رواية المجنونه الفصل الاول والثاني والثالث

متعمليش كده بابا بيحبك بس مبيعرفش يعبر عن حبه متمشيش أرجوكي .. 
لين بهداوة بترجع شعر شمس ورا وذنها _ هو بيعرف يعبر عن حبه ليكي بس انت بنت طيبة غلطك الوحيد انه حبك أكثر مني يا شمس .. 
شمس بوهن _ لين .. 
لين مسكت حتة قطن حطت عليها مطهر و خلت شمس تمسكها بصوابعها و تحطها على مكان الچرح ضاغطة عليه _ فيكي إيه يخليه يحبك أكثر مني .. 
شمس بتحاول تسحب إيدها شايفاها زاي موجوعة _ خلاص الچرح واجعك أوي متعمليش كده .. 
لين _ مش انا كنت طفلة بريئة زيك اثنيناتنا بنات نفس المرا اللي حبها پجنون ليه مبيحبنيش زيك عملت إيه يخليه يكرهني إديني سبب واحد 
شمس زعقلت _ بس بقا .. 
سحبت شمس إيدها بهمجية بعدما شافت زاي هي مصرة تضغط على چروحها بټعذب نفسها في نفس اللحظة معاذ كان نازل شاف المشهد فهمه غلط ..
معاذ زعق لها _ انت بتزعقيلها ليه محدش طلب منك تعالجي چروحها و ملكيش حق ترفعي صوتك عليها .. 
مهاب بعصبية _ مترفعش صوتك على بنتي .. 
الضابط _ حضرتك اتفضل معانا .. 
طلعت بعدما خدها معاذ من وسطهم سايبه شمس وراها بټعيط و بتحاول تقنعهم مياخدوش أبوها و هي ماشيه معاه وقفت فنص الجنينة بتبص على بيت آخر مرة تشوفه معاذ طمنها خلاها تمشي معاه ..
عامر جاي من بعيد مش فاهم حاجة شايفها ماشية مع راجل غريب رفع المسډس في وشه _ انت واخدها و رايح على فين يا أستاذ .. 
لين لما شافت رجال معاذ رفعو مسدساتهم في وشه _ بابا ده عامر أخويا هو بس مستوعبس اللي بيحصل حتى التلفون اللي اتصلت عليك منه بتاعه .. 
عامر برق _ أبوكي مين .. 
لين همست في وذنه _ قلتلك بابا هيجي ياخدني و شكرا على التلفون لي عرفت آخده منك بحيلة بسيطة يا خسارة ذراع مهاب اليمين طلع بمنتهى الغباء .. 
عامر شد ذراعها و هي ماشية _ لين .. 
معاذ اعترض طرقه _ أخوها مفهموم بس متحاولش تتجاوز حدوك .. 
ركبت في عربية مشيت من قدامه بمنتهى البساطة مبقاش عارف يتصرف يعمل إيه و بمجرد ما اختفى البيت من قدامها رجعت لها الحياة خدت نفس طويل حضنت معاذ و شكرته على كل حاجة عملها ..
معاذ ابتسم _ في بنت تشكر أبوها معملتش حاجة غير إني رجعت بنتي لحضني .. 
لين زيما تكون مستنية إشارة منه بمجرد ما نطق اتفتحت في العياط و لأول مرة عياطها قدامه مكنش
مجرد تمثيل تكسب بيه تعاطفه _ بابا ..  
معاذ عايز يسيبها ټعيط على راحتها بس في نفس الوقت قلبه وجعه عليها _ الجاكيت تبل بدموعك .. 
لين بوزت _ فدايا مليون جاكيت مش كده .. 
معاذ ضحك شاورلها براسه و فضل يطبطب عليها اعتقادا منه إنها نامت نطق _ يا ليتني اجيت آخدتك من زمان حتى و انا عارف السبب ورا تصرفاته مش قادر أبرر له .. 
لين _ انت عارف السبب هو ليه مبيحبنيش ..
يتبع ..