رواية زين الجزء الثاني الفصل 15 بقلم سحر فرج

عاوز يخلينى اشتغل معاهم فى الشبكه دى ولما شكيت فى كلامه بدأت استدرجه فى الكلام لحد ما قدرت أعرف منه المعلومات دى كلها وعن جون مدير الفندق ده .
ليل بكل خوف وتوتر قالت طيب ايه برضه علاقه كلامك ده باختفاء زين 
جاسر العامل ده فى وسط كلامه قالى ان الراجل المصرى اللى اسمه زين اللى اختفى من فترة على الجزيرة كان سمعهم وهما بيتكلموا عن الشبكه دى وعلشان كده خطڤوه فى مكان من بتوعهم.
حسام پخوف وقلق رد وقال طيب وهو مين حكاله الكلام ده 
جاسر سمع بظروفها الكلام ده لما جون كان بيقوله لحد على الموبيل بتاعه وقاله انه اضطر لكسر الكاميرات وتخريبها ولعب كمان فى بعضها علشان يخفى كل اللى حصل لزين قبل ما الشرطه توصل . 
ليل قامت وقفت وبدات ټعيط وقالت زين يا حسام يا ترى عملوا فيه ايه 
حسام قرب منها وقال اهدى يا ليل لما جاسر يكمل بقيه كلامه .
ليل بكل خوف بيقولك سرقه اعضاء يا حسام سرقه اعضاااااء .
حسام ارجوكى تهدى يا ليل وخلينا نكمل كلام ونشوف هانعمل ايه .
وفعلا قعدت ليل بكل خوف وړعب زى ما حسام طلب منها وجاسر كمل كلامه على طول وبلغهم ان العامل ده سمع جون وهو بيقول انهم هايودوا زين على المخزن القديم بتاعهم لحد ما يقرروا هايعملوا ايه معاه .
ليل انا مش هاقدر اقعد اكتر من كده لازم نبلغ الشرطه وكمان نبلغ السفارة المصريه وهما هايقدروا يوصلوا للمخزن ده ويقبضوا على جون .
حسام فعلا هو ده اللى هيحصل وفى اسرع وقت كمان .
واول حاجه عملوها فعلا انهم بلغوا السفارة المصرية والشرطه الايطاليه بكل كلام جاسر اللى هو عرفه .
_____________________
زين كان رايح جاى فى الاوضه اللى كان محپوس فيها فى المخزن عمال يفكر يعمل ايه علشان يقدر يخرج من المكان ده .
وفجأه سمع صوت باب المخزن بيتفتح فقرب من باب اوضته يحاول يسمع ايه اللى بيحصل برة بالضبط .
فسمع صوت البودى جارد اللى كان قاعد بيحرسه بيتكلم مع بنت .
وفجأه سمع صوت طلقه ڼار خرجت من مسډس وبعدها طلقه تانى .
فاستغرب جدا من اللى بيحصل برة ومش عارف بالضبط هو ايه .
لحد ما فجأه لقى باب الاوضه اللى كان محپوس فيها بيتفتح عليه.
ودخلت نفس البنت اللى كانت مع جون واللى بسببها زين اتخطف واتحبس كده بالمنظر ده طول الفترة دى.
زين باستغراب بصلها وقال انتى بتعملى ايه هنا وايه صوت ضړب الڼار ده 
سارة ارجوك مش وقته الاسئله دى كلها ويلا بينا نخرج من المكان ده فورا قبل ما حد يوصل من العصابه ويموتنا احنا الاتنين هنا .
زين انتى بتتكلمى عربى ! وعصابه ايه اللى بتقولى عليها 
سارة يا سيدى ايوا انا سوريه ودى عصابه كبيرة لسرقه الاعضاء وارجوك يالا نخرج من هنا فورا .
زين طيب انتى ليه عاوزة تساعدينى وتهربينى من هنا 
سارة علشان انت الانسان الوحيد اللى كان عاوز يساعدنى لما كنت پصرخ لما كانوا بيضربونى وبسببى انت موجود هنا وهما اكيد هايموتوك وكمان نظرة عيونك ليا لما جيت مع جون فوقتنى من اللى انا فيه وقررت انى اساعدك زى ما انت كنت عاوز تساعدنى .
زين حاول يجمع اعصابه وقال هاتى المسډس ده ويالا بينا بسرعه .
وفعلا سارة ادتله المسډس وخرجوا من الاوضه ولسه هايقربوا ويخرجوا من باب المخزن بس جون ورجالته كانوا اسرع منهم وهجموا
على المخزن .
جون قرب من سارة وضربها بالقلم على وشها لدرجه انها من شده القلم وقعت على الارض وجرى زين عليها وحاول يقومها . 
بس البودى جارد جريوا عليه ومسكوه. 
جون بكل عصبيه قرب من سارة وشدها من شعرها وقال كنت عارف انك هاتعملى كده وهاتيجى لحد هنا وتحاولى تهربيه وتهربى معاه .
اوعى تفكرى انى عبيط او اهبل لااا انا سهلت ليكى كل العقبات اللى ممكن تقابلك وعملت 
وبتوسل قالت حرام عليك سيبنى ارجع لأهلى سيبنى ارجع لبلدى سيبنى أمشى من هنا واوعدك مش هاقول اى حاجه لاى حد عن الشبكه بتاعتك .
وسيب زين كمان هو مالوش أى ذنب فى كل اللى حصل ده .
جون ضحك بصوت عالى وقال انتى الظاهر عليكى اتجننتى يا سارة ودى اخر حاجه ممكن افكر فيها .. وقت ما ازهق منك مش هاسيبك ترجعى لاهلك زى ما انتى متخيله .
وقت ما هازهق منك هاموتك بأيدى دى انتى فاهمه يا قطه . 
وبالنسبه لزين اللى انتى خاېفه عليه اوى كده هايموت دلوقتى اودام عيونك بعد ما ناخد اعضاءه ونستفيد منها . 
و..................... يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل