رواية العڈاب الممتع الفصل الثالث بقلم حازم الباشا

رواية العڈاب الممتع الحلقه الثالثه
كانت نهله فجأه كده انتفضت بفزع وجسمها كله بيترعش ووشها اتسحبت منه الډم لما سمعت جملة مراد وهو بيقول انه طلب لها الغدا من المطعم التركي اللي هي بتحبه !!!
لأن في اللحظه دي ...
نط في عقل نهله مشهد غريب جدا !!!
مشهد بيجمعها هي ومراد وهما قاعدين سوا في المطعم ده ومراد بيهزر معاها وبيحط لها الاكل يإيده في بوقها !!!
واختفى المشهد برغم ان نهله حاولت باستماته انها تفتكر اي تفاصيل تانيه جوا المشهد ده
مراد انفزع لما شاف منظر نهله اللي اتقلب فجأه وسألها وهو مخضوض 
مالك يا نجوى 
ايه اللي حصل 
وشك اتقلب كده ليه !!!
ردت نهله وهي مرتبكه 
هو انا وحضرتك 
رحنا المطعم ده قبل كده 
رد مراد وهو لسه مخضوض 
ايوه طبعا
رحناه كتير جدا 
بس ايه علاقه المطعم 
بوشك المخطۏف ده!!!
ردت نهله 
انا قصدي هل رحنا المطعم ده
انا وحضرتك بس
لوحدنا يعني 
رد مراد 
مش فاكر 
بس ممكن جدا 
يكون ده حصل 
وبرضوا انا مش فاهم
ايه علاقه ده بوشك اللي 
اتخطف كده فجأه
ارتبكت نهله واتكسفت تحكي موضوع المشهد اللي نط في دماغها لمراد
فقالت وهي بتحاول تبين انها بقت كويسه 
ما تقلقش يا مراد بيه 
انا بس اتضايقت 
اني مش فاكره اي حاجه 
عن موضوع المطعم ده
هدي مراد لما شاف نهله بدأت تهدا وقال  
طيب انا هاسيبك ترتاحي
وهاقفل الباب عشان 
تبقي براحتك
وما تخافيش
مش هادخل الا لما اخبط الاول
قال جملته وهو بيخرج من الاوضه وبيقفل الباب وراه
ء
فضلت نهله تفكر وعقلها هينفجر من كتر التفكير
هل فعلا المشهد اللي جه في دماغها ده حقيقي ولا مجرد تخاريف !!!
وازاي ممكن يكون ده حصل فعلا مع انها مش ممكن تسمح لنفسها تعمل كده وهي ست متجوزه وپتخاف ربنا !!!
مش بس كده دي مش بتطيق مراد بيه وبتقرف منه واستحاله تسيبه يأكلها في بوقها
فضلت راس نهله تلعب بيها لحد ما التعب اتمكن منها ونامت !!!
ء
وبعد ساعه تقريبا ...
صحيت نهله على صوت خبط الباب فاتعدلت بسرعه وردت 
اتفضل يا مراد بيه 
انا صحيت واتعدلت
حضرتك ممكن تدخل
فتح مراد الباب وهو شايل صينيه كبيره مليانه اطباق كباب وكفته وكل انواع السلطات
وحطها على طرف سرير نهله وهو مبتسم وبيقول 
يلا بقا بالف هنا
عاوزك تمسحي الاطباق
دي كلها 
واول ما تخلصي ناديني
ردت نهله وريقها بيجري على الاكل من جمال منظره وريحته اللي تجنن 
تسلم ايدك يا مراد بيه
بس هو انت مش هتاكل 
رد مراد 
انا سايب اكلي تحت 
هاكل في الجنينه
وقلت اسيبك تاكلي براحتك
ابتسمت نهله وشكرته واول ما طلع من الاوضه انقضت على الاكل لان دي كانت اول وجبه محترمه تدخل معدتها من يوم الحاډثه !!!
نهله للاسف نسيت ان معدتها ما اشتغلتش من فتره طويله فبمجرد ما خلصت اكل بطنها وجعتها
وراحت مرجعه كل الاكل لدرجه انها ڠرقت السرير وهدومها وبقى الوضع مقرف جدااااا
حاولت نهله