رواية دعنى احطم غرورك الفصل 43 بقلم منال سالم

دارين بنرفزة مش هخلص منه إلا لما ادمرهم الاتنين
عادت لوجي إلى الطاولة وهي ممسكة بصحن مليء بالأطعمة و 
لوجي وهي تتناول الطعام مممم البوفيه فيه حبة اكل تحفة
دارين بحنق شوف انا بقول ايه ودي همها ع ايه
حازم في نفسه ع الأقل مش فلقاني بعز من الصبحية

شعر عز الدين بالضجر لأن الحفل لم ينتهي بعد فهو أراد أن يمضي وقته بصحبة عروسه الجميلة وليس فقط لمتابعة المدعوين للحفل 
عز بضيق هو احنا هنفضل اعدين كده كتير انا تعبت 
جانا بنبرة عادية لسه فاضل كام فقرة
عز مازحا وهتجي فقرة الساحر امتى
جانا باستغراب ساحر !! ليه 
عز مبتسما وهو يغمز بعينيه عشان يفور الناس دي كلها وفي تكة نكون في بيتنا
جانا بصوت ناعم أها قولتلي بقى
عز مبتسما وتنهيدة حارة يا مثبت العقل في النافوخ
جانا وهي ترفع حاجبيها في استغراب مالك 
عز وهو يلوي فمه انا بقول نخلع احنا ومحدش داري بينا واهو الكل ملهي في الأكل 
جانا محذرة بيدها هاااا !!
عز وهو يشير بيده خلاص أديني هسكت 
ظل عز الدين ينظر إلى جانا بأعين مشتاقة هو يريد أن ينعم بقربها وأن تكون في أحضانه يتذوق معها طعم السعادة 
عز في نفسه مافيش إلا ابا الحاج يوسف هو اللي هيلملناالليلة دي في كلمة ونص

حضر ياسين بعد فترة إلى الكوشة وهو يرتب في هندامه استغرب عز الدين من هيئة ياسين فمال عليه قليلا و  
عز باستغراب ايه اللي بهدلك كده
ياسين وهو يعدل ياقته لأجل الورد ينضرب العليق
جانا بعدم فهم مش فاهمة
ياسين بثقة الواد الملزق خلاااااص بقى بخخخ
عز وهو يعقد جبينه مۏته 
ياسين مبتسما لأ سلمتله تسليم أهالي للواد كريم وأصحابه 
عز باستغراب كريم !! يا جبروتك ياخي
جانا بلهفة بس ده ممكن يضربهم 
ياسين ضاحكا هههههههههههههههه يضرب مين ده تقروا عليه الفاتحة ده انا كنت بحوش عنه 
جانا متسائلة بس ليه عملتوا فيه كده 
ياسين بنبرة جادة أصله كان بيعاكس الحتة بتاعتي وانا مسمحش بالتسيب ده يحصل قدامي انا أعاكسها اه غيري لأ 
عز غامزا حمش ياض
ياسين بخجل مصطنع وهو يتنحنح احم من بعض ما عندكم يا أخ عز

في مكان أخر بالقاعة 
مالت سهير قليلا على زوجها لتتحدث معه و 
سهير مبتسمة شايف يا حسين العيال شكلهم ماشاء الله يجنن
حسين بنبرة فرحة ربنا يحميهم 
سهير وهي ترفع يديها بالدعاء عقبال دينا يا رب
يوسف مقاطعا عن قريب ان شاء الله وعريسها هيكونعندي
حسين بضحكة هههههههههههههه طالما هيكون من طرفك يبقى انا خلاص موافق
سهير مبتسمة ربنا يرزقها بابن الحلال
اللي يستاهلها 
يوسف بنبرة جادة ان شاء الله هو ابن حلال مصفي 
حسين متسائلا ايييه يا جوو في دماغك حد معين
يوسف بتردد يعني هنبقى نتكلم بعدين بس المهم الوقتي العرايس هيفضلوا متذنبين كده كتير
سهير بعدم فهم قصدك ايه يا بشهندس
يوسف ضاحكا ههههههههههههههه قصدي يا سهير هانم ان العروسة للعريس هههههههههه 
حسين مكملا والجري للعواجيز اللي زينا هههههههههههه
سهير مبتسمة لأ اسمها متاعيس
حسين وهو يشير بيده فرقت يعني يا سهير
يوسف هههههههههههههه طب يالا عشان العرايس يتهنو سوا 
يتبع
منتظرة رأيكم وتوقعاتكم في التعليقات ومتنسوش لأيك بعد القراءة عشان تشجعوني أكمل نشر الروايات تفاعلكم هو اللي بيشجعني اكمل