رواية المجنونه الفصل لرابع عشر والخامس عشر

مبرقين بصو لبعض ..
لين اتنططت شدته من شعره متعصبة سابته على طول بعدما صوت _ قلقلك متزودش حاجة .. 
عدنان بيلومها انها السبب و من عصبيته كب باقي العبوة من الملح في الطنجرة _ ارتحتي دلوقتي يلا اتصرفي انا ماشي و اوع تتحرق منك .. 
لين شبطت في ذراعه _ رايح فين و سايبلي مصېبة .. 
عدنان ماشي سايبها ولا سامع ندهاتها عليه بس في ثانية إلا ثانية كان واقف جنبها ملهوف لما سمع أنينها _ مالك وريني مال عينك .. 
لين بتفرك عينها جامد حمرة زي الډم و هي بتهوي عليها_ في حاجة دخلت في عيني معرفش يمكن الملح اللي رشيته واجعاني أوي .. 
عدنان قلقان عليها _ طيب وريني .. 
عرفت تلعب بنبرة صوتها كويس خلته يقلق زيادة اقنعته بحاجتها تروح الحام تغسل وشها و تطمن على عينها في المراية دقايق و بيقلب الاكل بدالها مستنيها ترجع اتأخرت فجأة بص للحلة مبرق
عدنان اجته لحظة إدراك استوعب انها ضحكت عليه شد شعره لورا _ يا بنت عمي .. 
فين بعيدة عن عيون الناس بقالها كثير قاعدة بتشمت في عدنان في مخيلتها بتضحك على ردة فعله لما يستوعب لقته قعد جنبها
عدنان بغيظ _ مسمعش صوت نفسك مضمنش هعملك فيكي ايه بس اصبري عليا .. 
لين ضحكت _ ما دام مش عايز تسمع صوت نفسي جاي تقعد جنبي ليه بس خلصت من مصيبتك بسرعة توقعت تفضل لازق في الحلة وقت زيادة .. 
عدنان _ اتصلت بابوكي يحل المصېبة اللي بنته عملتها سبته و هربت بس إنت إيه اللي مقعدك في الجو البرد ده برا و ابوكي هيقلق .. 
لين حاطة ذقنها على ركبها المضمومين لحضنها _ مبرتحش في اماكن فيها ناس كثير مبعرفش اتصرف في مواقف المواسات مبعرفش .. 
عدنان مستغرب _ متعرفيش تواسيهم زاي يعني .. 
لين ابتسمت ابتسامة مليانة زعل _ يمكن لانه محدش واسى زعلي فمتعودتش على المواساة .. 
عدنان مش مستغرب من اللي بتقوله قد استغرب إنها بتشاركه احاسيسها و هي يادوب بتعرفه _ عمي معاذ مبيواسيش زعلك هو ديما معاكي .. 
لين مطت شفايفها _ بابا معاذ يعتبر بقيت بنته من كم اسبوع بس بندهله بابا بس مش قادرة اوثق فيه مش قادر اسلمه نفسي خاېفة .. 
عدنان _ من إيه .. 
لين بصت في عينه لفترة طويلة _ يسيبني .. ميحبنيش .. 
عدنان بهداوة _ متفهم سبب خۏفك بس متأكد انه عمي معاذ بيحبك معرفش كنتي فين السنوات ديه كلها بس اللي متأكد منه مكنش عارف بوجود