رواية زاي اطفش عروسة بابا الفصل 56
طلعتلها فوق خدتها في حضنها تتفقد حرارتها و بعدما بعثث عمر يجيب ميه و فوطة همست جنب وذن بنتها ..
كاشفتك انا افتحي عينيكي نسيتي اني ممرضة ..
غفران فتحت عين و قافلة عين مطت شفايفها ..
عملت كده بس عشان تنامي جنبي انت وحشتيني أوي بس هو مكنش هيرضي غير بالطريقة ديه وعديني متقوليلهوش اني مثلت التعب هيزعل مني ..
بصرامة ردت ..
اخر مره لو عملتي التصرف ده ثاني مش هكلمك بعدها مواضيع زي ديه مفيهاش هزار مفهوم ..
اسفة ..
اقنعتها انها تنزل تهدي عمر شوية و هترجعلها لقته فالمطبخ مش عارف يروح فين تايه ..
عمر اول ما لمحها اجت على المطبخ ..
ليه سبتيها لوحدها ولا قلك خلاص اعمليلها انت اللازم هطلع أقعد انا جنبها ..
جمانة وقفته ..
عمر ممكن تهدى شوية غفران مفيهاش حاجة شفتها من شوية كانت كويسة قالتلي مقلكش
هقلك عشان متفضلش قلقان هي مثلت التعب عشان تجبرك تخليها تنام جنبي ..
بس حرراتها ..
قاطعته ..
انت عارفها شقية حاجة زي ديه مش هتصعب عليها ..
عمر مسح على وشه ..
هتوقفلي قلبي ..
جمانة مدت له كباية مية ..
اشرب وشك بقا اصفر اهدى ..
اقنعته بصعوبة يتفهم رغبتها و ميعرفهاش انه عرف الحقيقة و إلا هتزعل منها و ساب جمانة تنام معاها فنفس الاوضة و طلع ينام فاوضة ثانية بس مقدرش يغمض عينه ..
و الصبح هو أصر ياخدها عند ليلى و هو رايح الشغل زي كل يوم فأجازتها هي مصرة تظل مع جمانة فالبيت آخر ما زهق انه يقنعها راح متصل بليلى تجيله البيت و مرحش على شغله إلا لما تاكد من وصولها ..
جمانة عملت شاي ليها و ليلى و قعدت جنبها ..
ليلى اسفة لانك اضطريتي تجي المسافة لغاية هنا بس غفران كانت مصرة تبقى و عمر لسا مش قادر يثق فيا و طبعا ده حقه بتمنى بس ارجع اكسب ثقته ..
انا عمري ما فهمت سبب كرهك لبنتك و لا السبب اللي خلاكي تسبيها بس المهم انك رجعتي بتمنى تكوني ندمتي و بجد غفران و سعادتها بيهموكي ..
ديه روحي ..
ابتسمت ..
اوعك تسيبيها تاني ..
مستحيل امشي تاني ..
غفران اجت بتشدهم من إيديهم ..
ماما عمتو هتفضلو ترغو هنا كثير تعالو العبو معايا ولا قلكو ممكن تعملولي كيكة ينفع ..
جمانة بتفعص خدودها و تبوسها ..
ينفع اوي هعمل لبنتي احلى كيكة ..
و هما بيدورو ع مكونات الكيكة فالمطبخ ملقوش المكونات كاملة و هي زعلت مكنش من ليلى غير تقترح انها تطلع تجيبها بسرعة و ترجع اترددت الاول بس راحت ..
و بعد عشر دقايق جرس الباب رن و اعتقادا منها انها ليلى راحت تفتح الباب بس اتفاجأة بوجود سمية و سمية اتفاجأت بوجودها
سمية زعقت و من غير
ما ..
انت بتعملي ايه فبيت ابني انت مبتستحيش اطلعي برا البيت مش عايزه المح وشك ..
شدتها ناوية ترميها برا غفران اجت على صوت الزعيق مسكت فيها ..
غفران ..
لا ماما مش هتمشي بابا سمحلها تبقى ..
بتشدها تبعدها عن جمانة و مصرة ترميها برا البيت بس غفران مرضيتش تسيبها آخر ما سمية زهقت اتعصبت من تمسكها بأمها و رمتها معاها لبرا قفلت فوشهم الباب ..
في لحضة ڠضب مكنتش عارفه بتعمل ايه ..
مش عايزة مامتك يلا روحي معاها سيبو ابني فحاله ..
جمانة بتمسح دموع غفران ..
غفران متعيطيش ماما معاكي مټخافيش خلينا نمشي يلا عند بابا ..
ليلى رجعت بعدها بكم دقيقة تصدمت من وجود امها بتفتح لها باب البيت دخلت بقت تدور حوالينها ..
هما فين ..
توترت ..
معرفش ..
يتبع ..
