رواية دعنى احطم غرورك الفصل 42 بقلم منال سالم

الحلقة_42
في قاعة الأفراح 
استمرت فقرات الحفل في التعاقب وتنوعت ما بين غناء وفقرات ترفيهية كما كانت الفرحة تبدو جلية على الجميع فالكل مستمتع بتلك الأجواء المبهجة ..
ثم حان موعد تناول الطعام أو ما يطلق عليه اسم البوفيه المفتوح  
كان ياسين يقف بجوار عز الدين في الكوشة فأمال عز الدين قليلا برأسه ناحية ياسين الذي انحنى عليه و.... 
عز بصوت خاڤت يالا ياض روح ألحق كلك لقمة قبل ما التتار ينقض ع الأكل
ياسين بنبرة واثقة متقلقش انا عامل حسابي
رفع عز الدين حاجبيه في اندهاش ثم نظر إلى ياسين و...
عز باستغراب ازاي 
اخرج ياسين حقيبة بلاستيكية سوداء مطوية من جيب سترته ثم أمسكها بيده وأراها لعز الدين بكل ثقة ..
انتفض عز الدين فزعا ثم حاول اخفاء تلك الحقيبة البلاستيكة و... 
عز وهو يخفي يد ياسين الله يخربيتك ايه ده 
ياسين بنبرة واثقة الكيسة السودة اللي هتلم كله
عز بضيق هتفضحنا يا زفت
ياسين وهو يشير برأسه محدش هياخد باله كلهم بيعملوا كده .. وانا حاطط عيني ع الديك الرومي والفخدة البتلو المحبشة اللي هناك دي
عز وهو يمط شفتيه في تهكم طول عمرك مفجوع
ياسين وهو يلكزه في كتفه الله يكرمك دايما رافع معنوياتي .. متخافش هحوشلك نايبك .. أنا عارف انك مش فايق لأي حاجة دلوقتي
عز بنظرات منزعجة اييييه يا عم انت هتلطني معاك في الليلة دي 
ياسين مبتسما وغامزا بثقة اطمن .. وراك رجالة 
عز وهو يميل برأسه طب افرض اتقفشت يا حلو
ياسين بثقة وهو يضع اصبعه على طرف رأسه اطمن انا جايب كيسة تانية لو الاولى اتمسكت
عز وهو يدفعه من كتفه امشي ياض من جمبي ده انت ڤضيحة
ياسين وهو يبادله التحية بيده أخلاق .. أخلاق يا عريس .. هاروح اجيب نايبي ونايبك 
عز بتهكم وبحدة غووووور يالا من هنا .. أل نايبي ونايبك أل
ابتعد ياسين من جوار عز الدين الذي كان يبتسم على طرفاته المازحة ثم مال على جانا برأسه قليلا ليتحدث معها و...
عز بصوت خاڤت شوفتي المچنون ياسين عمل ايه
جانا متسائلة ماله
عز مبتسما جايب شنطة بلاستيك معاه عشان يعبي فيها الأكل
جانا وقد تعالت ضحكاتها هههههههههههههههههههههههه يادي الفضايح
.......................
في مكان ما بالقاعة حيث كان المهندس حسين الدمنهوري يتلقى التهنئات والمباركات من المدعوين جاء إليه شاب غريب
جاسر مبتسما هاي اونكل حسين
حسين باستغراب اهلا يا بني
جاسر وهو يزم شفتيه اسمها هاي يا اونكل
حسين على مضض متأخذنيش أصل انا راجل دقة قديمة وماليش في جو هاي وماي وباي
جاسر وهو يشير بيده Never mind.. قولي بقى يا اونكل .. دودا فين
حسين باستغراب مين دودا دي معندناش دود يا بني الدود يا إما موجود في المش يا في الأرض
جاسر وهو يشير بالنفي برأسه No... أقصد بنتك دودا
حسين بضيق يابني قولتلك معنديش