رواية زاي اطفش عروسة بابا الفصل 48-49

زاي_اطفش_عروسة_بابا 
الفصل الثامن و الأربعون
غفران شهقت _ ممكن بقا عندك عمى سندوتشات حاجة كده شبه عمى الألوان .. 
جلال كاتم ضحكته _ عمى سندوتشات قلتيلي بس انا شايف حتة جبنة واقعة على بيجامتك هي جت منين اعترفي نت كلتيه صح .. 
غفران نفخت خدودها _ أوف يا عمو جلال بوظتلي مخططي انت بالذكاء ده ليه لو بابا كان صدق على طول خلاص يا غفران خسړتي .. 
جلال ضحك شالها قعدها على رجله _ عمر مش غبي هو بس بيتغابى عشان تفضلي مبسوطة كنت هعمل كده لولا الموضوع متعلق بصحتك .. 
غفران مطت شفايفها بزعل _ هتقول لبابا صح انا عملت كده عشان بابا يوافق على طلباتي .. 
جلال ضحك _ شقية يا غفران جننتي عمر و مجننانا معاكي بس مكنش ينفع تغملي كده قلقتينا عليكي أوي مشفتيش عمتو ليلى زعلانة زاي .. 
غفران بتلعب بصوابعها _ آسفة .. 
مستوعبش زاي طفلة قدرت تأثر عليه ببراءة عيونها خلته يمشي معاها تدور على أمها في الأوتيل اللي لمحتها آخر مرة بتدخل من بابه بس ملقتهاش ملهاش أثر راجعين إيدها فإيده و راسها في الارض زعلانة ..
جلال بيمسح على شعرها _ متزعليش يا روحي أوعدك هدور عليها و هلاقيها .. 
غفران بزعل _ أكيد بابا عارف هي فين .. 
جلال اتنهد _ عمر ممكن يكون عارف بس مش هيقول عنده أسبابه المفروض نحترمها بس أنا تجاوزت حدودي و جبتك اليوم تشوفي مامتك .. 
غفران مطت شفايفها _ فهمت المفروض بابا ياخدني أشوفها خلاص يا عمو ممكن تاخدني عند بابا هكون بنت شاطرة هسمع الكلمة عشان يوافق .. 
جلال ضحك _ شطورة العناد مع عمر مش هيجيب اي نتيجة تكسبيه ببراءة عيونك .. 
غفران بصت له _ كده .. 
جلال لف وشهه الناحية الثانية _ لا متأثريش عليا عمر هو الهدف مش انا خليني اوصلك بسرعة عند باباكي قبل ما تقنعيني أطير بيكي على القمر .. 
غفران ضحكت _ يلا طيرني لعند بابا .. 
طار بيها عند أبوها على الشركة و بمجرد ما خرجت من المصعد معاه جريت على مكتبه حاولت تفتح لقته مقفول استغربت قبل ما جلال يوصلها كانت جريت على مكتب جابر خبطت على بابه و دخلت على طول ..
جابر اتفاجا بوجودها _ غفران .. 
جلال اتنهد لحقها _ آسف يا جابر على الإزعاج جبتها تشوف ابوها بس ظاهر مش هنا .. 
جابر بيلعب في شعرها _ غفران تنورني فأي وقت بس عمر مش هنا سافر اليوم الصبح هيغيب أسبوعين ليه انتو معندكوش خبر ..