رواية عندما يعشق الفدائي الفصل 23بقلم لولو طارق

يا كارما ليا عذرى بقيت لما بكلمك او بشوفك بحس انى خلاص مش قادر على بعدك ابدا تعبت من البعد نفسى تفضلى فى حضنى .... وانتى من أخر مره زعلتى منى .... اما بقى الباقى ... ربنا بيقول لايكلف الله نفسا الا وسعها ...... انتى ليه تعملى فى نفسك كدا جسمك محتاج للراحه له حق عليكى مش لازم انتى الا تعملى كل حاجه .... كدا توصلى نفسك لوضعك دا .... 
كارما بعياط انا محتاجك قوى جمبى اوعى تسبنى حرام عليك .... 
مصطفى ضمھا جامد ليه وبيمسد على ضهرها وشعرها انا جمبك أهو يا حبيبى مش ها أسيبك قومى ياله غيرى هدومك عشان ننزل أشتريلك طقم تحضرى بيه فرح جنا 
كارما مش عايزا ..... انا نفسى انام 
مصطفى انتى على طول نايمه قومى ياله 
كارما انا ما بنمش مش بقدر نفسى انام سبنى فى حضنك 
مصطفى ضمهاااا أكتر ومحتويها كلها لحد ما هديت وفعلا بتغمض عنيها وبتنام .... وهو فضل شارد فى إهماله لها وازاى سابها توصل للحال دا الكل أهملها حتى حبيبها الا بيوعدها بكتير قوى وبمجرد ما يرجع شغله ينساهاااا خالص عشان ما يزودش شوقه لها ...... وحس بالأنانيه ... ان الحب مش رغبات وبس ... لا فى أهتمام وتبادل للمشاعر ... الا بتفرق عند أى شخص يكون دايما جمبك حتى لو بعيد يشاركك كل لحظات حياتك ... يكون الداعم ليك دايما 
داليا خبطت خبطه صغيره ودخلت 
مصطفى هشششش وبينيم كارما براحه وهى ماسكه فيه زى الاطفال مش عايزا تسيبه ما صدقت ... حست بالراحه والحضن الا هاتنسى فيه كل متاعب الحياااه 
داليا بتشاور خلاص خليك وخرجت وقفلت الباب 
مصطفى نام جمبها وهى ماسكه فيه وشدها كلها نيمها فى حضنه وفضل يمسد على ضهرها ويحسسها بالأمان أكتر وانه جمبها وحاسس بيها 
حمزه دخل البيت وجرى على اوضه جنا خبط ودخل لقى جنا وثريا وندى ..... خد أخته فى حضنه ها تسبينا وتمشى 
جنا بعياط ها توحشونى وانت لسا فاكر تيجى 
حمزه معلش المهم ناقصك حاجه 
جنا ابدا ادهم جابلى كل الا انا عايزاه وكمان قالى ها يعملو زفه كبيره بالعربيات لحد المطار وجابلى الفستان 
حمزه ضمھا ليه مبررروك يا حبيبتى ربنا يهنيكى .... 
ثريا حمد الله على السلامه يا حبيبى 
حمزه وطى على ايد مامته وباسها الله يسلمك يا أمى عامله ايه 
ثريا الحمد لله 
حمزه لندى وانتى مش ها تسلمى عليا 
ندى بأبتسامه حمدالله على السلامه 
حمزه شدها تعالى حاف كدا وحضنها وهى مكسوفه وجنا وثريا بيضحكو ومبسوطين 
ندى خلاص بقى يا حمزه 
حمزه باسها من راسها لاء مش خلاص احنا مش ها نتجوز بقى الشقه خلصت 
ندى خلاص باقى حاجات بسيطه
حمزه يعنى الاجازه الجايه نتجوز 
ندى ان شاء الله 
أسر بص يا حمزه حسن جابلى البدله دى ليا ودى ليك انت 
حمزه طب