رواية بيت المجانين من الفصل الأوّل إلى الفصل السادس بقلم دعاء عادل

الفصل الاول
رواية بيت المجانين 
مستشفى الامړاض النفسيه والعقلية 
فى مكتب مدير المستشفى 
قاعد المدير على مكتبه مربع ايده بيبص بغيظ على التلاته اللى قاعدين قدامه  
المدير خالد سالم _ بوسى محمد _ على ايوب ... يعنى مجانين وادينا بنحاول نعالجكم بقالنا 4 سنين ومفيش فايده اغبياء وڠصب عننا لازم نستحملكم ما ده شغلنا كل شوية تعملو مشكله فى المستشفى معلش نعديها كل ده عادى لكن تجننو دكاتره المستشفى معاكم لاااااا بقى كده كتير اعمل فيكم ايه 
خالد واحنا مالنا ومال الدكاتره احنا استلمناهم كده 
على ايوه هما جاين مجانين لوحدهم مش تختارو دكاتره كويسه الله 
بوسى هو فى ايه !
المدير صحى النوم والنبى ماانتى قايمه نامى زى ما كنتى بقى الدكاتره هما ال جاين كده ها هما ال اټجننو لوحدهم صح دكتور عرفه اللى جاله اڼهيار عصبى ودكتوره نوال اللى استقالت وقعدت فى البيت وجالها اكتئاب دائم ودكتور احمد اللى جاتله حالة هستريا وفضل يضرب فى نفسه بالجزمه ودكتور مروان اللى ... ولا بلاش انتو ايه قوة دمار شامل 
خالد على فكره انا اعترض 
المدير هو انت فالح فى حاجة غير الاعتراض مش كفاية انك ظابط سابق وعامل نفسك ظابط علينا دخلت المستشفى ليه يا حضرت الظابط 
خالد اختلاف فى الراى مع الواء بتاعى يااخى الله 
المدير لا يا شيخ 
خالد يبص للسقف ويفتكر اخر مهمه ليه فى الداخليه  
_____________________
اللواء فين خالد الغبى ده 
خالد انا جيت اهو يا فندم 
اللواء ياهلا بالبطل الهمام 
خالد بكسوف ربنا يخليك والله يا فندم 
اللواء ربنا يخدك 
خالد ربنا يخليك يا .. ايه ليه كده يا فندم 
اللواء فين المتهم يا حضرتك الظابط 
خالد بكل هدوء مشى 
اللواء مشى ومين اللى خله يمشى 
خالد انا طبعا 
اللواء انت طبعا كده عادى مفيش مشاكل خالص يعنى 
خالد الله الراجل قعد معايا واعترف انه هو اللى سرق الفيلا وقتل البواب بس ده كان ڠصب عنه وماكانش قصده يعمل كده وقال انه عمره ما هيعملها تانى وحلف على المصحف كمان 
اللواء تقوم تخليه يمشى ! 
خالد الله ما الراجل حلف على المصحف عايز ايه تانى 
اللواء بزعيق منك لله منك لله انت عاار على الداخليه انت اصلا مش طبيعى انت اكيد مچنون اعمل فيك ايه اعمل فيك اييييه
اه يانى اااه 
خالد حضرت اللواء يا فندم انت نمت ولا مۏت ولا ايه طب اجيب دكتور طيب 
يا عسكرى ابراهيم حضرت اللواء تقريبا ماټ روح هات حانوتى 
_____________________
المدير الراجل جات ليه جلطة واټشل بسببك 
خالد الله ده امر ربنا يا دكتور هتعترض 
على ما تسكت بقى ده انت طلعت نيله خالص 
المدير اتنيل انت كمان 
على وانا مالى انا 
المدير وانا مالى انا يا عار على دكاتره الطب النفسى نفسى افهم انت اتخرجت اصلا ازاى من كلية الطب 
على على فكره انا كنت دكتور هايل بس الحسد وقر الزملاء عليا هو اللى عمل فيا كده 
المدير اه بأمرت العيانين بتوعك مش كده 
على مالهم العيانين بتوعى كانو عسل والله مالهم 
_____________________
على اهدء بقى خالص واسترخى وقولى بتشتكى من ايه 
المړيض انا يأس جدا من حياتى يا دكتور 
على ليه كده بس احكى احكى 
المړيض احكى ايه بس يا دكتور
على احكى اللى مدايقك 
المړيض مش عارف احكى
على الله ما طولك يا روح ياخى احكى اي حاجة 
المړيض مش قادر مش قادر 
على بنرفزه امال جاى ليه يا روح امك احكى يالا لا ارتكب فيك چريمه احكى 
المړيض پخوف حاضر حاضر انا اصلى مش لاقى شغل والبنت ال كنت بحبها سابتنى واتجوزت والبيت ال عايش فيه هيوقع لما خلاص اعصابى تعبت 
