رواية المجنونه الفصل الحادي عشر

لين مبوزة _ ليه .. 
معاذ بحنية _ عشان الحاجات اللي المفروض اعلمهالك بنفسي في الحقيقة انا نفسي معرفهاش و مكنش عندي الشجاعة اعترف ببساطة زيك .. 
لين اټصدمت _ حتى انت مدرستش .. 
معاذ ضحك _ اه درست شوية بس للصراحة مش فاكر حاجة من اللي درسته كنت مشاغب و كسول معنديش حد بثق قيه أكثر من عدنان يعلمك .. 
عدنان بهداوة _ محدش بيلومك ولا يتريق عليكي لو هيبقى في عتب هيكون على عمي معرفش يكون اب كويس مش كده يا عمي .. 
معاذ _ صدقيني مكنش عندي حل غيره .. 
التمست الصدق في كلامه و وافقت على عدنان يعلمها بشرط هو هيدرسها هي و ابوها سوى معاذ اللي مفيش حد بيجبره يعمل اي حاجة بكلمة منها وافق يلعب دور التلميذ المجتهد عشان متزعلش
عدنان ماسك ضحكته من فكرة تدريس عمه عشان متفتكرش انه بيتريق عليها _ بصي يا لين ديه ورقة فيها كم سؤال بسيط جاوبي عليهم .. 
لين بتشاور عليه _ فين ورقة بابا اللي هيجاوب عليها .. 
عدنان طلع له ورقته و قعد يراقب تركيزها _ بتكتبي بإيدك الشمال يا لين .. 
لين هزت راسها بالموافقة و هي بتحاول تخبي ورقتها بعيد عن أبوها _ بطل تغش مني يا بابا .. 
معاذ ضحك _ قلتلك بابا كان مشاغب .. 
الربع ساعة خلصت و الاوراق اتسلمت و من ساعتها و هو صافن في ورقة لين كل شوية يرجع يبصلها بنظرات لسا مفهمتش سببها
عدنان _ عمي هو انت فقدت ذاكرتك و انت صغير مفيش ولا اجابة صحيحة .. 
معاذ ضحك _ هو انا يعني بتكلم من فراغ الموضوع ميؤوس منه .. 
عدنان بهداوة _ ممكن يا عمي أكلم لين على انفراد .. 
معاذ بصلها _ بس .. 
لين شاورت له و كرد فعل على موافقتها طلع و سابهم لوحدهم اتنهدت _ ممكن تختصر لو سمحت .. 
عدنان برفعة حاجب _
هو انت فاكراني غبي اي واحد بيشوف اجاباتك هيعرف انك بتحاولي تتغابي و بتحومي حوالين الاجابة الصح اللي انت عرفاها كويس .. 
لين بلعت ريقها _ تقصد إيه .. 
عدنان _ لين اللي بتكتب بالشمال المفروض تستلم القلم مني بإيدها الشمال مش اليمين كنت خاېفة جمال خطك بإيدك اليمين يكشفك فقررتي تكتبي بالشمال ..
لين _ انا همشي .. 
عدنان شدها من ذراعها _ كذبتي على عمي لما قلتيله انك يا دوب بتعرفي تقري و تكتبي
يتبع ..