض 
انا مش موافقه انا ماشية
هترجعي
بحدة وثقة
مش راجعه
بثقة أكبر 
هترجعي انا واثق وممكن كمان اسدد باقي ديون باباكي لو اتبسطت منك 
بقلمي سحر السحرتي 
تركته وذهبت وهي تبكي وصلت الى منزل اختها طرقت الباب ففتحت الخادمه ولم تدعها تدخل قبل ان تسال بتول 
لم تستغرب عنود من ذلك التصرف فقد توقعته وقفت بتول على الباب
نعم خير 
هنتكلم على الباب كده
ادخلي بس ما تطوليش عندي عزومه ومش فاضيه لك
دخلت وهي تبكي 
عايزه ايه مش قلتي لي غوري في داهيه 
بتول انا اسفه ارجوك سلفيني و هكتب لك وصل امانه ولو بالفوائد كمان عندي استعداد 
بكل لا مبالاة وتكبر
مش هرمي فلوسي في الارض ما اضمنش انك تقدري تسددي
احبسيني لو ما سددتش 
هبقى كسبت ايه هبقى خسړت فلوسي برده
بتول انا مفيش قدامي غير اني ابيع نفسي عشان انقذ امي انا خبطت على كل البيوت وما حدش رضي يساعدني
بنظره متشفية
وفيها ايه
صدمة أخرى كادت تفقدها الوعي لكنها تماسكت من أجل امها
انت بتتكلمي بجد عايزاني ابيع نفسي
بسخرية و شماتة
مش هتلاقي اللي يدفع ولو لقيتي يبقى حق الحب و الدلع اللي استوليتي عليه 
بكت بشده وامسكت يدها و قبلتها وهي تقول
ابوس ايدك ابوس رجلك كمان اديني الفلوس
ونزلت للارض لتقبل قدمها فرفصتها اختها 
تحدثت باحتقار وهي تشير بالسبابة لأعلى واسفل
امشي اطلعي بره قبل الضيوف ما توصل و يشوفوكي بالمنظر ده مبهدله و لابسه هلاهيل بقالك كام يوم ما غيرتهاش
حاضر انا همشي بس ربنا مش هيسيبك 
لم تجد اي حل سوى العوده الى صديق والدها او المشتري 
وصلت وضحك بسخريه 
قلت لك هترجعي بس ما كنتش اتوقع انك هترجعي بالسرعه دي
ارجوك اديني الفلوس وانا ممكن اشتغل خدامه عندك
ولو اشتغلت خدامه عمرك كله مش هتسددي ربعهم اذا مش جايه تنفذي اللي طلبته خدي بعضك وامشي مش ناقص صداع انا بحب الفرفشه قلتي ايه 
بدموع وحزن شديد
انا موافقه 
خلاص ادخلي الغرفه اللي هناك دي خدي دش و هبعت لك دادا وداد هتجيب لك قميص نوم ودلعي نفسك مكياج وحركات البنات بقى انت فاهمه هتلاقي كل حاجه عندك
طب اديني الفلوس الاول
الفلوس هتكون جاهزه في غرفه النوم قبل اي حاجه لكن مش هتمشي بيها غير لما اخد طلبي .... واه افردي وشك مش عايز دموع ولو رقصتي لي الفلوس هتزيد 
دخلت الغرفه وهي خائفه وتشعر بالعجز لا تدري هل الغايه تبرر الوسيله وهل ما تفعله هو الصواب لانقاذ امها المريضه المعرضه للمۏت
طرقت الباب دادا وداد فاخرجتها من شرودها 
البيه باعت لك الهدوم دي يا بنتي 
متشكره يا دادا
وامسكت يدها وعيونها ممتلئه بالدموع 
ممكن تقولي لي هو اللي انا بعمله ده صح انا ما بقاليش حد اطلب منه فلوس عشان انقذ امي 
فاضل اللي مش بيسيب حد ابدا 
دليني عليه 
موجود يا بنتي في اي وقت وفي كل مكان ادعي له هيستجيب ... تفتكري ان لو امك عرفت اللي عملتيه ده مش ھتموت برضو او تاخذي الفلوس دي وعلى ما توصلي تلاقيها ماټت وقبلت وجه كريم انت مش زي البنات اللي بتيجي هنا عشان كده بنصحك حتى لو اتقطع عيشي
