رواية الحب الذى يعذب صاحبه الفصل 11 الكـاتبه نـدي حبيـب

فتره من هيبرة الرقص اللي حصلت 
محمود اخد ميار وراحو يرتاحو في الكوشه وكل اللي كانو علي المسرح قعدو الطرابيزات المخصصه للمعازيم 
رقيه قاعده في كرسي في وش يحيي وھتموت من كوكب اللي قاعده في الكرسي اللي جنب يحيي علي قد ما تقدر حاولت انها تسيطر علي اعصابها لكن مقدرتش وقامت 
رقيه زهي واقفه ورا الكرسي بتاع كوكب كوكب معلش ممكن نبدل الاماكن عايزه اقعد جنب خطيبي وضغطت علي كلمة خطيبي 
كوكب قامت وقفت وابتسمت اكيد اتفضلي وبدلو الاماكن الموقف كان قدام العيله كلها 
كريم ببتسامه خبيثه ل يحيي الله يقويك يا يحيي يا اخويا الزوجه المستقبليه بتاعتك 
شيماء ببتسامه لاء يا كريم ملكش حق تقول كدا دا رقيه الرقه والحنيه كلها وبصت ل يحيي دا ربنا كرمك ان رقيه طلعت من نصيبك يا يحيي
يسرا ابتسمت وهي بصلهم الاتنين والله يا ام ايوب انا من يوم ما شوفت رقيه قولت ذوقك يا يحيي يا ابني
رقيه مبتسمه اوي ومكسوفه من كلامهم بعدين بصت ل يحيي وقالت بهمس حط ايدك جنب ايدي علشان نتصور يا يحيي
يحيي استغرب وبصلها احط ايدي ازاي انا ملبستش دبله لسه
رقيه بصت علي ايده وفعلا مكنش فيها دبله بصتله بنظره هو مفهيمهاش ورلعت ايدها وبصت قدامها وسكتت 
نيرا قامت وقفت وبصت ل رقيه روكا تيجي معايا الحمام اعدل مكياجي
الشيخ علي بص ل نيرا بصرامه اقعدي يا نيرا مكياج ايه اللي تعدليه عيب
نيرا قعدت مكانها بغيظ ورقيه قاعه مدت بوزها مترين ويحيي هيتجنن ويعرف مالها 
يحيي خبطه برجله ف رجلها ف بصتله فقال بهمس متلك بوزتي ليه
رقيه فضلت بصاله شويه وهي ساكته بعدين بصت قدامها بصمت جنن يحيي 
يحيي قام وقف وبصلها پغضب مخفي بعتذر منك يا شيخنا عايز رقيه في كلمتين لوحدنا لو تسمحلي
الشيخ علي ابتسم بهدوء متبعدوش عن القاعه يا يحيي
يحيي بص ليها برفع حاجب لما فضلت قاعده مربعه ايدها بلامبالاه لطلبه فقال پغضب مخفي لو مش هنتعبك يعني يا انسه رقيه ممكن تقومي معايا
رقيه وقفت ببرود وراحت مشيت قدامه تحت نظراته الناريه وقالت مش فاهمه ما كنت تقول اللي انت عايزه واحنا قاعدين ليه قومتني
يحيي عدل بدلته ومشي جنبه وهو مبتسم لكل اللي بيقابله وقال بصوت يوصلها وهو بيضغط علي سنانه حالا هرد علي كل اسئلتك بس الاقي مكان هادي بس فضل يدور بعينه علي جنب هادي ملقاش حل غير انهم يخرجو برا القاعه تعالي ورايا هنخرج برا القاعه
رقيه وقفت وبصتله بتردد جدي قالك منبعدش عن القاعه هتخالف كلامه
يحيي بصلها بستغراب جدك قال منبعدش وانا فعلا مش هبعد بس هنتكلم في مكان هادي امشي تعالي وفعلا خرجو الاتنين برا القاعه كان الجو اهدي شويه 
رقيه بصتله شويه استنيته يتكلم لكنه حاطط ايده في جيبه وباصص لطريق وساكت فقالت بضيق اكيد مش مخرجني تفرجني علي شكل الاسفلت
يحيي بصلها وهنا اخد باله من فرق الطول بينهم وقال بتساؤل ليه اضايقتي جوا لما قولتي نتصور وانا قولت مفيش في ايدي دبله علشان نتصور
رقيه اضايقت تاني وربعت ايدها وليه مفيش في ايدك دبله اللي اعرفه لما بتروح تشتري دبلة دهب صاحب محل الصاغه بيديك دبله فضه للعريس هديه
يحيي قال بصدق اولا انا مجاش في بالي موضوع الدبله دي ومكنتش عارف انه هيضايقك ثانيا صاحب محل الصاغه مدنيش دبله فضه
رقيه اتنهدت وقالت بتملك يحيي انت خطيبي
يحيي