رواية دعنى احطم غرورك الفصل 31 بقلم منال سالم

شفتيها لأ 
أشاحت جانا بوجهها ناحية باب الغرفة فوجدته مفتوحا فاعتلت الدهشة وجهها و 
جانا باستغراب الله ايه اللي فتح باب الأوضة انت معاك المفتاح
عز مش بالظبط بصي هفهمك هو الحكاية ومافيها إن 
جانا مقاطعة وبحدة يعني انت كنت بتشتغلني 
عز وقد نهض من على الأريكة استني بس 
جانا بضيق واضح لأ مش هستنى اوعى من وشي !!!!!!
ودلفت جانا خارج الغرفة دون أن تمهل عز الدين الفرصة لكي يبرر لها ما حدث كانت تشعر بالڠضب والحنق لأنه كان يخدعها متعمدا حتى أنها قابلت عايدة هانم في طريقها ولكنها أكملت خطواتها السريعة بعد أن بادلتها التحية باقتضاب وتركتها وانصرفت وعلى وجهها الانزعاج 
عايدة صباح الخير جانا
جانا أها صباح النور 
عايدة باستغراب جانا جانا انتي رايحة فين
تعجب يوسف من حالة جانا و 
يوسف متسائلا ايه مالها 
عايدة وهي تمط شفتيها مش عارفة بكلمها ردت عليا ومشيت على طول
نزل عز الدين هو الأخر إلى الطابق السفلي فوجد والده واقفين ف 
عز صباح الخير
يوسف صباح الخير يا بني مال جانا
عز بنبرة هادئة مضايقة من اللي حصل امبارح
يوسف بتوجس هو انت عملت ايه معاها
عز بخبث وهو ينظر في عيني والده لأ مش انا اللي عملت انتو اللي عملتوا
يوسف وهو يتنحنح احم احم تقصد ايه
عز غامزا يا حاج مش عليا انا  
يوسف وهو يربت على كتفه طب يالا نفطر 
عز وهو يضع يده على معدته وماله اهوو الواحد يرم عضمه شوية

عادت جانا إلى الشاليه الخاص بعمها حسين وهي تزفر في ضيق وظلت تتمتم بكلمات غير مفهومة و 
جانا بحنق انا يتلعب بيا الكورة الشراب ماشي اصبرواعليا بتشتغلوني وتعملوا عليا رباطية برضوه مش هيحصل اللي في دماغكو
رأت سهير جانا وهي تدلف للداخل وعلى وجهها الڠضب فتعجبت من رؤيتها و 
سهير باستغراب جانا الله انتي جيتي يا بنتي 
جانا متصنعة الابتسام هاي أنطي سهير اه اول ما صحيت قولت اجي اعد معاكو ماهو مش معقول هقضي اليوم كله هنا  
سهير قوليلي في حاجة حصلت امبارح
جانا وهي تشير بعينيها هه لأ مافيش اومال فين دينا وانطي هالة وعيالها
سهير دينا وكريم وآسر ع البحر وخالتك هالة لسه نايمة
جانا طيب انا هخش اقعد معاها 
سهير خشيلها يا بنتي