بس لو امي ماټت وكان في ايدي فرصه انقذها هنډم طول العمر اني ما استغلتش الفرصه دي 
امك المۏت عندها اهون من اللي هتعمليه ولو اخذت الفلوس ورحت لقيتيها ماټت هتبقى خسړتي كل شيء امك ونفسك 
يعني اخسر امي
المۏت علينا حق وكل واحد له ميعاد لا هتقدري بالفلوس تأجلي ميعادها ولا من غير الفلوس هيتقدم ميعادها ثقي في الله وادعي له و هتشوفي هيقف جنبك و هيدهشك بعطائه 
لم تستمع اليها ظلت شارده تفكر أحقا ما قالته صحيح ام أنها ستندم على عدم تضحيتها بنفسها من أجل امها.... الى ان دخل عليها وأخرجها من شرودها
انت لسه ما لبستيش انا عارف ان الموضوع صعب انا هسهلها عليك ايه رايك 
لا خلاص انا هدخل اخذ دش 10 دقائق واكون جاهزه بس ممكن تطفي النور و تستناني على السرير
لا مش عايز اطفي النور
معلش في الاول بس و هنفذ كل اللي هتطلبه
طب هستناكي ما تتاخريش اغلق النور وتمدد على السرير وانتظر مرت العشر دقائق ثم نصف ساعه 
بقلمي سحر السحرتي 
ذهب للحمام وطرق الباب لكنها لم تجيب ففتح الباب وجد الحمام خاليا فقد هربت واستمعت الى نصيحه وداد 
كانت تمشي الى المستشفى والدموع تسيل من عينيها وتدعو الله من قلبها ان يسامحها على ما كانت تفكر في فعله وان يشفي امها 
وصلت المستشفى وجدت دينا صديقتها تبكي كادت ان تصرخ فلحقتها دينا ووضعت يدها على فمها 
ما تفهميش غلط مامتك كويسه 
تنفست بارتياح بعد أن كادت ټموت
امال انت هنا ليه و بټعيطي كده ليه 
انا اسفه والله يا عنود انا مش خاينه امانه والله ما كنت اعرف 
اهدي بس و فهميني واحده واحده عشان انا قلبي وقع اقعدي واهدي 
المجوهرات اللي انت اديتيها لي اشيلها عندي كنت حاطاها في الدولاب في علبه جنب علبه مجوهراتي .... فأختي كانت رايحه مناسبه طلبت مني تلبس حاجه من بتاعتي فقلت لها روحي خذي فبدل ما تاخد من علبتي اخذت من علبتك و النهارده رجعتهم والله انا اسفه
انت بتقولي ايه يعني لسه معاكي مجوهرات ليا
اه والله اسفه ما اعرفش انها اخذت حاجتك بالغلط 
احتضنتها وهي تبكي وتضحك في نفس الوقت 
شكرا يا رب شكرا ليك يا حبيبتي انت انقذتيني ربنا بعتك ليا الف حمد وشكر لك يا رب .... الف حمد وشكر 
وخرت ساجده في الارض وهي تبكي بفرحه فاوقفتها دينا
هو في ايه انت فرحانه قوي كده ليه انا كنت خاېفه تزعلي مني
هحكي لك بس ماما ما تعرفش بعد ان روت لها ما حدث من اختها فقط لم تعلمها بالخطا والذنب الذي كانت سترتكبه 
اخص عليك يا عنود ده كله يحصل وانت ما تقوليش ... طب يا بنتي اسهل من لفك على الناس دي كلها كنت طلبت مني 
ده على اساس ان المبلغ ده معاكي
ما
انا كنت هطلبه من بابا
هو انت بتطلبي ثمن فستان يا دنيا ... ما كنتش اقدر احطك في موقف محرج بالشكل ده مع والدك .... انا نفسي لو كنت طلبته من بابا مبلغ زي ده قبل الازمه لواحده صاحبتي عمره ما كان هيوافق ... عموما الف شكر يا حبيبتي بس عايزه اتقل