رواية زاي اطفش عروسة بابا الفصل 50-51

زاي_اطفش_عروسة_بابا 
الفصل الخمسون
عمر اتنهد _ جمانة غلطت صح و ممكن لو سامحنا اللي غلط في حقنا نديه فرصة ثانية و انت قررتي تديها فرصة الثانية مش همنعك بس انا ادتها فرص كثير و خسړت فرصها بالنسبالي يعني غفران أنا و جمانة مستحيل نكون عيلة ثاني مع بعض مستحيل نعيش سوى .. 
غفران بزعل _ مبقتش بتحب ماما .. 
عمر بص بعيد عنها بيدور لنفسه على مخرج من ورطة السؤال الحساس _ ممكن نقول إني زعلان منها أوي الاهم إنك بتحبيها فمش هحرمك من شوفتها .. 
غفران اتنططت _ انا بابا بيقول محدش بيزعل من حد إلا إذا كان بيحبه يعني لسا بتحب ماما 
محبش يزعلها و يعارض استنتاجها سابها على راحتها مع الوقت لما تكبر هتفهم عليه شالها بطلب منها و مشي بيها بحكم المكان مش بعيد لعند مامتها ..
غفران بتبص حوالينها بتستكشف بتلعب برجليها و كل شوية بتبص يمين و شمال مستنياها تجي _ بابا هو المكان الغريب ده مشفى صح ماما تعبانة .. 
عمر قعدها فحضنه _ صح هناكل و بعدها نمشي و متعنديش ماما محتاجة ترتاح .. 
قبل ما تأكد له انها هتسمع الكلمة طارت حضنت جمانة بمجرد ما شافتها جاية مع الممرضة اللي انسحبت بعيد بعدما شافت عمر و بنته ..
جمانة كانت عارفة انه عمر اجا يزورها محدش غيره عارف هي فين بس متوقعتش يجيب معاه غفران لا و تستقبلها بالاحضان شالتها _ غفران .. 
غفران _ ماما وحشتيني اوي .. 
جمانة اللي مكنتش طايقة تسمع اللقب من بنتها مؤخرا كانت ملهوفة تسمعه عيطت _ يا روح ماما .. 
غفران مسمحتلهاش تتأثر بسرعة خلتها تمسح دموعها شدتها و قعدتها على الكرسي _ ماما بصي هناكل سوى بابا عمل الاكل اللي بحبه .. 
جمانة ابتسمت الدموع في عيونها _ عمر شكرا عشان جبتلي بنتي أشوفها .. 
هز راسه كجواب و منطقش و اتاكدت انه جابها باصرار منها مش اقتناع منه و ليه كامل الحق ميقتنعش عمر بتفرج عليها بتاكل و بتأكل مامتها من إيدها شبعان لمجرد انه بيشوفها بتاكل و هي مبسوطة ..
عمر فجأة خد معلقة مليانة قربها من بق غفران و نبرته أقرب للعتاب _ غفران انا شايفك من الصبح بتاكل الرز و الفراخ بس و بتدي لمامتك لخضراوات .. 
غفران بطفولية _ هيهي كشفتني .. 
عمر كشړ و أكلها من المعلقة اللي في إيدها _ هزعل منك يا بابا ولا قلك هأكلك بإيدي .. 
بيأكلها و هي بدورها بتأكل جمانة بتفتح معاها حوارات فمواضيع طفولية بس لاول مرة بتحس انها مستمتعة