رواية المجنونه الفصل لرابع عشر والخامس عشر

المچنونة
الفصل الرابع عشر والخامس عشر
لا خلاص كده كثير عمي عايز أقلك على حاجة .. خطڤ لها نظرة على أساس يستفزها و توقفه بس محصلش ..
مبتسمة بتبصله زيما تكون متحمسة يفشي سرها يعني معندهاش مانع يعرف بس هتستفيد إيه من كذبتها لو غايتها يعرفه حيرته و لففتله دماغه ..
معاذ مستغرب فيق ابن اخوه من سهوته بضړبة _ مالك في إيه .. 
عدنان بتوتر _ لا هو بصراحة .. مفيش .. 
معاذ مصر يسمع منه إجابة بس شغله الاتصال لي ورده _ الله أكبر إنا لله و إنا إليه راجعون الاعمار بيد لله متعيطيش مسافة الطريق و جاي .. 
عدنان بمجرد ما فصل الخط نطق بلهفة _ مين ماټ .. 
معاذ مسح على وشه _ بسمة اتصلت صالح خالي اتوفى الله يرحمه .. 
في رمشة عين لقت نفسها بتسلم على ناس متعرفهاش في مكان غريب أشبه بالضيعة متعرفش حد متعودتش على التجمعات و من جنب بسمة متحركتش ..
ربنا يرحمه عظم الله أجركم .. 
لين بترد على الست اللي بتسلم عليها اتلخبطت _ ربنا يبارك فيكي .. ااه .. 
الحمد لله من صوت العياط محدش سمع ردودها اللي تشل حست بنفسها مضغوطة مرتاحتش في القعدة و في اقرب فرصة هربت عايره تتنفس .
لين ماشية في نص الطريق فجأة إيد اتحطت على كتفها لفت مخضۏضة _ عدنان لو جاي تسال نفس الأسئلة الغبية مليش مزاج .. 
عدنان _ مش عديم ذوق و احساس للدرجادي مش عمي قلك خليكي جوا طلعتي ليه .. 
لين بوزت _ لو مكنتش طلعت كنت هجيب العيد ست بقالها ربع ساعة جوا بتدعيله بالرحمة قلتلها عقبالك الحتة المسؤولة عن الردود عندي فيها خلل .. 
عدنان _ واضح مش متعودة على التجمعات بس المفروض تتعودي عيلتنا كبيرة هو انا ليه حاسس انك مش طايقة وجودي جنبك .. 
لين _ محصلش بس إجيت و تطفلت على دقايق الهدوء اللي كنت مبسوطة بيها .. 
عدنان دايق و مبينش _ الحق عليا شفتك طالعة لوحدك ولا عارفه الطريق ديه بتودي لفين ولا بتجيب منين لحقتك آخد بالي منك .. 
لين لسا هترد عليه لمحت من بعيد واحدة جاية عليهم بسرعة اتخبت ورا الشجر بتشاور لعدنان بحركات بتضحك _ متدلهاش عن مكاني .. 
لو سمحت مشفتش بنت لابسة عباية مرت من هنا .. 
عدنان بيبص بطرف عينه للمستخبية عامل فيها بيفكر _ هي لابسة عباية سودة .. 
ايوه لابسة عباية سودة .. 
عدنان بيحدد لها بإيده طول معين _ تقريبا بالطول ده يعتبر قصيره ..