رواية هو انت مين الفصل الحادي عشر والثاني عشر والثالث عشر والرابع عشر والخامس عشر بقلم سحر السحرتى كامله

وذهبت و استجابت بتول لكلام عنود لانها تهتم بشكلها امام اصدقائها و عنود كانت تتحدث بقوة وثقة
بقلمي سحر السحرتي 
وصلت عنود الى المنزل وصعدت امها للاعلى و استاذن اياد ان يجلس قليلا مع عنود في المرسم فسمحت له
ايه يا حبيبي كنت عايز النهارده يكون اسعد يوم ايه اللي حصل
مفكراني بعت نفسي ومش هاممها وكمان بتتهمني اني مكمله في نفس الطريق هو في اخت كده حتى امها ما سألتش عليها ولا كان يهمها عايشه ولة لا 
حبيبي ممكن تنسي و تفكري ان كل التعب اللي مريتي به خلاص انتهى ومن يوم ما هتبقي على اسمي هتبقي مسؤوله مني اعوضك عن كل السنين دي انسيها لك ويبقى كل اللي جاي حلو وبس 
بحبك يا اياد
بجد يا حته من قلب اياد لا مش حته انت كل قلب اياد 
بحبك قوي تصبح على خير
وانت جوه قلبي
قبلها في خديها و انصرف 
نامت هذه الليله وهي سعيده و مطمئنه منذ زمن قبل ازمه والدها 
اخص عليك خضتني
بتعملي ايه 
فاطيما هانم امرت اني لازم اعمل اكل عزومه بكره كلها بنفسي عشان تقعد و تحط رجل على رجل و تشاور على السفرة وتقول بنتي اللي عملت كل ده 
هي حبيبتي بتعرف تطبخ
اه بعد الازمه كنت بعمل كل حاجه ما كانش في لسه ام جابر وما كنتش نزلت شغل لان كان فاضل معانا شويه فلوس وماما ما بتقدرش تعمل حاجه 
سمعوا نداء فاطيما من الخارج 
ما تعطلهاش يا اياد قول لها تعمل القهوه لينا وتعالى
دبدبت بقدمها كالاطفال وقالت 
هو انا الفلبينيه اللي كانت عندك هو ايه الذل ده بلاها الجوازه دي 
لا يا حبيبتي اعملها انا او اساعدك وسعي كده ولا تزعلي نفسك قال بلاها الجوازة 
لا فاطيما هانم حالفه ما حد يمد ايده غيري والا هتعتذر لك انت واهلك عن الجواز 
للدرجه دي
مش عارفه ايه التحكمات دي اديني بجهز لبكره عشان يبقى على التسويه
خلاص هعمل انا القهوه وسعي
دخلت فاطيما وجدت اياد يقوم بعمل القهوه
مش قلت لك خليها هي تعملها
لقيتها مشغوله قلت اساعدها وايه كل الاكل ده
دي اول مره اهلك يدخلوا عندنا وكلها حاجات بسيطه وكمان عزمت دكتور عزيز و كلمت خالها هيجي من السفر يا ريت يلحق 
ليه كل ده احنا هنلبس دبل بس 
انا عايزه افرح ببنتي عندك مانع وبعدين انا خليتها تطبخ بس وجبت حد ينظف 
بقلمي سحر السحرتي 
عنود هو انت كمان بعد كل الاكل ده عايزاني انظف
كل الاكل ده ايه احنا لو كنا في الفيلا كنت خليتك عملتي اكثر من كده
الحمد لله اننا مش هناك اطلبي اكل بقى احسن انا جعت
ايه انت ما طبختيش الغداء
هو انا هلحق حرام عليك ده انا المفروض عروسه اعمل شويه حاجات في نفسي بدل ما انا بعبلي كده
بكره ابقي اعملي وانا هسوي الاكل مع ام جابر 
كثر خيرك تعبتي نفسك بجد 
وانا عندي اعز منك يا حبيبة ماما 
ده لو مرات ابويا مش هتعمل معايا كده
اياد ممكن يا طنط اساعدها
لا خلص القهوه وتعالى ورايا ولو ناولتها معلقه انسى الجوازه دي انا حالفه 
تركتهم وانصرفت
مامتك دي صعب قوي
بحزن مصطنع
شفت عروسه شكلها عامل كده وشعرها بقى كله ريحه بصل ده انا في معتقل
احلى عروسه معقول هتبقي قمر كده وانت بتطبخي في بيتي
جزت على اسنانها وهي تمسك المغرفة وتشير له للخروج 
اطلع يا اياد ... اطبخ في بيتك انا طبخت النهارده لعشر سنين قدام انا هتجوز وههد المطبخ 
