رواية المجنونه الفصل 18

المچنونة
الفصل الثامن عشر
پيخوفو للدرجادي وحشين ولا مرة تجرأت أبصلهم فالمراية بس بلمسة إيدي عارفة شكلهم يقرف .. 
بسرعة حطت صباعها على بق لين مسمحتلهاش تتمادى بصت في عيونها بس من غير التعب ملقتش حاجة لا زعل ولا دموع يعني متقبلة الوضع اللي هي فيه و مبقاش فارق معاها ..
مريم تلقائيا من غير تفكير حطت إيدها على الچروح سحبت إيدها لما حست برجفتها نطقت بلهفة _ اسفة بيوجعوكي 
لين همست _ في قلبي ايوه .. 
الإجابة لي مريم متوقعتهاش زعزعت قلبها لدرجة ماسكه دموعها بالعافية ..
لين ضحكت بس بصوت واطي مليان تعب _ متعيطيش بهزر معاكي .. 
مريم مسحت دمعها ضړبتها على قفاها مبوزة _ زي الكورة بنتك بتلعب بمشاعري يا معاذ .. 
لين بصوت ضعيف _ اه .. يا ظالمة بتستقوي عليا و انا تعبانة بابا تعالى خدلي حقي منها .. 
الحمام جهز دخلتها تساعدها تاخد شاور لبستها هدومها و حتى شعرها سرحتهولها على صوت قصص بتحكيها لها عن أبوها و هي بتتفاعل معاها ..
لين شاوت بإيدها لمريم تقرب بعدما كانت ناوية تطلع تطبخلها حاجة تاكلها و من غير مقدمات باستها على خدها و خبت وشها تحت الغطا _ شكرا .. 
مريم ابسمت _ بنت معاذ هي بنتي متنسيش .. 
بعد ساعة من القعدة لوحدها زهقت شدت الغطا ناوية تقوم لولا انه الباب ندق سمحت لاللي بيخبط يفوت مكنش حد غير أبوها 
معاذ حط الصينية من إيده على عجل رجعها تتسند _ بتعملي إيه .. قايمة و رايحة على فين .. 
لين نفخت خدودها _ زهقت من القعدة .. 
معاذ بعتاب _ مش هينفع تقومي حتى لو زهقانة من القعدة الدكتور وصاني على راحتك دلوقتي افتحي بقك لملعقة الشوربه ديه .. 
لين اعترضت _ هعرف آكل لوحدي .. 
معاذ ابتسم _ عارف بس حابب أكلك الشوربة اللي عملتهالك بإيدي أظن مفيش مانع .. 
لين خلته يأكلها بإيده و من لذة الشوبة كلتها كلها و بعدما مسح بقها بمنديل _ في إيه .. 
معاذ كان بقاله فتره باصص فوشها زي ما يكون مستني حاجة تحصل مستحي و بيهرش في لحيته _ منسيتيش حاجة مش جبتلك شوربة طابخها بإيدي .. 
لين استغربت _ شكرا .. 
معاذ الزعل بين على وشه _ شكرا حاف خلاص مفيش حاجة كده غيره .. 
لين _ حاجة زي إيه .. 
معاذ حط إيده على خده _ حاجة زي اللي مريم خدتها .. 
لين فهمت عليه بس قعدت تتغابى _ مريم خدت إيه ممكن تديك اللي هي خدته