رواية زين الجزء الثاني الفصل 16بقلم سحر فرج

ولاد بلد واحده والمفروض قلبكم يكون على قلب بعض ولا ايه رايكم يا جماعه .
سارة ده المفروض اللى كان يحصل يا ليل واسمحيلى اقولك ليل بس للاسف هو مدنيش فرصه لاى حاجه .
جاسر لسه هايقوم وياخد بعضه ويمشى ويسيب المكان كله .. حسام طلب منه انه يقعد ويحاولوا يحلوا الموضوع .
زين الصراحه كده ومن غير ما تزعل منى يا جاسر انت راجل والمفروض تسمع لها وتعرف ايه هى الاسباب اللى خلتها تبعد عنك .
سارة قوله يا زين قوله. 
جاسر وانا اهو قاعد هاسمع وانتم معايا وتحكموا بنفسكم .
وبص لسارة وقال اتفضلى احكى يا ست سارة .
سارة بصتله بكل حزن وبصت لزين اللى اعتبرته زى اخوها بالضبط وهو كمان اعتبرها اخت ليه وفى الاخر قالت يعلم ربنا يا جاسر انى بادلتك نفس شعورك واحساسك وحلمت باليوم اللى ربنا يجمعنا فيه على خير انا وانت ونتجوز واكون ليك الزوجه اللى بتتمناها طول عمرك . 
ورغم كل الظروف اللى مرت عليا وانا بعيده عنك لكن عمرى ما قدرت انساك لحظه وطول الوقت كنت معايا وفى قلبى .
بس ڠصب عنى اضطريت أبعد عنك علشان مكنتش عاوزة اخسرك وعلشان جون هددنى انى لو ما بعدتش عنك ممكن يقتلك .
جاسر وليه اصلا علشان تبقى ليه هو زى ما انا شوفتك معاه بعدين 
سارة جاسر انا عملت كل ده وبعدت عنك علشان كنت خاېفه عليك منه وكنت خاېفه لا هو يأذيك افهم بقى .
ويعلم ربنا ان جون ده عمره ما لمسنى ولا قدر يقرب منى زى ما كان مفكر علشان انا عمرى ما هاسلم نفسى وروحى وقلبى غير للانسان اللى انا بحبه وبس وفى حلال ربنا واياك تفهم بقى .
وڠصب عنها دموعها خانتها وعيطت وقامت من مكانها وخدت بعضها وراحت على التراس اللى كان فى المطعم .
جاسر اتأثر جدا بكلام سارة واتاكد انها لسه فعلا بتحبه . 
فقام من مكانه واستأذن من حسام وزين ودخل لها التراس وقرب منها وحاول يهديها .
سارة بكل دموع بصتله وقالت انا بحبك يا جاسر وعمرى ما حبيت حد غيرك انت وبس ازاى قدرت تتخيل انى ابعد عنك واسيبك علشان خاطر الفلوس زى ما انت تصورت .
جاسر بكل حب وحنيه مسك ايديها وشدها لحضنه وباسها وقال انا اسف انى فهمتك غلط وياريت تسامحينى وعاوزك تنسى كل اللى فات ده ونبدأ صفحه جديده انا وانتى وبس .
وبص لعيونها وقال سارة انا بحبك وعمرى ما قدرت انساكى وعمرى ما حبيت حد غيرك انت وبس .
انتى حبى الاول والاخير .
واول حاجه ناوى اعملها اننا ننزل سوريا مع بعض واروح اتقدم لاهلك واطلب ايدك منهم ونتجوز هناك .. موافقه يا حبيبتى 
سارة مسحت دموعها وابتسمت 
وقالت اكيد موافقه .
زين كان رايح يطمن عليهم وسمع كلامهم وفرح جدا ليهم وقال مش هانتعشى بقى با حلوين بمناسبه الاخبار الحلوة اللى سمعتها دى .
جاسر وسارة ضحكوا من قلبهم لاول مرة من فترة طويله وقالوا يالا بينا .
ورجعوا كلهم على المطعم والاكل كان بدأ يجهز ليهم وجاسر بلغهم بالاخبار الحلوة اللى اتفقوا عليها هو وسارة والكل هناهم وبارك ليهم ولسعادتهم وفرحتهم .
و................
نكمل الفصل القادم 
وهايبقى الفصل الاخير من رواية زين الجزء التانى .... يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل