سكريبت العوضي بعد الابتلاء بقلم رحيق عمران

اتخطبت البنت اللي ملت عيني وحياتي ومبقتش اشوف غيرها عيني اتملت بيها وبس طبعا ظهر صاحبي ظهور مفاجئ وقالي بكل احراج أنا جاي عشان اسدد اللي عليا خد دول عشرين ألف عقبال لما اجهز الباقي سكت شويه وقالي بابتسامه ندمانه وحزن الف مبروك يا ادهم انا عارف ان أنا قصرت معاك وسبتك في ظروف مينفعش تكون لوحدك فيها أنا لو قولتلك اللي حصل عمرك ما هتصدقني بص يا عمر انا اختي من ساعت ما سبتك وهي مبقتش عايزه غيرك يمكن عشان كانت طايشه وقتها بس دلوقتي عقلت وبقت متقبله الأمر أنها عايزاك ريهام اتقرصت وعرفت غلطتها ودلوقتي نفسها ترجعلك لو انت لسه بتحبها أو لسه بتحن فكر وقولي أنا مش هلاقي عريس احسن منك ونفسي تسامحني بجد ابتسمت بشفقه عليهم وقولت أنا مسامحك عادي انت معملتش حاجه غلط انت بينت بس انك مش صاحبي ولا اعرفك غير بالاسم فا مش هلوم عليك يا بشمهندس واختك علاقتي بيها انتهت من زمان من اول لما اختارت أنها تبعد وانا احترمت رغبتها وبعدت ودلوقتي في حياتي واحده وبحبها جدا كمان مقدرش اسيبها الصراحه ولو علي الفلوس فا مش عاوز اعتبرهم لي الله وانا ساعدتك زي اى حد محتاج مساعده قولت الكلام ده وانا كنت حاسس بانتصار اني خدت حقي وحق ايامي اللي اتقهرت فيها عشانهم خدت تمن كس رتي و واوجعاي وكرامتي وقيمتي اللي ادسوا في الأرض عشان كنت محتاج وقفتهم جنبي دلوقتي هما اللي محتاجني وكما تدين تدان لما سمع كلامي سابني ومشي ودلوقتي مبسوط اوي عشان ربنا خدلي حقي وعوضني باجمل عوض وهي نسمه والحمد لله بردو ربنا كملي علي خير وكتبت كتابي وكنت فخور اوي بيها وهي عنيها بتكلمني بدل لسانها وملامحها جميله ورقيقه وصوتها بيدوب في قلبي وقالتلي تعرف يا ادهم انا لما شوفتك اول مره وانا قلبي انشغل بيك وكنت بسرح في خيالي انك تكون بتاعي والحمدلله بقيت زوجتك ورفيقه الدرب وارافقك في السراء والضراء وموافقه علي طاعتك و والله لاكون في عونك وعمري ما هخيب ظنك يا احلي ما اعطاني الله عز وجل بحبك يا ادهم اول لما قالت الكلام ده اللي رعش قلبي وكنت باصص عليها بحب بقلبي مش بعيني وقولتلها برقه وحنيه ممكن تساعديني افرحك زي ما فرحتيني بصت باستغراب وقالت هتعمل اى شديت اديها وجذبتها ناحيتي وقعدتها علي حجري وقولتلها ببراءة وحب هتشوفي وبعدين لفيت بالكرسي المتحرك وكنت طاير بيها من الفرحه وكنت مستمتع بصوت ضحكتها و وسامتها وقولتلها بصوت عالي قدام الناس وفعلا مش قايل من بوقي قايل من قلبي وفرحتي بيها وقولت وانا بلف بيها بحبككك يا وردتي وبشهد يا قره عيني
قدام الناس دي وقدام ربنا اني عمري ما هلاقي زيك ولا في اخلاقك ومش هخلف بوعدي ليكي وهصونك واحميكي واقدرك اوعي تنسي أن حبي عمره ما هيخلص وهفضل احبك اكتر و تسلم الايادي اللي ربيتك صوت ضحكتنا عليت وتصفير من كل جهة وتسقيف بتشجعنا علي حبنا واليوم ده كان افضل يوم عدي عليا في حياتي ودايما العوض حلو اوي بعد الابتلاء عوض ربنا اجمل 
العوض_بعد_الابتلاء
الكاتبه_رحيق_عمران