رواية دكتورتى الجميلة الفصل الخامس 5بقلم رنا تامر

بتبصولي كده ليه.
طارق بسخريه احنا بنعتذر لسيادتك يا حازم بيه قطعنا تفكيرك الفظيع.
حازم نظر الي اخيه الذي كان يضحك بداخله ومن ثم نظر الي والده وتحدث بعدم فهم هو انا عملت حاجه يا بابا.
طارق بإبتسامة مزيفه لأ يا قلب ابوك هو انت بتعمل حاجه.. ده انت ملاك يا حبيبي.. ثم اكمل بتساؤل.. قولي بقى يا حازم ايه اللي مبوظ خلقتك بالشكل ده.
حازم بتوتر احم احم.. مفيش كنت بهزر مع صاحبي امبارح في الجامعه.
طارق بهدوء ما قبل العاصفه امممم قولتلي بتهزر.. ثم اكمل بتساؤل.. ومروحتش الجامعه ليه بقي انهارده..بتهزر بردوا.
حازم بتعب مصتنع لأ بس حاسس اني تعبان شويه.
طارق بسخريه لأ الف سلامه عليك.. اهم حاجه صحتك يا اخويا.. متشتلش هم الجامعه خالص.. ارتاح زي ما انت عاوز.. ثم اكمل پحده.. بس لما تسقط السنادي مترجعش ټعيط لأمك وتخليها تيجي تتكلم معايا اني ادفعلك فلوس الملاحق عشان تعدي السنه.
قام طارق من على مائدة الافطار وذهب الي عمله وسوزان نظرت الي ابنائها وتحدثت پحده يارب تكونوا مرتاحين بعد اللي عملتوا ده. 
في الجامعه..
كان يقف ينتظره بفارغ الصبر.
هشام بسخريه اهلا بالبيه اللي عامل صاحبي.
انور بإستغراب فيه ايه يا هشام.
هشام اعطاه لكمه قويه علي وجهه وامسك ب لياقة قميصه وتحدث پحده رايح لاختي النادي انت واللي اسمه شريف وكنت عايز تعرض عليها عليها عرض وتقولي في ايه.
انور ازاح يد هشام بقوه وتحدث پحده ااه عملت كده بس سالت نفسك انا عملت كده ليه.. عشان انقذ اختك يا اهبل.
هشام بعدم فهم قصدك ايه وتنقذها من ايه.
انور هدأ وتحدث بجديه تعالي يا هشام نقعد وانا هفهمك كل حاجه. 
في حديقه الفيلا..
مراد بشك بقولك ايه انا مش داخل دماغي الكلمتين اللي قولتهم ل بابا دول.
حازم بلا مبالاه مش مهم.. مبقتش فارقه.
مراد بتساؤل مالك يا حازم
حازم وهو شارد في الفراغ مفيش حاجه.
مراد بغمزه علي اخوك يا حازم.
حازم بضيق مراد بعد اذنك سيبني لوحدي.
مراد جلس بجانب اخيه وتحدث بهدوء شوف يا حازم انت مش بس اخويا انت صاحبي الوحيد.. وانا حافظك كويس وعارف امتي بتكون متضايق وامتي بتكون فرحان.. واكبر دليل انك متضايق ومخڼوق انك مروحتش تجيب اختك من المدرسه امبارح.. معأنه المفروض مهما يكون زعلك ايه هو.. تفصل زعلك وخنقتك ده عن اختك وتروح تجيبها عشان انت عارف انه مينفعش نسيبها تروح لوحدها.. ومع ذلك انا مجتش اتكلم معاك او اضايقك اكتر ما انت متضايق.. بس انت عارف انه اللي عملته ده غلط ومكنش ينفع تسيب اختك افرد جرالها حاجه.
حازم بندم انا اسف مكنش قصدي اعمل كده.
مراد بإبتسامة انا عارف انه مكنش قصدك بس لازم تتكلم مع اختك وتعتذرلها عشان هي متضايقه منك.. ثم اكمل بتساؤل.. ها بقى مش هتحكيلي ايه اللي مضايقك.
حازم استسلم وقص له كل شئ حدث معه منذ ان قابل ساره حتي الليله الماضيه.
مراد بضحكه خفيفه يعني الحوار طلع وراه بنت وانا اقول بقالك يومين مش علي بعضك ليه اتريك واقع ومحدش سمي عليك يا شاطر.
حازم بسخريه انت هتمثل.. عايز تفهمني انه وسط ما انت في النادي وبتتدرب عشان تكسب المسابقه.. واخد بالك من اخواتك وعارف عنهم كل حاجه عنهم.
مراد بجديه شوف يا حازم انا عارف انه انت بتشوفني اوقات كتير اني شخص اناني وبهتم بنفسي ومش بهتم بإخواتي ولا بهتم بأي حاجه.. بس انا مش كده وانت ولينا اول اهتمامتي وبحبكم اكتر من اي حاجه في الدنيا..