رواية شمس تتحدى الغيوم الفصل السادس والاربعون بقلم عبير سليم
الفصل السادس والأربعون من رواية شمس تتحدى الغيوم
بقلمي عبير سليم
مفاجأة لم تتوقع سماعها وخاصة بعد مرور كل تلك السنوات كيف لها أن تصدق هذا الخبر وقد اخبرها الكثير من الأطباء بصعوبة حدوثه مرة أخرى لظروف مرضيه حدثت لها
حتى انها قد نست تماما حدوث مثل ذلك الأمر وقد ظنت أن ماتشعر به من أعراض قد يكون أعراض سن اليأس لا ليس إلا وخاصة أنها قد تعدت سن الاربعين منذ عامين فلم يأخذها التفكير سوى إلى ذلك ولكن أمر غير هذا فهو مستحيل بالنسبه لها
نائمه على الفراش يتفحصها الطبيب والاكثر من ذلك أنه يريها جنينها يتحرك أمام اعينها
مشاعر مختلطه تسيطر عليها لاتعلم اتفرح بهذا الخبر الذي انتظرت سماعه فترة من الزمن ثم سأمت الأمر ونسيته وخاصة فى فترة الجفاء التي عاشتها مع زوجها أم تقلق وخاصة بعد أن تعدت الأربعين ونسيت الأمر
بينما هو تكاد الفرحه أن توقف قلبه فكم تمنى أن يرزقه الله بمولود اخر يكون اخت او اخ لابنته الوحيده
الدكتور الحمد لله الجنين كويس والدنيا تمام وحضرتك لازم تخلي بالك من نفسك كويس
أشرقت دكتور بس الحمل فى السن ده مش خطړ علية وعالجنين
الدكتور سن ايه بس حضرتك اللي بتتكلمي عنه حضرتك فى عز شبابك وبعدين فى متابعه وفيتامينات وان شاء الله حيبقى كله تمام
عمار انا بجد مش مصدق معقوله ده الف حمد وشكر ليك يارب الف
أشرقت عمار انا خاېفه أوي
عمار مټخافيش ياحبيبتى انا عاوزك تفرحي حيكون عندنا اخ او اخت لماسه
أشرقت مجبتهاش ليه معانا ياعمار
عمار حبيبتي انتي كنتي تعبانه اوي ومش حاسه بالدنيا وهي كانت بټعيط وموتراني قلتلها تفضل قاعده بس هي اتصلت وطمنتها عليكي إنك بخير
أشرقت طب ياللا بينا انا عاوزة اشوف بنتي
عمار حاضر يا حبيبتي
بعد قليل يدخل عمار واشرقت فتجري ماسه عليهم وترتمي فى احضان امها وتبكي بشدهمامي انا اسفه اوي انا مكنتش اقصد اعلي صوتي انا اسفه والله متزعليش مني يامامي انا بحبك أوي انتي اغلى عندي من الدنيا كلها
أشرقت خلاص ياحبيبتى انتى نور عيني ياماسه معنديش اغلى منك ياحبيبتى
عمارممكن تستريحي بقى الله يخليكي
تعالي ياماسه عشان فى خبر حلو أوى حيفرحك
ماسه خبر إيه يابابي
عمار ان شاء الله حيجيلك اخ او اخت ياماسه
ماسه بفرحه ايه مش معقول مامي حضرتك حامل ثم ټحتضنها بشده ياحبيبتى يامامي انا كان نفسي اوى يكون عندى اخت او اخ
أشرقت فرحانه ياماسه
ماسه اوى أوى يامامي هيييه حيبقى عندي اخ ثغنون العب معاه
أشرقت والله انا على اد ماكنت خاېفه وقلقانه من الموضوع ده وحسيت برهبه اول ماسمعته على قد مافرحت لما شفتك انتي وبابي فرحانين ربنا يقدرني واحافظلكم عليه يارب
ماسه حضرتك قلقانه ليه يامامي
عمار بتقول كبرت والمفروض متحملش فى السن ده
ماسه ههههههههه حضرتك كبرتي ده حضرتك قمر يامامي ده انتي لما بتكوني معايا فى اى مكان محدش بيصدق انك مامتي والكل بيفتكر انك اختى او صاحبتي
أشرقت حبيبتي ياماسه ربنا يخليكي لية ياقلبي
ماسه ويخليكي لينا يامامتي ياقمر وتجيبلنا البيبي الصغير بألف سلامه
ماسه عمار بعد اذنك ممكن تسيبني مع ماسه شويه
عمار موافق بس بشرط مفيش انفعال او عصبيه اه انا مش مستغني عنك او عن ابني
أشرقت حاضر يا حبيبي متقلقش
يخرج عمار ليترك المجال للأم وابنتها ان يتحدثا سويا
أشرقت وهي تفتح ذراعيها لابنتهاتعالي ياقلبي فحضني
تستقر ماسه فى احضان امها لتشعر بالأمان الذي طالما احتواها ولم ينقصها شيئا
