رواية زاي اطفش عروسة بابا الفصل 53

عمر بتشكيك متأكدة 
غفران ببراءة ايوة 
زرعت الشك في عقله زي ما كانت عاوزة قاعد مش مرتاح بيفكر لو جوازته ديه صح و اذا بنته هتقدر تتعايش مع سمرا في نفس البيت هي مش طايقاها لسا عندها امل يرجع جمانة تعيش معاهم
غفران هزت ايد ابوها شاورت على الممرضة بقالها كثير بتكلمه مش واخد باله بابا 
عمر بتبيك اسف كنت بتقولي ايه 
الممرضة مرات حضرتك كويسة و مفيش داعي للقلق ممكن تطلع من دلوقتي 
من ساعتها و غفران مكشرة حتى يعدما وصلو سمرا على بيتها و رجعو على البيت 
عمر بيلعب في خدودها مال بنتي مبوزة 
غفران بتقلد الممرضة مرات حضرتك كويسة مش مراتك و انت مكلفتش نفسك تصلح لها الغلطة 
عمر ضحك بنتي بتغير عليا يا ناس ما هي هتبقى مراتي بعد كم اسبوع 
غفران برقت لحظة انت و هي هتنامو في نفس الاوضة مع بعض زي عمتو ليلى و عمو جلال 
عمر متلبك طبعا المتجوزين بينامو في نفس الاوضة 
غفران سبلت عيونها يعني مش هنام جنبك على السرير 
عمر ضحك هنيمك في النص معانا يرضيكي 
غفران انا ممكن ادي اوضتي لخالتو بكده هفضل على طول انام جنبك من غير ما اضايقها 
عمر اطلعي يا غيورة البسي بيجامتك و تعالي ناكل 
غفران غمزت له انت بتاع غفران يا حلو 
جهز الأكل على السفرة نده عليها بعدما اتأخرت عليه و هو قاعد مستنيها اجت و شاورت على زراير البيجامة المفتوحة مقدرتش تقفلها 
عمر بيقفلهالها مستغرب بس انت ديما كنت بتعرقي تقفلي زراير هدومك ايه اللي حصل بتدللي على بابا 
غفران ضحكت من دغدغته لبطنها بابا مجبناش الفستان اللي هحضر بيه حفلة المدرسة 
عمر بكرا هطلع اجيب لبنتي احلى فستان 
غفران بتلعب برجليها وعدتني هتاخدني اشوف ماما 
عمر الوقت اتأخر مش هيسمحولنا ندخل نشوفها بكره لما اخدك نشتري الفستان نروح نشوفها بالمرة توريهالها غفران كلي بإيدك اليمين 
غفران مطت شفايفها حاضر 
أكلت كم لقمة بإيدها بعدين قامت و قعدت في حضنه خلته يأكلها بإيده نامت بين ايديه من كثر التعب و طلعها نيمها على سريره فضل صاحي شوية يكمل شغله بعدها راح في النوم و مصحاش حتى على صوتها بتفيقه في
نص ليل 
بابا 
هممم 
مصحاش على صوتها بس بعد كم دقيقة صحي على صوت حاجة بتتكسر و قام مخضوض بيدور عليها جنبه 
يتبع