رواية المجنونه الفصل السابع و الاربعون
تستناني خمس دقايق و راجعة ..
و فعلا مكملتش الخمس دقايق كانت حطتلة طبق قدامه خلته مستغرب ايه ده ..
قعدت جنبه لازقة فيه انا عملته .. ذوق و اديني رأيك ..
معاذ كان في عنده كثير أسئلة بس نظراتها المتحمسة المستنية رأيه خلته يذوق على طول و مكنش متوقع الطعم انت عملتيه بنفسك مش قادر أصدق طعمه مختلف مبيشبهش أي طعمة أنا ذقتها من قبل ..
لين مطت شفايفها انت مبتبالغش عشان انا بنتك ..
ضړب بصباعه على أنفها إلا ذوقي فالأكل مبجاملش فيه أي حد بس مش فاهم زاي يطلع معاكي بالطعم المميز ده ..
انت عارف اني بحب الحلو و تعلمت الأساسيات فالفترة اللي فاتت بالسر أعتقد عندي موهبة ضحكت يمكن ورثتت الأبداع ده منك ..
ابتسم أكيد بنتي هتطلع شبهي بس ليه مقلتيليش من الأول كنت هساعدك ..
أنا متعودة على التعليم الذاتي و بتعلم بسرعه تعلمت لغات و تعلمت برمجه كل الحاجات ديه لوحدي شوية حلويات متصعبش عليا .. لمحت بصاته استوعبت أوبس وقعت بلساني عبست اسفة كذبت عليك ..
ضحك و لعب فشعرها انت فاكره أبوكي عبيط كنت سايبك ع راحتك بس كنت داري بكل حاجة سبتك لغاية ما تفتحي قلبك و تقولي الحقيقة ..
كشرت متزعلش مني كنت ..
بحنية لين أنا بحبك أوي و لو عندي بنت معتقدش هحبها أكثر ما حبيتك انت روحي مكنش لازم أسيبك معاه ولو لحظة كل اللي حصلك بسببي ..
المهم انك بابا دلوقتي حضنته بحبك أوي رفعت رأسها عنه سبلت عيونها لو بجد الحلو بتاعي عجبك .. ممكن أضيفه فمينيو المطعم ..
ضحك و أنا بقول ايه سبب الحب ده ..
عبست عيب عليك يا بابا يعني مبحبش فيك ديما بس تعبت من الشغل الممل في المطعم عايزه أعمل حاجه بحبها فلو سمحت ممكن تضيفه هتكفل بتفاصيل كل حاجه فيه ..
باس راسها انا اللي هتشرف بالحلو بتاعك فمطعمي و أوعدك لو فضلتي تعملي حلويات بوصفاتك الخاصة بنفس الطعمه المبهره ديه هعملك فرع مخصوص بالحلويات انت تديريه ..
كانت مبسوطة أوي أول مره تحس انها بتعمل حاجة لنفسها مش لترضي أي حد و فرحت أوي بتشجيعه و اليوم اللي بعده وصت
على كل حاجه و ثالث يوم راحت المطعم رايقة ابتدت شغل قبل ما أي حد يوصل ..
ادم دخل لقاها بتشتغل راح غير هدومه و رجع بتعملي ايه مش فاهم ..
بتريقة مقرأتش المينيو الجديد ..
قريته و اللي فهمته انو في ناس يا دوب تعرفت على المطبخ من كم شهر و بقت شيف حلويات و في ناس درست و اشتغلت ع حالها سنين لتقدر تعمل كده ..
ضحكت غيران انت صح درست سنين عشان تيقى شيف بس بابا معاذ تعب كثير ليقدر يوصل للنجاح للي هو فيه و ليا الحق بما اني بنته استفيذ من تعبه ده عايز تلومني على نجاحه ولا إيه يا شيف ادم ..
أنا مش مسؤول عن اللي هيحصل فالمطعم من بعدك ..
محدش طلب منك تشيل مسأوليتي فلو سمحت سيبني أشوف شغلي مش عارفه ليه فجأة بقيت عدائي معايا انا أذيتك فإيه لو سمحت سيبني فحالي ..
قررت أستقيل ..
يتبع ..