ماسه انا اسفه يامامي انا اسفه والله ماكنت اقصد اعلي صوتي عليكي
أشرقت ماسه انا حقولك كلمتين ياحبيبتي وعاوزاكي تسمعيهم كويس ممكن
ماسه حاضر يا مامي
أشرقت ماسه اللي لازم تفهميه اني انا وباباكي اكتر اتنين بنحبك فى الدنيا دي كلها ومش عاوزين غير اننا نشوفك أسعد واحده فى الدنيا ياحبيبتي
أنا عشت معاكي خطوة بخطوة من حياتك عمرك ماغيبتي عن عيني لحظه كنت بشوفك وانتى بتكبري ادام عينيه يوم ورا يوم لحد مابقيتي عروستي الحلوة اللي بتمناها تبقى أحسن واحده وأسعد واحده فى الدنيا كلها
وان ييجي اليوم اللي تختاري فيه الشخص الصح اللي تحبيه بس لازم يكون هو بيحبك واكتر مابتحبيه بكتير يلف وراكي بلاد وبلاد لحد ماينول حبك وقلبك
عارفه ليه عشان اللي بييجي بالرخيص بيروح بالرخيص أوى لكن اللي بنتعب لحد مانوصله بنحافظ عليه ونحاوطه برموش عينينا
اوعي تكوني فاكرة اني ضد انك تحبي ده منى عيني ان بنوتي الحلوة تكبر وتحب بس لازم يكون اختيارك للي حتحبيه يكون على اساس صح
ولا كمان ضد حسن بالعكس ربنا يعلم انى انا وباباكي بنحترمه وبنقدره جدا لكن مينفعش والله ماينفع ياقلبي
ده خاطب وانتي عارفه هو بيحبها اد ايه وخلاص كلها كام شهر ونلاقيه بيعزمنا عالفرح
ترضيها على نفسك ترضيها على كرامتك انك تحبي واحد عمره ماشافك ولا بصلك
ليه ياحبيبتي هو انتي قليله ده انتي ماسه عمار الكاشف اللي يتمنى كبار البلد ان اسمهم يرتبط باسمك
وانتي بنتي حبيبتى اللي ربتها عالقيم والمبادئ حبيبتى ده احنا كنا فامريكا وعمر ماكان ليكي بوي فريند ولاعمر حد حييجي ناحيتك غير لما يكون يحل ليكي ياحبيبتى
وانتي بنفسك قلتيلي انك بتحبي عاداتنا وتقاليدنا ومش ممكن تتخللي عنها ولا تعملي حاجه غلط ابدا
ماسه واناوعمري ماعملت حاجه غلط يامامي
أشرقت وهو فى غلط اكبر من انك ټخطفي واحد من خطيبته وتلفي عليه لحد مايسيبها وبجيلك
ضميرك حيسمحلك بحاجه زى دي ضميرك حيسمحلك انك تشتري سعادتك على چثث ناس تانيه ملهاش ذنب
وحتى لو افترضنا ان حسن باع ايمان واشتراكي تفتكري ده ممكن تديله الامان انه ميبعكيش انتي كمان بعد كده عشان غيرك ماهو اللي يبيع مرة يبيع كتير ياقلب مامى
والله صدقيني اللي انتي فيه ده مش حب حقيقي ده حب مراهقه مش اكتر
انا عارفه اني كنت قافله عليكي اوى ومديتكيش فرصه قبل كده انك تحبي او ان حد يقربلك بس كان من خۏفي عليكي والله
انتي عارفه انتي لو اديتي لنفسك فرصه بجد تفكري حتكتشفى انك مش بتحبيه انتي بس معجبه بيه وبشخصيته مش اكتر
فوقي ياحبيبتي فوقي من اللي انتي فيه خلصي دراستك وادي لنفسك الفرصه انك تختاري الشخص الصح
وحتلاقيه ان شاء الله حتلاقيه وبعد كده لما تفتكري حسن وييجي على بالك حتضحكي اوى وتقولي يااه ده انا كنت هبله أوى
ماسه انا فاهمه حضرتك والله يامامي بس انا بحبه ڠصب عني حبيته مش بأيدي انا عارفه انه بيعتبرنى زى اخته لكن انا شايفاه كل دنيتي
بس لاء يامامي انا مش وحشه اوى كده انا مش حاخده من حبيبته لاء انا مش حعمل كده ابدا انا حتمناله السعاده يامامي
انا مش حزعلك يامامي انا ححاول أبعد عنه على اد مااقدر بس خاېفه مقدرش
أشرقت لاء حتقدري ياماسه وانا مش حسيبك ابدا حتى لو اضطريت اني اخدك واروح بيكي اخر الدنيا
ماسه حبيبتي ربنا يخليكي لية يارب انا بحبك أوى
أشرقت وانا بمۏت فيكي يا نور عينيه
يمر يومان وقد استقرت الأوضاع والكل ينعم بحياته
يجلس الجميع وهم فى فرحه شديده لعودة عليا الى بيتها
هاله ياحبيبتي يالولوالبيت مكنش ليه طعم
