رواية حبه لا ېموت الفصل الثالث عشر الأخير بقلم شفق احمد

بصت لاياد لانو كان رافض رجعها لي فلكس بسبب اللي كان بيعملوا فيها بس قرب من اختوا وقال
مفيش حد في الدنيا دي ممكن آمنوا عليكي غير فلكس ...عرفه ليه ...علشان ممكن يضحي بعمرو فداكي ...لأنك اغلى عندو من حياتوا ..وانا رأي ترجعيلوا 
فلكس بص ليا بابتسامه وهو منتظر ردي 
اتنهدت وقلت موفقة ارجع ب
لقيت فلكس نط قبل ما اكمل جملتي 
امي سألتوا علي فين
قال وهو بيجري اجيب المأذون 
وطلع من البيت 
ابتسمت عليه 
كنت هطير من الفرح ....بس فرحتي متجيش جنب فرحت فلكس 
اليوم ده روحت معاه وعده شهر وهو تعافي تماما وبقي بصحتوا ورجع يصلي وتقرب من ربو اكثر كان بيبكي وهو بيدعي ربنا يسامحو...كنت بروح عندو واقولو..ان الله غفور رحيم 
كان بجد ندمان علي اللي كان بيعملوا رجعت انا وفلكس علاقتنا زي الاول بس هو تعلقوا بيا زاد بشكل غريب 
وبالنسبة لامو لما راح وقالها ما انكرتش بالعكس اعترفت بدم بارد هو كان بيزيد حقدوا وكرهوا ليها مع اني حاولت أصلح كتير بس لا حياة لمن تنادي 
كان في واحد صاحب فلكس اسمو يوسف اللي ساعد فلكس يلاقي خشوع  
فلكس كان بيسعدوا يبطل لانو كان زيو في مره سألتوا اشمعلا ده 
رد وقال علشان انا اللي عرفتوا السكة دي ومش عايز أفضل شايل زنبوا وغير كده هو غالي عليا ومش عاوز اشوفوا في ضلالة ابدا 
بعد مرور شهرين من الأحداث دي خشوع عرفت انها حامل ولو تشوفوا فرحت فلكس لما عرف ورن علي صحابوا واحد واحد يقلهم كان فرحان وخاېف ومتوتر ومشاعر متلخبطة
كان طول التسع شهور مش بينام غير لما يكلم البيبي ويحكيلوا عن يوموا وكان بيكلموا انو مستنية يجي وبيعد الايام لحد ما يجي اتعلق بالبيبي قبل ما يجي للدنيا اصلا 
خشوع كانت بتقول يا بختوا هيجي ويلاقي الدلع كلوا 
فلكس كان بيضحك عليها 
عده ٨ شهور وخشوع كانت بتتعب كتير وفلكس جنب خشوع ثانيه ثانيه وكان لما يروح شغلوا يفضل يتصل عليها كل شويه يطمن كان خاېف عليها كان الشهر ده ضغط ليه 
وفي كان اعد مع خشوع صحبوا يوسف رن عليه انو عيزو في حوار مهم فلكس قام يلبس يرحلوا 
وقبل ما يمشي عمل زي كل مرة يمشي فيها باس راس خشوع وبعدها نزل عند بطنها وقال سلام يا ليل هجيلك بليل 
قلتلك مش هسميها ليلة 
تؤ مش ليلة...ليل ...ليل 
قصدك اني جهلة يا فلكس ومش عرفه انطق الاسم 
لا يا عيوني انا الجاهل بس هي ليل
لما نشوف وبعدين هي بنت زي فا انا هسميها 
فلكس ضحك بسبب نفس السيناريو بتاع كل يوم حرفيا بيحصل كل يوم 
انا همشي ولما اجي بليل هنتناقش
بعدت وشها عن نظرو وقالت مفيش نقاش 
لما ارجع سلام يا عيوني 
قال كده وهو بيبوسها ويمشي 
خشوع كانت بتعترض عندا فيه هي مش كرها الاسم بالعكس عجبها بس بتعند 
فلكس راح لصحبوا واكتشف انو كان عيزو يخرجوا مش اكتر 
كانو اعدين وبيضحكوا وفلكس اتكلم وقال 
يوسف !
فلكس !!!!
يوسف 
فلكس 
مش بهزر علي فكرة 
يعني انا اللي بقول نكت 
فلكس ابتسم علي كلام صحبوا بعدها قال
يوسف اوعدني تخلي بالك علي خشوع وبنتي 
ليه مسافر 
اه حاجه زي كده 
يوسف اومي براسو بالايجاب وسكتوا هما الاتنين 
وبعد نص ساعه فلكس قام يمشي وفعلا مشي يوسف فضل اعد وبعد ربع ساعة تقريبا اخد بالو ان فلكس نسي مفتيحوا 
يوسف رن علي فلكس يقولو رن مردش رن تاني وحد غريب رد عليه