رواية زين الجزء الثاني الفصل 14 بقلم سحر فرج

بخصوص اختفاء زين .
ليل كان صعبان عليها جدا انها تمشى من غير ما تعرف زين فين واختفى ازى .
وحسام بلغ عمر والبنات انه هايفضل فى روما ومش هايقدر ينزل مصر دلوقتى لحد ما يظهر زين ويرجعوا مع بعض على مصر .
فقررت ليل انها تفضل فى روما مع حسام وأيه هى كمان .
وعمر هو اللى هايرجع هو وشاهندا على مصر علشان يطمن على والدته ولما تتحسن باذن الله يرجع تانى لروما ويدور على زين .
___________________________
الايام كانت بتعدى ورا بعضها ومفيش اى جديد فى حاله سميحه وكمان بخصوص اختفاء زين . 
عمر لما وصل القاهرة هو وشاهندا وراح على المستشفى واطمن على والدته بلغ سماح ويوسف والكل بأختفاء زين فى ايطاليا من ساعه لما راحوا على الجزيرة.
وده اللى خلاهم يستغربوا جدا جدا وقلقوا على زين اكتر .
حسام كان على اتصال دائم بعمر فى مصر هو وجاسر وكانوا بيبلغوه بكل شىء يقدروا يوصلوله اول بأول . 
___________________
وفى مكان بعيد شويه على اطراف مدينه فى العاصمه روما وبالتحديد فى مخزن قديم لقطع السيارات كان موجود
زين الجبالى . 
قاعد على الارض وحالته سيئه جدا ودقنه طويله ودم ناشف على وشه وايده وشعره اللى كان كله تراب.
وكان مقفول عليه باب اوضه صغيرة فى المخزن .
فقام وقف بكل ارهاق وتعب وقرب من باب الاوضه دى وبصوت عالى قال بالايطالى افتحوا الباب .. افتحوووووا الباااب .
انا هنا ليه! 
افتحوووووووا البااااااب.
لحد ما جه شخص طويل وعريض وعضلاته كبيرة زى البودى جارد وبصله بكل عصبيه وقال انت مش هاتبطل ازعاج كل شويه يا راجل انت.
زين افتحوا الباب انا هاوديكم فى ستين داهيه.. افتحووووووا 
انتم مش عارفين انا مين .. انااااا
زين الجبالى اللى هايوديكم فى ستين داهيه يا مجرمين.
الراجل بصله من فوق لتحت وضحك اوى بسخريه وقال مين زين الجبالى ده.
زين بعصبيه افتح الباب ده وانا هاعرفك مين هو زين الجبالى يا حيوان .
انتم عاوزين منى ايه انا هافضل هنا لامتى انا بقالى اكتر من اسبوعين هنا ليه 
الراجل لسه هايرد عليه اتفاجأه ان باب المخزن بيتفتح من برة ودخل الراجل الكبير بتاعهم ومعاه بنت جميله .
فجرى ناحيته ووقف اودامه وقال اهلا يا جون باشا .
الراجل الكبير بصله وقال اخبار زين ايه دلوقتى 
البودى جارد مش مبطل اسئله وعاوز يعرف هو هنا ليه 
الراجل الكبير ضحك وقال هو هنا علشان 
حاول يدخل نفسه فى شىء ميخصهوش هما كده دايما المصريين عاوزين يتدخلوا فى كل شىء .
وبص للبنت اللى كانت معاه وقال مش كده يا قطه .
زين كان اول مرة يسمع صوت الراجل ده هنا فى المكان وحس أنه يعرف الصوت ده وسمعه قبل كده كويس اوى وفضل يفتكر هو سمع الصوت ده فين قبل كده وفضل يفكر ويفكر لحد ما افتكر واټصدم ان ده صوت مدير الفندق .. ايوا هو مدير الفندق اللى على الجزيرة .
ايوا هو جون
وبدأ ېصرخ ويخبط على الباب وينده بأسم المدير ويقول جوووون 
افتح الباب ده .. افتح انا هنا ليه يا مچرم .
جون فضل يضحك بسخرية وأمر البودى جارد انه يفتح لزين الباب بما انه عرفه وعرف صوته خلاص .
وفعلا راح وفتح لزين الباب وزين اول لما الباب اتفتح بكل عزمه ضړب البودى جارد بالبوكس فى وشه ووقعه على الارض ولسه هايقوم من مكانه ويضرب زين الراجل الكبير كان اسرع ومسك مسدسه وضربه پالنار فى صدره وفى لحظات وقع على الارض
قتيل غرقان فى دمه .
زين اټصدم من التصرف بتاع جون وسرعته دى فى ضړب الڼار وقرب منه ومهمهوش المسډس اللى فى ايده ولا همه الرجاله اللى معاه ومسكه وشده من الجاكيت اللى كان لابسه وقال بأعلى صوته أنت عاوز منى ايه يا جون  
عاااااااوز منى ايه 
وفجأه..................
.... يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل