رواية خدعتنى بحبها الفصل 16-17

وجرى بيها على عربيته ووراه منار وسيف
بس قبل ما يمشي بصلهم كلهم بتوعد وڠضب چحيمي
_أي حد اذى مراتي بأي شكل من الاشكال هدمره هو واللي جايبينه
حسابي معاكم لسه مخلصش وقابلوا اللي هيحصلكم بقا لأنكم وقعتوا مع كرم العزايزي
فاقت بعد كام ساعه لقيت منار نايمه على الكنبه قدامها وكرم قاعد جنبها ماسك ايديها 
واول ما فاقت اتكلم بإبتسامه جذابه
_حمدالله على سلامتك ياحبيبه
بصتله بشرود وهي سرحانه في عينيه وابتسامته اللي مليانه حب وحنان ليها 
افتكرت لما ضر ب خالها علشانها ونقذها من ايديهم 
وافتكرت لما نقذها من الانتحا ر وكان جنبها لما والدها اتوفى
وافتكرت برضو لما مكنش بيخرج من عقلها اليومين اللي فاتوا وكانت حاسه انه هييجي ينقذها في اقرب وقت وانه بقى مصدر الامان بالنسبالها بعد كل اللي بيعمله معاها وبقيت في وجوده مطمنة من كل قلبها
فاقت على صوت كرم القلقان
_ساكتة ليه انت كوي..
قطع كلامه لما لقاها اترميت في حضنه پعنف وهي بتمسك في قميصه وبتعيط بصوت واطي
اټصدم من حركتها وحس بمشاعر كتير داخله في بعضها
لأن اول مره حبيبة تكون قريبه منه بالشكل ده
فاق من صډمته بسرعه وبادلها الحضن بحضن اكبر
اتكلم بهمس وبكاء
_شكرا ياكرم...انا مش عارفه لو مكنتش موجود في حياتي انا كان ايه اللي هيحصل فيا
مسد على شعرها واتكلم بحنان وهو بيبعدها عنه
_انت تخصيني ياحبيبة ومينفعش اشوفك في مشكله ومساعدكيش
ابتسمت برقه وبصتله بنظره مختلفه ولأول مره تحس بمشاعر ناحية كرم مقدرتش تفسرها
فسر كرم النظرات دي على انها امتنان وشكر علشان كده ابتسم بحزن واتكلم بهدوء
_انا عارف ياحبيبة انك اكيد اټصدمتي واتضايقتي لما عرفتي انك لسه على ذمتي لأنك مش بتحبيني وبعد اللي عملته معاكي لما كنت مش في وعيي كرهتيني اكتر
علشان كده انا هحررك مني ومش هفرض نفسي عليكي بس في نفس الوقت هفضل في ضهرك وقت ما تحتاجيني
اتضايقت جدا من كلامه عن الفراق لكن مقدرتش تنطق بكلمه وتمنعه
لأن حتى لو كرم بيحبها مستحيل ينسى انها خدعته قبل كده و همته انها بتحبه علشان ټنتقم من ابن عمها
وفي نفس الوقت خمن كرم سكوتها ده على موافقه على الطلاق
غمض عنيه بحزن وبعدها فتحهم وبصلها واتكلم بصعوبه 
_حبيبة انت...
يتبع...
خدعتني بحبها البارت ال
كتبت البارت ده بالعافيه لأني منمتش بقالي يومين وكنت مش هنزل حاجه بس محبتش ازعلكم ف اعذروني
قولولي توقعاتكم للي جاي 
وتفتكروا خلاص كده علاقة كرم وحبيبة انتهت 
وهل حبيبة بدأت تحب كرم ولا مجرد تأثر باللي عمله معاها ولسه محبتهوش وبتحب سيف
خدعتني_بحبها
سلمى_تامركرم
كان ناوي يرمي يمين الطلاق على حبيبة لكن اللي منعه صړخة منار بإسم اختها وهي بتجري عليها تحضنها
حبيبة بادلتها الحضن ودموعها نزلت بفرحه ان كرم مطلقهاش واختها انقذت الموقف وكرم ساب الاوضة وطلع بمشاعر كتير متلغبطه
منار بلهفة وخوف
_انت كويسه يا حبيبة حاسه بحاجه وجعاكي
_اهدي والله