رواية زاي اطفش عروسة بابا الفصل 48-49
شالها ډخلها مكتبه قعدها على رجله _ مال بنتي بټعيط مين زعلها قولولي هقوم أضربه ..
غفران رفعت وشها من على صدره حطت كفها على وشه بصت له بعيونها المليانين دموع _ بابا .. انت وحش ..
عمر مش فاهم قصدها بس رمتله الكلمتين من غير تفسير لفت ذراعاتها حوالين رقبته و كملت عياطها _ محدش فيكو هيشرح لي في إيه ..
جلال _ هديها الاول يا عمر بقالها كثير بټعيط ..
عمر بيبوس راسها و كفوفها بحنية شد على حضنها جامد _ يا روح بابا وحشتيني كل مرة بتبعدي عني حياتي مبيبقاش عندها اي معنى ..
مستمر بالهمس في وذنها و مع طبطبته عليها اطمنت و نامت في حضنه بعدما فهم من جلال و جابر اللي حصل خدها و رجع على بيته ..
عمر نيمها على الكنبة عشان تفضل قريبة منه و بيلم في البيت اللي مقلوب _ العيشة مع بنتك تخليك تحاول تخلي البيت نظيف على طول اول ما غابت رجعت لحياة السنجلة مفيش في المطبخ طبق نظيف ..
بيلم الهدوم المرمية في كل حتة دخل المطبخ لمه غسل المواعين و دلوقتي بيطبخ الاكلات اللي بتحبها ..
عمر منسجم بيحرك الاكل ميتحرقش و منسجم بيغني لما سمع صوت ضحكتها جاي من ورا _ غفران ..
غفران _ بابا صوتك الۏحش فيقني من نومي ..
عمر شالها قعدها على الرخامة بيمثل انه زعلان _ هو صوتي وحش ..
غفران حطت فراغ صغير بين صوبعها _ شوية قد كده بس انت حلو بابا انا بحك اوي حتى لو زعلت مني متسبنيش بحبك أوي ..
عمر _ و انا بحبك مقدرتش اسيبك و أسافر معرفش عقلي كان فين لما فكرت انه بعدي عنك هو الحل مفيش اب بيزعل من بنته ..
غفران ببراءة _ لا في ..
عمر _ مين ..
غفران مطت شفايفها _ عمر ..
عمر بيبوس عيونها اللي حمر من كثر ما عيطت _ عمر ده اب وحش ..
غفران حضنته _ لا انت احلى بابا بس ممكن تستعجل تأكل غفرانك ..
خلاها عمر تلبس فستان بدل البيجامه لسا معرفتش السبب من بتساله مش راضي يجاوبها عملها شعرها و عبأ الاكل اللي طبخه في علب و لمها في الشنطة ..
غفران اتنططت _ بابا هناكل برا ..
عمر فضل يبصلها كثير اتردد ينطق _ مش كنت عايزه تشوفي مامتك هاخدك تشوفيها و ناكل مع بعض كنت هعملهالك مفاجأة بس ..
غفران بترقب _ بس ..
عمر اتنهد _ جمانة غلطت صح وممكن لو سامحنا اللي غلط في حقنا نديه فرصة ثانية و انت قررتي تديها فرصة الثانية مش همنعك بس انا ادتها فرص كثير و خسړت فرصها بالنسبالي يعني غفران أنا و جمانة مستحيل نكون عيلة ثاني مع بعض مستحيل نعيش سوى ..
غفران _ مبقتش بتحب ماما ..
يتبع ..
