رواية خدعتني بحبها الفصل الاول والثاني بقلم سلمى تامر
رواية خدعتني بحبها الفصل الاول والثاني بقلم سلمى تامر
البارت الاول
"قسماً بالله لنتقم منك يا سيف على اللي عملته فيا وانك تخوني قبل فرحنا بكام شهر "
قالتها حبيبة پبكاء وهي بتبص لصورة شاب بغل وكره
اتكلمت البنت اللي قاعدة قدامها بهدوء
_حبيبة مينفعش اللي بتعمليه ده..احنا لسه مش متأكدين ان هو خانك فعلا..يمكن البنت بتكدب
بصتلها حبيبة بصړاخ شديد
_لأ مبتكدبش يا منار..سيف فعلا خاني وانا كنت حاسه اصلا
_طب وناوية تعملي ايه بقا
فكرت شوية وابتسمت بشړ
_هتجوز كرم اللي بيشتغل مع بابا في الشركه..انا عارفه انه عينه مني واللي هو كمان اكتر حد سيف بيكرهه وبيغير منه رغم انه أقل منه بكتير
بس هي دي اللي هتوجعه وهتبقى ضاربة قاضيه ليه
منار بتردد
_طب مش حرام تلعبي بكرم وتستغليه يا حبيبة
حبيبة فكرت شويه لكن هزيت دماغها برفض واتكلمت بغرور
_لأ مش حرام..هو يطول اصلا يتجوز واحده زيي
وبعدين جوازنا مش هيطول..انا هتجوزه لفترة بس علشان اغيظ سيف
_انا مش معاكي في اللي بتعمليه على فكرة
_انا اختك والمفروض توافقيني على اي حاجه بعملها
_الا دي يا حبيبة..ده اسمه لعب عيال
_بقولك اي اطلعي من اوضتي وهتجوز كرم يعني هتجوزه
تاني يوم شاب وسيم كلن قاعد على مكتبه البسيط وبيشتغل بإندماج
لقى بنت وقفت قدام مكتبه وبتبصله بنظرات غامضة
قام وقف بسرعه وابتسم بفرحة
_انسة حبيبة!
اهلا بحضرتك نورتي مكتبي
حبيبة بإبتسامه مصطنعه
_شكرا ياكرم..انا كنت عايزة اكلمك في موضوع كده كنت عايزة افاتحك فيه من زمان
اتكلم بإستغراب
_موضوع ايه ده
_كرم بصراحه انا معجبه بيك وعارفه انك بتحبني..ايه رأيك نتجوز
يتبع...
البارت الثاني
_كرم بصراحه انا معجبه بيك وعارفه انك بتحبني..ايه رأيك نتجوز
كرم وقف يبصلها پصدمه وحس انه بيحلم
معقول بنت صاحب الشركة اللي بيشتغل فيها بتحبه هو!
البنت اللي وقع في حبها من اول نظرة و بيفضل يبصلها في السر وكل يوم حبها في قلبه بيزيد اعترفتله بإعجابها ليه النهارده!
حبيبة خاڤت من سكوته وخمنت انه رفض ف علشان كده اتكلمت بحزن مصطنع
_ايه ياكرم فيه ايه..مش موافق ولا ايه
حمحم واستعاد ثباته من تاني واتكلم بجدية
_انسة حبيبة انتِ فجأتيني بصراحه
مش فاهم يعني اعجبتي بيا امتى انتِ مش بتبصيلي حتى
رديت بكدب
_كرم انا عارفه انك مستغرب
بس صدقني انا اكتشفت اني معجبة بيك اوي وانك اكتر حد هينفع يكون شريك حياتي
_ايوه بس..بس احنا مختلفين تماماً..انا مستوايا مش زي مستواكي
ده غير ان حضرتك مخطوبة لسيف بيه ف مش فاهم عايزانا نتجوز ازاي
_انا اكتشفت اني مش بحب سيف..ومش شايفه غيرك
آخر جملة قالتها خليت قلبه دقاته تعلى وحس بفرحه كبيرة
معقول دعائه استجاب وطلعت بتحبه هو