يرضيكي اكل من بره
تحدثت وهي تتظاهر بالبكاء 
اطلع يا اياد نشوف الموضوع ده بعدين احسن انا من 800 الصبح وهي معڈباني كده صحيت لقيتها موصيه حد يجيب الحاجه دي حتى ما فطرتش
يا حبيبتي تحبي تاكلي ايه وانا اطلب لك 
شاورما وكثر التوميه
احلى شاورما هجيبها لك يا حبيبتي 
بعد قليل استمعت عنود لمن ينادي من مدخل المنزل
يا دودو انا جيت يا دودو 
اسرعت تجري وكادت تسقط ونزلت على السلالم و احتضنته بقوه
اتش حبيبي وحشتني قوي قوي قوي قوي
وقف اياد على السلم ليرى من الذي ينادي عليها 
كان شاب وسيم وصعدت عنود معه وهي ممسكه يده
خالي هشام وده اياد خطيبي 
سلم عليه ودخل امسكها اياد من ذراعيها 
هو يصح تحضني ابن خالك بالشكل ده 
هههههه بقول لك خالي الناس ما بتسمعش حرف لكن تزود كلمه ازاي يعني هو سمعك تقيل للدرجه دي 
خالك ازاي ده صغير قوي شكله من سني
دي قصه طويله هحكيها لك بعدين 
امال هغير على مامتك مثلا 
ايه ده عيب كده حد يشوفنا ابعد
انت اللي بدأتي 
اسفه أما الحق الاكل عشان اعرف أقعد مع اتش
تعرفي تقعدي مع اتش مش مع خطيبك 
اصله مسافر تاني على طول احنا بقى قدامنا العمر كله يا حبيبي
اه يا قلبي حبيبي دي طالعه منك هتقتلني 
بعد الشړ عنك 
فاطيمايا عنود الاكل يا فالحه هيتحړق 
يا خبر ماما هتعلقني 
اسرعت للداخل في اليوم التالي حضر اياد مع عائلته وجد المنزل مزين بالاضواء من الخارج هديه من جاد الى عنود 
بقلمي سحر السحرتي 
شعر والديه براحه نفسيه عند دخولهم المنزل رحبت فاطيما بهم و شعروا بألفه جميعا من بعضهم
كانت دينا مع عنود في الداخل لوضع اللمسات الاخيره وعزيز يجلس مع الضيوف هو وهشام وجاد 
انتهى اياد من طلب يد عنود كالعاده واستدعت فاطيما عنود لتدخل بالعصير 
عند دخولها انبهر اياد من جمالها الدائم الذي كل مره يزيد حبها بقلبه فنهض ليمسك منها الصينيه وهمس
ايه الحلاوه دي قمر يا حبيبي 
امسك الصينيه كويس احسن هتقع مني 
هههههه لا احنا مش قد مامتك هتوقف الجوازه امسكي كويس 
ندل كل همك الجوازه
قدمت العصير للضيوف ورحبت بها والده اياد و احتضنتها 
انت فعلا اخترت صح يا اياد بجد انا حبيتك قوي يا عنود انت تدخلي القلب من جوه على طول
شكرا يا طنط انا كمان حبيتك قوي
اياد مش كفايه حب بقى و نقرا الفاتحه
تمت قراءه الفاتحه ولبس كل منهم دبله الاخر قبل اياد يدها وكاد ان يحتضنها لولا نظره عنود الحاده لتنبهه ان الناس من حولهم .... الى ان تحدث هشام 
انا اسف يا اياد مش هينفع تكتب الكتاب 
لماذا لن يستطيع كتب الكتاب هل حدث شئ
هو انت مين 
حلقة ١٣
تفاجأ اياد و الموجودين من كلام هشام لكن اياد رد بهدوء عكس ما بداخله
ليه يا استاذ هشام 
اولا قول يا هشام انا مش كبير كده ... ثانيا اصل مسافر بعد ثلاث ايام ما قدرتش اخد اجازه اكتر من كده فلو تكتبوا قبل ما اسافر عشان اطمن على عنود يبقى احسن تكتب الكتاب واسافر على طول
تنفس بعمق وقال بفرحة كبيرة 
يا سلام ده انا كنت عايز اكتبه النهارده يا راجل ما قلتش ليه
ام اياد شايفه مستعجل ازاي يا عنود عمري ما شفته كده انتي عملتي فيه ايه 
نظرت عنود بحب
مفيش يا طنط احنا الاثنين لقينا بعض
فاطيما اتفضلوا يا جماعه العشا جاهز وعلى فكره عنود اللي عملته كله واياد يشهد 
اياد انا عن نفسي ما شفتش حاجه
عنود نعم باماره لما كنت ... 