على وجاى تتعب لى اعصابى معاك انت اصلا مش عايز علاج انت ال زيك يروح ينتحر ويخلص نفسه من الهم اللى عايش فيه ده وتخلصنى انا كمان من الدوشه بتاعتك دى
المړيض اڼتحر
يقوم المړيض من مكانه ويجرى على الشباك وينط منه 
على استنى استنى الله ېخرب بيتك ترمى نفسك من عندى ليه كنت ارمى نفسك تحت عربيه يا غبى 
_____________________
المدير فى دكتور نفسى يتسبب فى اڼتحر المړيض بتاعه 
على ما ده كان العلاج المناسب لحالته ينتحر احسن من القرف ال كان عايش فيه ده انا عملت فيه معروف 
بوسى المفروض كنت انت كمان ترمى نفسك معاه 
على ليه 
بوسى عشان تسليه وهو بيوقع لحد ما يوصل للارض 
المدير انا عايز افهم انتى بتصحى ليه 
بوسى خلاص انام 
المدير لا قومى دورك جيه يا عبقرية زمانك 
بوسى انا عبقرية 
المدير طبعاااا فى واحده تعمل فى جوزها ال انتى عملتيه 
بوسى همممممم الله يمسك بالخير يا اشرف 
_____________________
اشرف اااه يا دماغى بوسى يا بوسى 
بوسى نعم 
اشرف مفيش عندنا اسبرين
بوسى لا 
اشرف يووه طب مفيش اي حاجة مسكنه لصداع
بوسى لا مفيش ليه بتسأل ! 
اشرف بغيظ اصلى عايز الاسبرين اخد معاه صورة لذكرى الخالده 
بوسى بجد والله طب اروح اجيب ليك الكاميرا ! 
اشرف يا غبية انا عندى صداع 
بوسى وده جالك من فين !
اشرف يادى النيله عليا من كتر الشغل 
بوسى هو الشغل كتر ليه !
اشرف صبرنى يارب
بوسى يصبرك على ايه !
اشرف عليكى يا بعيده 
بوسى هو انا عملت ايه !
اشرف ارحمينى واسكتى 
بوسى اسكت ليه !
اشرف ېخرب بيتك بقولك عندى صداااع 
بوسى ايوه عندك صداع ليه بقى !
اشرف الله ېخرب بيتك وبيت اهلك وبيت اليوم اللى اتجوزتك فيه كان يوم اسود 
بوسى اسود ليه !
اشرف ربنا يهدك يا شيخه كشفت رأسى ودعيت اقولك مفاجأه يا بوسى 
بوسى اه قول 
اشرف روحى وانتى طالق بالتلاته يا مجنونه يا بنت المجانين 
بوسى ...... مجنونه ليه !
اشرف !!!!!!!!!!!
_____________________
المدير كان المفروض ېقتل ويخلص الناس منك مش بس يطلقك الراجل جاله صداع دائم 
بوسى بهدوء انا كنت بسأله بس مش عارفه هو اتنرفز ليه 
المدير بصو بقى انتو التلاته دخلتو المستشفى فى نفس السنه ونفس الشهر يعنى فى توقيت واحد وانتو التلاته اعراض المړض عندكم فيها تشابه كبير وانتو التلاته جننتو الدكاتره وجننتونى انا شخصيا ومع كل ده مفيش حد عارف يعالجكم عشان كده المستشفى قررت انها تجرب معاكم علاج من نوع جديد جدا انتو التلاته هتخرجو من المستشفى وهتعيشو مع بعض فى بيت واحد لمده 3 شهور كامله لو عرفتو تعيشو مع بعض من غير مشاكل يبقى وقتها ممكن جدا تعيشو مع الناس فى سلام لو حصلت مشاكل وخربتو الدنيا يبقى اخركم معايا الخانكه دى تجربه عشان نشوف اذا كنتو تعرفو تعيشو مع الناس ولا لا مهو انتو لو عرفتو تتعاملو مع بعض هتعرفو تتعاملو مع المجتمع بشكل طبيعى ومن الاخر اعتبرو نفسكم فئران تجارب 
خالد انا اعترض 
المدير من اولها 
خالد ايوه ايه فئران تجارب دى فى واحده ست معانا المفروض تحترمها وتقول فارين وعرسه 
بوسى ببرود عرسه تاكلك 
خالد تاكلك انتى الاول 
على ېخرب بيت الصداع بتاعكم 
المدير الهى تطلع عليكم قافلة فئران تاكلكم ما تخلى فيكم منك ليه ليها انا برغى فى ايه من الصبح 
خالد ما احنا كمان مش فاهمين 
المدير مش فاهمين ايه بقول هتخرجو من المستشفى وتعيشو فى بيت زى باقى الناس بشكل طبيعى ويا تعملو اللى بقول عليه ده يا تمشو من هنا على الخانكه هو ده الحال المثالى ليكم 
خالد خلاص انا موافق 
على وانا كمان