وصمتت وخجلت من نفسها
يرضيكي كده يا طنط
تعالي يا حبيبتي سيبك منه اكيد اكلك حلو زيك 
جلست عنود بجانب اياد الذي كان كل لحظه يحاول ان يمسك يدها ووجهها من الخجل يزداد احمرار
مش ممكن يا طنط هو ده الاكل اللي كانت عنود بتعمله
اه حلو ولا بلاش تتجوز غير لما تتعلم
لا دي تتجوز بجداره ده طعمه حلو قوي لدرجه اني مش مصدق انها اللي عملته حاسس انه اتبدل 
عنود شكرا على ثقه حضرتك فيا هي دي تسلم ايدك انت حتى شفتني منقوعه في المطبخ من امبارح ما حدش ساعدني في معلقة 
بصراحه اه يا جماعه اشهد هي اللي عملت كل ده
والد اياد عارفه ليه الاكل طالع حلو قوي عشان عملتيه بحب اكيد بتحبي اياد قوي
قوي قوي يا اونكل
ثم انتبهت لما قالته فضحك الجميع عليها ووجهها ازداد احمرار فهمس اياد 
وانا كمان بحبك قوي 
بقلمي سحر السحرتي 
انقضى الوقت سريعا كان الجميع يضحك ويتسامر وانصرف الضيوف ما عدا اياد الذي جلس مع فاطيما وهشام ليتفقوا على ترتيبات الحفل 
هشام وهتعمل حفله ليه اكتبوا الكتاب وبعدين اعملوا الحفله على مهلكم عشان اقدر اكون وكيلها .... اصلا انا ما كنتش هقدر انزل بس باباها احرجني وقال لازم حد مننا يكون معاها وقريب قوي هيبقى موجود يمكن يلحق الفرح 
بجد يا خالو بابا هيجي 
ضربها بمزح فوق راسها
ايه خالو دي انا مش كبير انت هتستهبلي
اياد صحيح بجد ايه فرق السن ده 
فاطيما اصل بابا جاب بنتين وقال الحمد لله بس كان نفسه في ولد فضل يدعي ربنا واقول له انت كبرت يا بابا هتجيبه يعمل ايه دلوقتي قال لي هتاخدي بالك منه وانا متاكد ان ربنا هيراضيني وهيستجيب وفعلا ماما حملت وهي عندها حوالي 48 سنه بابا كان تقريبا 55 او يمكن اكبر مش فاكره بس كان مبسوط قوي وڈبح كثير والناس كانت مبسوطه لفرحته .... عشان كده هشام ابني مش اخويا اصل ماما كانت حامل معايا وانا حامل
في احمد ابني 
عنود وانا صغيره اقول لجدو لما هشام يغلس عليا انت جبته ليه يقول لي اصل كنت شقي ما فهمتش غير وانا كبيره وكان دائما يفتخر بيها قدام الناس واتش كان بيتكسف
ضحكوا جميعا ولكن امسكها هشام من اذنها
مش هتنسي بقى وتبطلي تذليني 
اياد طب همشي انا عشان نبدا بكره نجهز للحفله
هشام انت مصر 
اه عشان تقدر تحضر وتكون جنب عنود هي قالت لي انها بتحبك قوي
مش هوصيك عليها يا اياد
مش محتاجه وصايا ما فيش عندي اغلى منها تعالي بقى يا عنود وصليني
ما انت عارف الطريق
السلم ضلمه 
وغمز لها بعينه 
فاطيما قومي وصليه يا عنود عيب كده قولي حاضر على طول
حاضر يا ماما 
بقلمي سحر السحرتي 
وقف على السلم واحتضنها وقبلها قبله عاشق اخيرا التقى بمحبوبته بعد أن بحث عنها طوال عمره
خلاص ثلاث ايام يا حبيبتي وهتبقي على اسمي 
مش مصدقه بجد
بكره هستناك نشوف القاعه والفستان
ايه رايك نعمله هنا في الشارع زي فرح بنت ام جابر 
معلش مش هينفع لاني هعزم دكاتره اصحابي واهلي والعدد هيبقى كبير
وجد الحزن في عينيها قبل يدها
عارف ان العدد عندك قليل بس اهلي هما دلوقتي اهلك و اصحابك في الجامعه مش شويه اعزميهم كلهم واصحابك في الشارع هنا كمان كثير وبعدين انت عروسه افرحي بقى انت هتاخدي ارخم واحد في الجامعه
ابتسمت رغما عنها ما تقولش على نفسك كده 
ايوه ابتسامتك دي مش عايزها تختفي
قبلها على راسها وانصرف 
تم الاعداد لاحتفال كبير وتم دعوه جميع الناس المقربين من الطرفين 
الحفل كان جميلا وراقي كانت فاطيما تشعر بسعاده واطمئنان على عنود بعد العڈاب الذي تذوقته في سن صغيره فهي تعلم كم عانت صغيرتها واحتضنتها 
كانت عنود ترقص مع اياد على اغنيه هو انت مين لانغام و اسمتها اغنيتهم فقد